mánadagur 2. februar 2009síða 3

3 tíðindi Nr. 22 - 2. februar 2009 tíðindi Kavaveður í Bretlandi Í Bretlandi hava veðurmenninir boðað frá bæði kulda og kava. Teir rokna við, at hendan vikan verður tann kaldasta har í 10 ár, og harafturat vænta teir, at bretar fáa so nógvan kava, sum teir ikki hava havt síðani februar í 1991. Kavin nhevur longu órógvað gerandisdagin. Tann stóra Gatwick-floghavnin við London mátti lata aftur í gjár, tí tað vóru ikki floglíkindi, og í morgun stóðu allir bussarnir í London stillir, tí líkindini vóru so vánalig. Sambært BBC fara kuldin og kavin at kosta bretska samfelagnum 600 milliónir pund um dagin. Vesturleiki landaði í Skotlandi í gjár Sørvágstrolarin Vesturleiki hevur landað í Scrabster í gjár. Vesturleiki hevði 85 tons, meginparturin var upsi. Vesturleiki byrjaði túr 22. januar, teir hava roynt á Munkagrunninum. Tá Vesturleiki loysir aftur úr Scrabster, fara teir beinleiðis aftur til fiskiskap. Kommunusaman­ legging Áki Bertholdsen aki@sosialurin.fo Nú er spurningurin um at leggja alla Suðuroynna sam- an í eina kommunu, aftur settur á dagsskrá í Suðuroy. Spurningurin varð tikin upp í heyst, men tá var tað ikki mett at vera rætt, at frá- farandi kommunustýrini tóku nøkur stig í hesum máli. Tískil varð avrátt at málið skuldi takast upp aftur so skjótt sum kommunuvalið hevði verið og nývaldu bý- og bygdaráðini høvdu tikið við á nýggjárinum. Og hóskvøldið hittust so umboð fyri allar kommun- urnar í oynni aftur á fundi at tosa um kommunusaman- legging. Tað var Granskingardepil- in fyri samfelagsmenning, sum tók stig til hesa tilgongd- ina um at leggja kommunur- nar saman og tað var eisini hann, sum kallaði saman til fundin hóskvøldið. Allar kommunur skulu svara Fundurin var fyri allar kommunustýrislimir í Suð- uroynni og tað vóru eisini allar umboðaðar og summar av teimum vóru eisini rætti- liga væl mannaðar. Á fundinum varð tosað um at seta ein arbeiðsbólk við umboðum fyri allar kommunurnar at arbeiða víðari við málinum og at útkast til ein sáttmála um kommunusamanlegging. Bólkurin skal eisini við- gera fyrimunir og vansar við eini kommunusaman- legging. Kristin Michelsen, borg- arstjóri á Tvøroyri, sigur, at eitt sum var til umrøðu á fundinum var, at tað er so ymiskt, hvussu kommunur- nar eru fyri fíggjarliga. Tað er ein spurningur, sum má loysast í sambandi við eina kommunusaman- legging og sum arbeiðsbólk- urin skal taka upp. Bólkurin skal eisini tosa um skattaprosentið, sum er ógvuliga ymiskt frá komm- unu til kommunu. Somuleiðis skal bólkurin viðgera kommunuskuldina, sum eisini er sera ymisk frá kommunu til kommunu. Borgarstjórin á Tvøroyri sigur, at tað vera neyvan bý- og bygdaráðslimir, sum fara at manna arbeiðsbólkin. Á fundinum varð haraftur ímóti tosað um at manna bólkin við kommunuskriv- arunum, sum helst eru teir, ið hava best innlit í viður- skiftini hjá teimum ymsu kommununum. - Niðurstøðan á fundinum var, at nú skulu tey ymsu bý- og bygdaráðini taka málið til viðgerðar hvør sær fyri at vita um tey vilja vera við í einum arbeiðsbólki, sum skal arbeiða víðari við spurninginum um komm- unusamanlegging Spurningurin verður tikin upp í teimum ymsu bý- og bygdaráðunum í næstum og seinast í mars skulu øll hava svarað. Tvøroyri vil víðari Borgarstjórin á Tvøroyri dugir ikki rættiliga at meta um, hvønn veg rákið á fund- inum gekk. Men hann sigur, at dettur ætlanin niðurfyri at seta ein arbeiðsbólk at leggja alla oynna saman um eina komm- unu, fer Tvøroyrar Komm- una undir øllum umstøðum at arbeiða víðari við komm- unusamanlegging. - So fer Tvøroyrar býráð at bjóða teimum komm- unum, sum hava hug at leggja saman um at seta seg saman í ein bólk at arbeiða við einum sáttmála um samanlegging. - Endamálið er so at tær kommunur, sum vilja leggja saman, kunnu leggja saman um so onkrar standa uttan- fyri. Hann sigur, at so er í øll- um førum gongd sett á arbeiðið, so fær hann at síggja, hvussu langt tað røkkur. Hann ivast ikki í, at komm- unurnar fara at verða sam- anlagdar um ikki so nógv ár. Men hann heldur, at tað er umráðandi fyri kommun- urnar at vera frammanfyri og at leggja saman sjálv- bodnar ímeðan tær sjálvar kunnu seta treytirnar. - Verða vit tvingaðar sam- an, verða tað onnur, sum seta treytirnar fyri okkum og tað er ongantíð ein fyrimunur, sigur Kristin Michelsen. Suðuroy Kommuna Skattur Barnfrádr. Hvalba 20,00% 3000 kr. Tvøroyri 23,50% 5000 kr. Fámjin 18,00% 5500 kr. Hov 20,00% 5000 kr. Porkeri 21,00% 4000 kr. Vágur 23,25% 4000 kr. Sumba 21,00% 5500 kr. Føroyar Hægsti Miðal Lægsti skattur skattur skattur 23,50% 20,78% 16,00% Hægsti Miðal Lægsti barnfrádr. barnfrádr. barnfrádr 7000 kr. 4821 kr. 3000 kr. Her sæst, hvussu kommunuskatturin og barnafrádrátturin er í teimum sjey kommununum í Suðuroy. Tað er nógv bíligast at búgva í Fámjin, tí har er bæði skatturin lægst og barnafrádrátturin millum teir hægstu í allari oynni. Umframt kommunuskatt, betala tey 0,60% í kirkjuskatti í øllum kommununum, uttan í Sumba, har er kirkjuskatturin 0,70%. Men verða tølini samanborin við allar Føroyar, sæst tað eisini, at heilar fýra av teimum sjey kommununum í Suðuroy hava eitt skattaprosent, sum er yvir miðal fyri alt landið og tríggjar kommunu hava ein barnafrádrátt, sum er undir miðal fyri alt landið. Saman við Sands Kommunu, hevur Tvøroyri hægsta skattaprosent í landinum, men á Sandi er barnafrádrátturin kortini 6000 krónur, sum er 1000 krónur meiri enn á Tvøroyri FAKTA Kommunusaman- legging aftur á breddan í Suðuroy Nú verður aftur roynt at seta ferð á eina tilgongd, sum skal enda við, at øll Suðuroy verður løgd saman í eina kommunu. Seinast í mars skulu allar kommunurnar hava svarað um tær vilja vera við ella ikki Umboð fyri allar kommunur í Suðuroy hava aftur nú verið á fundi, har tey hava tosað um at leggja alla oynna saman í eina kommunu. Um tveir mánaðir skulu øll sjey kommunustýrini hava tikið støðu