mikudagur 11. februar 2009síða 5

5 tíðindi Nr. 29 - 11. februar 2009 Stríðið um nógv umrøddu uppsagn­ irnar í Kringvarpin­ um harðnar. Starvs­ mannafelagið ætlar at klaga, men tvídráttur hevur tikið seg um, hvagar klagan skal sendast Uppsagnir Áki Bertholdsen aki@sosialurin.fo Síðsta orðið um illa um­ stríddu uppsagnirnar í Kringvarpinum beint eftir nýggjár, ikki sagt enn. Men nú verður málið lyft upp á eitt hægri stig. Í hesum sambandi hevur Starvsmannafelagið gjørt av at klaga leiðsluna í Kring­ varpinum. Men trupulleikin er bara, at Starvsmannafelagið veit ikki, hvagar tað skal senda apuna. Støðan er tann, at tvídrátt­ ur er um, hvør er tann rætti kærumyndugleikin. ­ Stýrið fyri Kringvarpið hevur boðað okkum frá, at møguligar kærur skulu sendast til mentamálaráðið, sigur Selma Ellingsgaard, forkvinna í Starvsmanna­ felagnum. Men tað er Mentamála­ ráðið ikki samgt um. ­ Mentamálaráðið hevur boðað frá, at tað er stýrið fyri Kringvarpið, sum er rætti kærumyndugleiki. Selma Ellingsgaard sigur, at hesa seinastu tíðina hava tey roynt at fingið greiðu á, hvat tey skulu skriva uttan á brævbjálvan við kæruni. ­ Tað er eitt mál vit arbeiða við og so skjótt, vit hava funnið útav, hvagar kæran skal sendast, verður hon send, leggur hon afturat. Til fánýtis Beint eftir nýggjár vórðu átta fólk uppsøgd í Kring­ varpinum. Men Starvsmannafelagið, sum er fakfelagið hjá sjey av teimum átta uppsøgdu starvsfólkunum í Kringvarp­ inum, hevur hvørki viljað góðtikið uppsagnirnar ella tær mannagongdir, sum Kringvarpið brúkti í sam­ bandi við tær. Starvsmannafelagið royndi alla tíðina at fáa leiðsluna í Kringvarpinum at taka uppsagnirnar aftur, tí mett varð ikki, at grund­ arlag var fyri teimum. Samstundis gjørdi felagið greitt, at tað fór ikki at sleppa málinum. Men tað var til fánýtis og uppsagnirnar vórðu settar í verk. Men Starvsmannafelagið hevur vil framvegis ikki lata sær hetta lynda. ­ Vit góðtaka ikki upp­ sagnirnar og tí hava vit klaga leiðsluna í Kringvarp­ inum, sigur Selma Ellings­ gaard. Onki grundarlag Selma Ellingsgaard staðfest­ ir, at Starvsmannafelagið er framvegis klettafast í síni sannføring um, at onki grundarlag er fyri Starvs­ mannafelagnum. Hon hevur eisini áður sagt, at hon er beinleiðis skelkað av framferðini hjá leiðsluni í Kringvarpinum. ­ Kringvarpið hevur ført fram, at uppsagnirnar eru neyðugar fyri at spara, men okkara áskoðan er, at uppsagnartíðin er so long, at lítil og ongin sparing stendst av uppsagnunum. Og samstundis, sum átta fólk eru søgd úr starvi, hev­ ur Kringvarpið sett nýggj fólk í starv ­ og talan er um minst tvey fólk, sum eru sett í starv, samstundis sum um at uppsagnir vórðu fyri­ reikaðar og settar í verk. ­ Tað er ein andsøgn í sær sjálvum, sigur Selma Ellingsgaard. Brotið mannagongdir Starvsmannafelagið er eis­ ini av teirri áskoðan, at Kringvarpið hevur ikki hild­ ið seg til ásettar manna­ gongdir, hvørki tá ið størv vórðu sett, ella tá ið upp­ sagnir vórðu settar í verk. ­ Vit halda, at Kringvarpið onki hevur gjørt fyri at vita um tað bar til at sleppa und­ an uppsagnum við at bjóða fólki at arbeiða parttíð ella við at gagnnýta ásetingarnar í eldrapolitikkinum í sátt­ málanum. ­ Talan kann eisini verða um nátúrliga frágongd