fríggjadagur 6. februar 2009síða 19

[ Nr. 26 - 6. februar 2009 ] Hjalti er við Kyndli Talan er ikki bara um vánalig tíðindi til Kyndils­ fólk undan steypafinaluni. Flestum kunnugt verður Høgni Klein ikki við á vøllinum, eftir at hann breyt hondina í hálvfinaluni móti StÍF. Hinvegin verður Hjalti M. Jacobsen við í hópin­ um. Hjalti hevur í ár verið burtur í lestrarørind­ um, men hann kemur heim til finaluna, og er tað uttan iva ein góður styrkum, sum eisini kann loysa av á plássinum sum spælskipari, um beinini hjá Jónleif Sólsker ikki halda til sam­ fullar 60 minuttir. Einki lusk við Færø Tað er einki lusk við, at Brøndby hevur gjørt sáttmála við føroyska verju­ spælaran Odmar Færø. Tað skrivar heimasíðan bold.dk. Odmar Færø var í heyst til royndarvenjing í AC Horsens, og har stóð hann seg væl. Venj­ arin í Horsens tá var Kent Nielsen, sum rósti Odmar Færø til skíggja. Eingin avtala spurdist burturúr, men nú Kent Nielsen er farin til Brøndby at verða venjari, hevur hann syrgt fyri, at Odmar Færø fær sáttmála við Børndby. Í AC Horsens siga tey, at einki løgið er við hesum. Kent Nielsen hevur spælt við opnum kortum allatíðina, og tað var leiðslan í AC Horsens, sum ikki vildi gera avtalu við Odmar Færø. ­ Brøndby hevur meira pengar at arbeiða við og kunnu lata hann spæla á næstbesta liðnum, sigur Jesper Hansen, ítróttarstjóri í AC Horsens, við bold.dk Spælandi venjarin hjá Neistanum hevur roynt tað mesta sum spælari. Men hóast hetta, so er svongdin eftir at vinna tann sama. Og hann setir álitið á, at spælarar hansara eru minst líka svangir Hondbóltur Jákup Mørk jakup@sosialurin.fo Neistin er ikki akkurát hondbóltsliðið, sum hevur vunnið flestu steypaheitini á manssíðuni. Seinasti steypa­ sigurin liggur afturi í 1994. Spælandi venjarin hjá liðnum, Ingi Olsen, hevur tó roynt lutin oftari enn so nógv onnur. Sum spælari hevur hann fleiri ferðir verið við VÍF í finaluni, og sum venjari sat hann á beinkinum, tá Neistin sein­ ast vann kvinnufinaluna. Tí kennir hann karmarnar betur enn tey flestu, og hann staðfestir, at ein av hansara uppgávum leygar­ dagin er at tálma fjálturin, sum annars kann raka spælararnar ein slíkan dag. ­ Tað eru jú serligar um­ støður kring ein slíkan dyst. Sjónvarpið sendir beinleið­ is, og bæði bløð og miðlar annars gera nógv burturúr. Og við nýggja hondbólts­ gólvinum at spæla á er eisini sjónligur munur á til ein slíkan dyst, sigur Ingi Olsen. ­ Leikluturin hjá mær er tó at fáa spælararnar at hugsa um hetta sum ein og hvønn annan dyst. Tað snýr seg altso um ein dyst upp á 60 minuttir, har vit sum spælarar skulu avgera ting­ ini á hesum somu 20 ferðir 40 metrunum, og so mugu vit halda fokus á tí. Tit hava bæði vunnið og tapt móti Kyndli í vetur. Hvat slag av dysti roknar tú við, at vit koma at síggja í mansfinaluni? ­ Finaludystir eru ofta ringir at forútsíggja. Bæði liðini fyrireika seg ótrúliga væl, og talan verður ofta um javnar dystir. Og tað rokni eg eisini við, at tað verður hesaferð. Taktiskt verður talan helst eisini um spennandi, og tað verður helst hips um haps, hvør fer avstað við tí. Men vit ætla so at gera okkara til, at tað skal eydnast. Og hvat skal rigga serliga væl hjá tykkum, um tað skal eydnast? ­ Vit hava havt tað