týsdagur 25. september 2001síða 3

Útoyggjarnar klára ikki einsamallar at fíggja eina útoyggja- skrivstovu, sum ætlanin er at fáa at virka ÚTOYGGJAR Eyðun Klakstein Fólk av útoyggjunum halda tað var gott hugskot at seta á stovn eina serliga skriv- stovu, sum kann taka sær av áhugamálunum hjá teimum smáu oyggjunum. Men skal ein slík skriv- stova gerast, har lønt starv- ast dagliga, so mugu útoyggjarnar fáa fíggjarliga hjálp. – Hóast útoyggjarnar halda hugskotið verða gott, og tey kunnu gjalda eitt sindur til eina slíka skriv- stovu, so klára tær ikki einsamallar at fíggja eina útoyggjaskrivstovu, sigur Olga Biskopstø. Hon var samskipari av Útoyggjaáltinum, og nú er hon við arbeiðsbólkinum, sum fyrireikar stovnanina av einum útoyggjafelagi. – Spurningurin er so, hvussu ein útoyggjaskriv- stova skal skipast og fíggjast. Møguleikarnir eru fleiri, men vit mugu fyrst kanna, um myndugleikarnir eru sinnaðir at samstarva um eina slíka skrivstovu, sigur hon. Samstarv Olga Biskopstø heldur, at eitt hugskot hevði verið, at ein komandi útoyggja- felagið og landsmyndug- leikarnir samstarvaðu um eina skrivstovu. – Enn er einki ítøkiligt í hesum, men eitt hugskot hevði verið, at landið hevði eina útoyggjaskrivstovu, sum útoyggjafelagið á onkran hátt kundi verið knýtt at, sigur Olga Biskopstø. Enn hevur hon ikki tosað við løgmann um hetta mál, men tað ætlar hon sær at gera ein av komandi døgunum. – Ein útoyggjaskrivstova hevði kunnað verið ein stór hjálp hjá fólkunum á smáu oyggjunum. Skrivstovan kundi ráðgivið og upplýst bæði til útoyggjafólk og til restina av landinum, sigur Olga Biskopstø. Útoyggjarnar mugu fáa pengar til skrivstovu – Enn er einki ítøkiligt í hesum, men eitt hugskot hevði verið, at landið hevði eina útoyggja- skrivstovu, sum útoyggjafelagið á onkran hátt kundi verið knýtt at, sigur Olga Biskopstø 4 Nr. 184 - 25. september 2001 Nr. 184 - 25. september 2001 5 Tvøroyrar Býráð hoyrdi onki aftur frá Almanna- og Heilsu- málastýrinum og tí er sáttmálin um Al- mannastovuna nú sagdur upp. PRINSIPPMÁL Áki Bertholdsen Nú er grundarlagið undir Almannastovuni í Suðuroy farið at rilla. Tvøroyrar Býráð vil ikki longur vera við til at betala so nógv fyri Almannastov- una í Suðuroy, sum býráðið hevur gjørt higartil. Av tí sama hevur býráðið nú sagt sáttmálan um Al- mannastovuna í Suðuroy, upp. Finnleif Guttesen, borg- arstjóri á Tvøroyri, sigur, at tað var í 1976, at sáttmáli varð gjørdur ímillum lands- stýrið og allar kommunurn- ar í Suðuroy, uttan Vágs Kommunu, um at leggja Almannastovuna í Suðuroy. Í 1995 kom eisini Vágs Kommuna upp í avtaluna. Eftir avtaluni betalir landið lønirnar til starvs- fólkið á Almannastovuni, men kommurnar betala all- ar hinar rakstrarútreiðsl- urnar, eitt nú hølisútreiðsl- ur, ljós, varma, telefon o.s.fr. – Síðani er parturin hjá hvørjari kommunu trektur beinleiðis av kommunu- skattinum, uttan at komm- unan hevur havat nakra sum helst ávirkan. Haraft- urat hevur mannagongdin verið tann, at upphæddin fyri alt árið er tikin beinan- vegin, fyrst í januar á hvørj- um ári. Harafturat eru útreiðsl- urnar ógvuliga nógv hækk- aðar í seinastuni. Í fjør var parturin hjá Tvøroyrar Kommunu av rakstrarút- reiðslunum hjá Almanna- stovuni í Suðuroy 88.000 krónur, men í ár er upp- hæddin meiri enn tvífaldað upp í 174.000 krónur. – Hetta er hent, uttan at kommunan hevur fingið eitt einasta orð at vita um, hví útreiðslurnar eru so nógv hækkaðar. Almannastovan søgd upp Tvøroyrar Býráð góðtekur ikki hesa mannagongd longur og tað góðtekur heldur ikki uttan víðari, at kommunan skal betala fyri at hava almannastovu í Suðuroy. – Vit halda ikki, at vit eiga at betala fyri, at al- mannastovan skal vera í Suðuroy. Heldur ikki góð- taka vit, at vit onki fáa at vita og at vit onga ávirkan skulu hava. Býráðið samtykti tí ein- mælt herfyri at krevja nýggjar samráðingar við Almannna- og Heilsumála- stýrið um almannastovuna í Suðuroy. Býráðið ásannaði at tað var so trupult at fáa svar frá Almanna- og Heilsumála- stýrinum, at tað kravdi at fáa svar áðrenn 18. septem- ber um samráðingarnar. Men 18. september bað Almanna- og Heilsumála- stýrið um at fáa tveir dagar afturat. Tann freistin var úti hós- dagin, men tað hoyrdist onki aftur. Tí hevur Tvør- oyrar Kommuna nú sagt sáttmálan við Almanna- stovuna upp. Sáttmálin er sagdur upp frá 1. oktober at rokna, so frá hesum degi betalir Tvøroyrar Býráð ikki long- ur fyri at hava Almanna- stovu í Suðuroy. Tvøroyrar Býráð sagt Almannastovuna upp – Vit halda ikki, at vit eiga at betala fyri, at almannastovan skal vera í Suðuroy. Heldur ikki góðtaka vit, at vit onki fáa at vita og at vit onga ávirkan skulu hava, sigur Finnleif Guttesen Sunnumorgunin vórðu tríggir ungir dreingir um seytjan ára aldur sendir á sjúkrahúsið, eftir at teir vórðu álopnir av átta ungum í miðbýnum HARÐSKAPUR Stefan í Skorini Vikuskiftið fór ikki aftur- um bak, uttan at løgreglan og sjúkrahúsið skuldu taka sær av fólki, sum vóru komin illa fyri av harð- skapi. Hesuferð var bardagin meira umfatandi, tí tilsam- ans ellivu ung fóru til hendurs. Løgreglan greiðir frá, at sunnumorgunin umleið klokkan fýra kom ein fráboðan um harðskapin. Tríggir dreingir vórðu álopnir av trimum gentum og fimm dreingjum, sum vóru í aldrinum 14-17. Hendingin fór fram í Tróndargøtu, og tað var sambært løgregluni nakað av munnhøggi millum tey ungu, sum elvdi til álopið. Dreingirnir fingu smá- skaðar sum blátt eyga, skursl og blóðsamlingar og vórðu fluttir á skaða- stovuni. Enn er eingin tikin í sambandi við harðskapin, men løgreglan veit, hvør onkur av gerningsmonnum er, og hon arbeiðir framvegis við málinum. Stórbardagi í Havn C M Y K 5 4