mánadagur 9. februar 2009síða 18

18 [ Nr. 27 - 9. februar 2009 ] Adams fekk sekkin Enska Premier League felagið, Portsmouth, boðaði í morgun frá, at Tony Adams ikki longur er manager hjá felagnum. Tony Adams varð settur í starvið hjá Portsmouth í oktober mánaði í ár, tá Harry Redknapp valdi at taka av einum tilboð frá Tottenham, men tað hevur ikki hepnast serliga væl hjá honum. Tað var annars líka við og næstan leygardagin, tá Portsmouth fáar minuttir fyri leiklok var á odda móti Liverpool, men málini frá Kuyt og Torres syrgdu fyri, at Portsmouth fyri níggjundu ferð á rað mátti av vøllinum uttan stig. Og tað var altso ov nógv fyri leiðsluna í felagnum. Jankovic heldur fram Hóast leysasøgur vilja vera við, at Dmitrije Jankovic skuldi koma aftur til Føroya, er nú staðfest, at so verður ikki. Serbiski miðverjuleikarin, sum seinnu árini millum annað hevur spælt við VB/Sumba og B36, hevur longt avtaluna við FK Sevojno úr Serbia, sum bindir hann at felagnum fram til summarsteðgin. Dmitrije Jankovic skifti til FK Sevonjo í november í fjør. Stjørnan staðfesti enn eina ferð sína støðu sum fremsta kvinnuliðið í land­in­ um. Tjald­ur beit tó væl frá sær í finaluni, sum leingi var ein und­irhald­and­i upp­ gerð millum tvær hond­bóltsfatanir Hondbóltur Jákup Mørk jakup@sosialurin.fo Tað var ferðin og kropsliga styrkin hjá Stjørnuni móti skotstyrkini hjá Tjaldri. Spádómarnir undan kvinnufinaluni vórðu stað­ festir, mest sum í somu løtu, sum dómararnir bríkslaðu hesa ígongd leygardagin. Kristina var framúr Hjá báðum pørtum stóð greitt, at byrjanin av dystin­ um væl kundi fáa heilt stór­ an týdning, og tað tóktist eisini vera nakað, sum órógvaði spælararnar. Ikki minst hjá Stjørnuni, sum hevði ilt við veruliga at fáa tempo á spælið. Í øllum førum, tá liðið var komið í álop. Hinvegin royndu klaks­ víkarkvinnurnar frá fyrsta bríksli at byrja øll álop við fullari ferð, soleiðis at Tjald­ urskvinnurnar hvørja ferð vóru tvingaðar at spurta heim, og tað skuldi nú eisini vísa seg sum eitt gott hugskot. Í verjupartinum høvdu fav­ orittarnir úr Klaksvík tó sera ilt við at gera nakað sum helst við stórskjúttan hjá Tjaldri, Adinu Petrea. Fram um aðrar á vøllinum hevði hon eisini royndirnar, sum koma til góðar í slíkari uppgerð, og ísakald skifti hon ímillum at bumba bólt­ arnar í meskarnar ella bara at sleppa teimum inn á strik­ una, har Sarah Ann B. Thom­ sen í fleiri førum gjørdi lívið súrt hjá Stjørnuni. At Stjørnan kortini fekk gott tak á dystinum longu undan steðginum, kunnu tær fyrst og fremst takka Kristinu Griksaite fyri. Hóast hon í fleiri ár hevur verið millum fremstu málverjarnar í land­ inum, so hevði Kristina ikki vunnið gull í føroyskari kapp­ ing undan leygardegnum, og eina løtu í fyrra hálvleiki tókt­ ist hon hava hug at vinna hetta mest sum púrasta einsa­ møll. Fleiri bjargingar á rað syrgdu fyri, at Tjaldur ongan veg slapp, hóast Stjørnan hevði ilt við at fáa sítt spæl at koyra. Og tá mongu bjarging­ arnar