hósdagur 5. februar 2009síða 27

Nr. 25 - 5. februar 2009 27 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Eg má byrja við orðunum, sum pápi tín yrkti: Frá fyrstu stund, tú ljósið sá, tú birti ljós í lon; í eygum tínum lýsti tá ein Himmalglæma von. Mín elskaði sonur! Eg helt, at hjarta mítt steðgaði, tá eg fekk boðini um, at lívið var farið úr tær. Tú var jú mítt elskaða barn: vakur, skilagóður, arbeiðs­ samur og álítandi. Tú var júst farin undir lívið við tíni elskaðu Beintu, sum vit øll vóru so glað fyri og góð við. Tú var abbasa drongur burturav, og Beinta og tú høvdu gjørt tykkum heim í húsunum hjá ommuni og abbanum á Argjum. Tankarnir eru nógvir: Hevði eg havt kunnað steðga tær hin dagin, tá tú fór til Sands. Hevði eg havt tað, men »hvør veit á morgni at siga, hvat hann á kvøldi gistir«. Tú fór, óhappi hendi og tú læt lív, bert 19 mánaðir aftan á, at pápi tín lat lív av herviligari sjúku, bert 57 ára gamal. »Hørð eru lívsins kor«. Seinastu tíðina av lívin­ um var tú sera hugtikin og spældi á gittar sangin: »Stairway to heaven« (Himmalvegurin). »Hetta er ein fínur og góður sangur, sum eg eri komin at duga«, segði tú sjálvur. At tú so skjótt skuldi ganga himmalvegin, vardi ongan. Men nú er tú heima í himmalinum, saman við pápa tínum, sum eisini elskaði teg so nógv. Tit líkt­ ust av lyndi: friðsamir, toln­ ir og góðir. Eg biði Jesus halda tykkum í sínum favni, saman við abba, tveimum pápabeiggjum og fastir. Eg fari eisini at enda við orðunum hjá pápa tínum: Kring um Harrans høga tignarstól flúgva fagrar einglafjøldir fegnar - frítt er har, og aldrin setur sól - tæna har sum Harrans trúgvu tegnar. Mamman Til minnis um Kristin Bærentsen 19. apríl 1981 - 14. sept. 2008 Tøkk Øllum tykkum, sum luttóku í okkara stóru sorg, tá vit mistu okkara høgt elskaða son, beiggja, drong, verson, svág, ommu- og abbason og systir- og bróðirson Kristin Bærentsen ættaður úr Skopun búsitandi á Argjum Ein tøkk til tykkum, sum komu á vanlukkustaðið og gjørdu tykkara besta fyri at bjarga honum. Takk til øll, sum tóku sær av okkum ta fyrstu sváru tíðina. Takk til tey, sum vóru í Kapellinum, og til prestarnar Ann Dahl Hansen og Jákup Reinert Hansen. Stóra tøkk til arbeiðsplássið hjá Kristin, Faroe Ship, sum skipaðu fyri flutningi suður í teirra egna bili. Fyri blómur til Kristin og gávur til okkum. Takk fyri, at tit vóru so góð við Kristin. Takk fyri køkur, blómur, kransar, peningagávur til okkara og til Skopunar kirkju. Takk til tykkum, sum hava skrivað góð orð um Kristin, og takk til tykkum, sum skipaðu fyri jarðarferðini: sangarar, berarar, organistin og ljóðmannin. Takk til tann stóra, stóra skara, sum fylgdi honum til hansara seinasta hvíldarstað. Takk til allar hendur, sum skipaðu fyri ervinum í Ungmannahúsinum Samljóð. Familjunnar vegna Mamman beiggjarnir og Beinta Tað er gott, at vit enn í dag eiga góð fólk, sum hjálpa tí neyðstadda: Harrin signi tykkum øll. »Tann, sum lívgar onnur, skal sjálvur vera lívgaður« Urnan við Ian Onghamar fer úr kirkjugarðskapellinum leygardagin klokkan 13.00. Familjunnar vegna Eyðna og Lilian Tøkk Hjartans tøkk fyri sýnda samkenslu, tá okkara kæra Rigmor Thomsen Norðragøtu andaðist og varð jarðað. Familjan Dagurin 5. februar. Ata, deyð umleið ár 250. Henda vakra unga gentan í Cataniu á Sikiloy vildi ikki lovast heidnum fríggjara, av tí hon var kristin, og varð eftir ræðuligar pínslur tikin av døgum. Navnið er grikst og merkir tann góða. (Axel Tórgarð: Dagar og nøvn í álmanakkanum) 85 ára føðingardagur Sunnudagin 8. februar verður Símun Pauli Poulsen, Fuglafirði, 85 ár. Dagurin verður hildin saman við børnunum Silvurbrúdleyp 11. februar hava Jórun & Trøndur Ennistíg silvurbrúdleyp. Dagurin verður hildin heima, Niðaragøta 54, 188 Hoyvík, frá kl. 18.00. Í døgunum 9. til 20. mars verður skipað fyri ferðaleið­ araskeiði á Føroya Fólka­ háskúla. Skeiðið er skipað sum fyrireiking til ferðaleið­ araskúlan “Service & Co” í Spania. Undirvísarar frá “Guide­ skolen Service & Co. Eru Súsanna Gunnarsson og Uffe Helsing Andersen. Súsanna Gunnarsson er føroysk. Hon flutti til Norra í 1994 og hevur sjálv tikið útbúgving hjá Service & í Spania og hevur arbeitt sum ferðaleiðari í fleiri ár. Uffe Helsing Andersen er kendur við føroysk viðurskifti. Hann var ferðaleiðari ferða­ vinnusesongina í Føroyum í 2003 og hevur hildið fyri­ lestrar um ferðavinnuskúlan í Spania. Undirvíst verður um ferðavinnuna í Føroyum, kunningartænastu, sølu og tænastuveiting, eisini verð­ ur norðurlendsk málvenjing, mikrofonvenjing, undirhald og um hvussu tað er at vera útstationeraður sum ferða­ leiðari. Skeiðið kostar 7.000 krón­ ur (vistarhald er íroknað). Tilmeldingarfreistin er sett til 19. februar. Áhuga kunnu venda sær til Føroya Fólka­ háskúla á tel. 311743 ella teldupost: haskulin@ haskulin.fo Ferðaleiðaraskeið í mars Súsanna Gunnarsson frá ferðavinnuskúlanum Service & Co. (uttast til høgru á myndin)