í ein­ um ári. Men tá ið nýggj fólk sam­ stundis eru sett í starv, varð okkurt av størvunum ikki lýst leyst yvirhøvur, sum øll almenn starv skulu. Og eitt av størvunum var bara lýst á heimasíðuni hjá Kringvarpinum og tað heldur Starvsmannafelagið ikki er nøktandi. ­ Treytin er, at øll størv skulu lýsast leys og tí halda vit, at tað er sáttmálabrot, tá ið eitt starv bara er lýst á heimasíðuni hjá Kringvarp­ inum. ­ Tað er eisini sáttmálabrot og brot á almenna setanar­ politikkin, at álitisfólkið á stovninum ikki hevur fingið málið til ummælis og skal vera við í setanarbólkinum. Samstundis tvíheldur Starvsmannafelagið um, at Kringvarpið setti uppsagn­ irnar í verk, áðrenn freistin var úti og áðrenn Starvs­ mannfelagið hevði fingið innlit í tey viðurskifti, sum innlit varð biðið um. Eitt krav frá Starvsmanna­ felagnum hevur verið, at onkur av teimum nýggju størvunum, sum eru sett, verða ógildað. Men Selma Ellingsgaard ásannar, at tað verður tór­ ført, nú fólkini eru sett í starv. ­ Tað er heldur ikki ábyrgdin hjá starvsfólkun­ um, at tey eru sett í starv. Tað er ein trupulleiki, sum Kringvarpið eigur. Tað, sum vit fyrst og fremst hugsa um, er at fáa uppsagn­ irnar ógildaðar. Hon hevur onga viðmerk­ ing til, hvat fer at henda, skuldi Helena Dam á Neystabø ikki givið Starvs­ mannafelagnum viðhald. ­ Góðtekur landsstýris­ kvinnan uppsagnirnar og framferðina hjá leiðsluni hava vit eina nýggja støðu, sum vit taka til viðgerðar tá. Men áður hava tey nevnt møguleikan fyri at stevna Kringvarpinum, men ein annar møguleiki er eisini at leggja málið fyri Løgtings­ ins Umboðsmann. Leiðslan í Kringvarpinum hevur ikki viljað sagt so nógv um uppsagnirnar av tí, at talan er um persónsmál. Men Annika Mittún Jac­ob­ sen stjóri, hevur alla tíðina ført fram, at einasta orsøk til uppsagnirnar eru sparingar og at allar mannagongdir eru fylgdar út í æsir. Starvsmannafelagið veit ikki hvagar apan skal sendast Selma Ellingsgaard, forkvinna í Starvsmannafelagnum, er framvegis klettaføst í síni trúgv upp á, at onki høpi er í hóp- uppsagnunum í Kringvarpinum herfyri og tí fer Starvsmannafelagið nú at klagað Kringvarpið fyri ovasta myndugleika Fríggja til Khader Síðani Naser Khader fór úr Ny Allianc­e, hevur hann verið heima hjá Brian Mikkelsen, løgmálaráðharra, og har skal hann hava fingið tilboð um at koma upp í Konservativa Fólkaflokkin, sum løgmálaráðharrin er úr. Tað skrivar Ekstrablaðið. Naser Khader váttar, at Konservativi Fólkaflokkurin hevur tosað við seg, men leggur afturat, at tað er vist bara Eindarlistin, sum ikki hevur vent sær til hansara. Tá Naser Khader fór úr Ny Allianc­e tann 7. januar, segði hann, at innan ein mánað skuldi hann finna sær annan flokk. Kunnu útflyta kelduvatn Grønlendska landsstýrið hevur nú givið fyritøkuni Greenland Spring Water ApS loyvi til at útflyta kelduvatn úr Qeqertarsuaq. Sostatt eru øll neyðug loyvi fingin, og um stutta tíð verður grønlendskt kelduvatn at fáa á heimamarknaðinum, sigur kringvarpið KNR. Greenland Spring Water ApS fekk loyvi til at taka kelduvatn fyri trimum árum síðani og trý ár til at kanna marknaðarmøguleikarnar. Kanningarnar hava víst, at sølumøguleikarnir eru góðir. Harafturat fer virkið at geva nøkur arbeiðspláss.