eisini syrgdu fyri, at Petrea yvirplaseraði fleiri skot, kundi Stjørnan rykkja avstað. Dýrur smeitur Hjá Stjørnuni hevði Guðrun í Lágabø eisini fleiri góðar bjargingar, og tí kundi kanska roknast við, at venj­ arin hesa ferð valdi at lata Adelu Burcea vera tann útlendingin, sum ikki slapp á vøllin. Adela varð tó send inn til eitt brotskast eftir góðum 10 minuttum, men góðan minutt seinni mundi venj­ arin helst iðra seg um hesa avgerð. Annika Thomsen reyk í gólvið, tá hon varð tacklað í skotroynd, og fallið var somikið óheppið, at tað ikki var hugsingur hjá henni at halda fram í dystinum. Við at seta Adelu í málið stóð eisini greitt, at Marinela Patru ikki kundi fara á vøll­ in. Og uttan Anniku Thom­ sen legði hetta eyka trýst á Adinu og Alinu. Og so gjørdi tað ikki støðuna lætt­ ari, at Alina stóran part av dystinum varð hildin uttan­ fyri ávirkan við mansverju. Fysikkurin á muni Tjaldur treiskaðist tó leingi móti kalda veruleikanum. Seinna hálvleik mest sum kickstartaðu tær, og áðrenn Stjørnan hevði fangað, at dysturin var byrjaður aftur, hótti Tjaldur við at stinga avstað. Henrik Gerster ilskaðist inn á sínar spælarar, sum ikki veruliga fingu verju­ partin ígongd aftur, men við eitt raknaðu tær aftur við. Ikki minst kom Durita Christophersen veruliga til sín rætt á bakkinum. Við nøkrum knallhørðum tackl­ ingum gekk hon á odda í at steðga annars hart skjótandi bakspælarunum hjá Tjaldri, og tá Stjørnan so aftur rykti, tóktist Tjaldur ikki at hava nakran møguleika. Adina og Alina fingu nakrar kassar afturat, men leiðslan hjá Stjørnuni var ongan tíð veruliga hótt sein­ astu løtuna. Kropsliga høvdu tær nógv størra yvir­ skotið, og tað var fyrst og fremst hetta, sum saman við støðugum trýsti syrgdi fyri, at finalusigurin kom til høldar. Tjaldur mátti hinvegin ásanna, at trøini ikki rukku til himmals hesaferð, men liðið gjørdist so væl og virði­ liga eina uppliving ríkari. Hvussu leikur hevði farið, um Annika ikki noyddist av vøllinum, er ilt at siga, men so ella so tóiktist Stjørnan kortini betur fyri á degnum. Og tað er fyrst og fremst tað, sum tað snýr seg um í eini finalu. Kynstrið at raka dagin er kanska tað truplasta í ítrótti, men tað er eitt kynstur, sum tær í Stjørnuni so ruddiliga hava lært seg. Somikið væl, at tær nú eiga stóra steypið. Tjaldur-Stjørnan 23-25 (9-10): Nú eiga tær steypið Tjaldur-Stjørnan 23-25 (9-10) 10 min: 5-4 20 min: 7-9 40 min: 13-14 50 min: 18-19 Málskjúttar Tjaldur: Adina Petrea 15(2), Alina Olaru 3, Sarah Ann Thomsen 3, Jacoba Langgaard 1 Stjørnan: Simoma Petersen 9(2), Durita Christophersen 6, Una Olsen 5, Bára S. Klakstein 2, Dianne Møller 2, Durita Ljósstein 1 Brotskøst: Tjaldur 3, Stjørnan 2 Útvísingar: Tjaldur 2, Stjørnan 3 Dómarar: Kristian Joensen & Karstin Joensen FAKTA um dystin Stjørnan kom ikki reiðiliga úr startblokkunum eftir steðgin, men tá Durita Christophersen og hinar fingu ferð á verjupartin, varð mótstøðan frá Tjaldri knekkað Mynd: Álvur Haraldsen