heldur stríggið í verjuni, og tað skal rigga líka væl, sum tað hevur gjørt teir báðar sein­ astu dystirnar. Í álopinum hevur tað riggað betur og betur hjá okkum, men í dyst­ unum hava vit havt nøkur útfall, har vit tapa løtur av dystinum stórt. Sleppa vit undan tí, so skuldi staðið hampuliga væl til, haldi eg, sigur Ingi Olsen, sum helst sjálvur verður annar av heilt drúgvu vetarunum á vøllin­ um leygardagin. Fleiri ferðir hevur Jónleif Sólsker sagt, at seinasti dysturin stóð fyri framman. Í mars mánaði fer hann um tey 43 árini, men enn er stuttleikin tann sami, heldur spælskiparin hjá Kyndli Hondbóltur Jákup Mørk jakup@sosialurin.fo Skaðin, sum Høgni Klein fekk í hálvfinaluni móti StÍF, hevur skert Kyndilslið­ ið. Hinvegin er Kyndil fram­ vegis í teirri hepnu støðu, at liðið hevur ein framúr spæl­ skipara í Jónleif Sólsker. Hóast árini nærkast teimum 43, er hondbóltshøvdið framvegis skjótari enn hjá flestu øðrum. Og sjálvur um talan langt ífrá er um hansara fyrstu finalu, so er spenningurin undan leygar­ degnum stórur. ­ Kanska er mann meira róligur, enn mann var fyrr. Men eg trúgvi nú ikki, at tú setir teg upp á stórt øðrvísi hátt, enn eg annars havi gjørt. Tá kappingarárið byrjaði, varð tosað um, at Kyndil hevði trupult við yvir høvur at manna lið. Høvdu tit tá nakra vón um, at tit nú í februar mánaði skuldu standa í finaluni? ­ Nei, tað høvdu vit so avgjørt ikki. Vit høvdu lítið og einki fólk, tá vit byrjaðu kappingarárið, og byrjanin í landskappingini var serstak­ liga vánalig. Men vit mentu okkum sera væl, og steypa­ kappingin byrjar jú seinni, so tað var kanska nóg so heppið hjá okkum, at vit slóu til, akkurát tá vit skuldu. Og vit eru sjálvandi øgiliga glaðir fyri, at vit eru endaðir í finaluni. ­ Tað er serliga verjupart­ urin, sum er blivin betri, og hann skal eisini rigga leygar­ dagin, sigur Jónleif av­ gjørdur. Sjálvur ert tú farin nakað um tey 40. Verður hetta sein­ asta finalan, at tú ert á vøll­ inum? ­ Hatta er ein góður spurn­ ingur, men eg tori ikki at svara. Eg havi fleiri ferðir sagt, at eg skal gevast, men so byrji eg at venja aftur, og tað gangi eg 100% uppí tað. So tað má tíðin vísa. Eg eri so heppin, at eg eri sloppin undan ov nógvum skaðum, so eg haldi bara, at eg sigi, at eg taki eitt ár í senn, sigur veteranurin hjá Kyndli at enda. Og so kann sum eitt kuriosum nevnast, at Jónleif væl kann vera við til at skriva søgu leygardagin. Tað man í øllum førum ikki vera ofta, at faðir og sonur spæla á sama liði, men tað ger Jónleif saman við elsta soninum, Andreas, ið spaku­ liga er við at bíta seg fastan á Kyndils­liðið. 1985 VÍF-Kyndil 33-24 1986 Kyndil-KÍF 24-23 1987 Kyndil-Neistin 21-14 1988 VÍF-Kyndil 16-15 1989 VÍF-Kyndil 21-19 1990 Kyndil-VÍF 19-18 1991 Kyndil-Neistin 22-17 1992 Neistin-Kyndil 15-14 1993 VÍF-Neistin 22-18 1994 Neistin-VÍF 25-24 1995 Kyndil-StÍF 32-24 1996 Kyndil-VÍF 29-18 1997 VÍF-Kyndil 25-21 1998 H71-Kyndil 23-20 1999 VÍF-StÍF 24-23 2000 Kyndil-Neistin 22-20 2001 StÍF-VÍF 32-29 2002 StÍF-Neistin 30-28 2003 Kyndil-StÍF 26-25 2004 StÍF-H71 34-30 2005 StÍF-VÍF 28-23 2006 StÍF-VÍF 24-22 2007 StÍF-VÍF 26-25 2008 Kyndil-StÍF 28-23 2009 Neistin-Kyndil Steypafinalur - menn Er framvegis stuttligt Skulu vera svangir 19