hósdagur 12. februar 2009síða 7

7 tíðindi Nr. 30 - 12. februar 2009 Bjarni Djurholm vil hava at vita um hansara egni lands­ stýrismaður, Jacob Vestergaard, bara er úti eftir at fiska atkvøður, hóast vandi er fyri, at almennir stovnar fara í knús RationaliseRing Áki Bertholdsen aki@sosialurin.fo Tað vakti miklan ans í Løg­ tinginum tá ið Sosialurin mánadagin visti at siga, at landsstýrismaðurin í fiski­ vinnumálum kannar møgu­ leikarnar fyri at leggja rakst­ urin av skipunum hjá Vaktar­ og Bjargingartænastuni og fiskirannsóknarskipinum, Magnusi Heinasyni, saman við Strandferðsluni í Suð­ uroy, so at øll almenn skip verða umsitin á sama stað. Hann metir, at hetta kann geva stór­rakstrarfyrimunir í sambandi við mongdarav­ sláttur, tá ið vørur og tænast­ ur av ymsum slagi skulu keypast og tá ið tilboð skulu fáast frá undirveitarum av ymsum slagi. Tað skal eisini gera tað lættari hjá mann­ ingum at skifta ímillum skipini. Atkvøðufiskarí, ella... Bjarni Djurholm, tingmaður og floksfelagi hjá landsstýr­ ismanninum, er ein av teim­ um, sum er ørkymlaður av ætlanini. Hann reisti málið í Løg­ tinginum í gjár, har hann vildi hava landsstýrismannin at greiða frá, hví hann arbeiðir við at flyta vaktar­ skipini og Magnus Heinason til Suðuroyar? Hann vildi hava at vita, um talan er um eitt ynski um at rationalisera ella um tað bara er fyri at flyta virk­ semi úr Tórshavn í útjaðaran. Hann fór enntá so langt, sum til at spyrja, um hetta bara er fyrsta stigi av fleiri, ella um hetta bara er fyri at vinna sær atkvøður, hóast tað kann syndra stovnar sum annars virka. Bjarni Djurholm heldur, at grundgevingin lítið um grundgevingina. Tað má merkja, at manningarnar skulu í mesta mun vera úr sama øki og at provianteringin somuleiðis skal fyriskipast av veitarum í ávísum øki. ­ Hetta er politikkur, sum annars varð lagdur á hyllina fyri fleiri árum síðani, sigur Bjarni Djurholm. Hann heldur tí, at sakliga grundgevingin er tunn og ber mest brá av at vera upp­ funnin fyri at hava eina grundgeving, heldur enn at byggja á haldgóðan botn. Rationalisering Jacob Vestergaard sigur, at hann hugsar hvønn dag um, hvussu almenni raksturin kann rationaliserast og, um, hvussu vit fáa sum mest burtur úr skattaborgarans pengum. Ein partur av hesum er at lúka dupultfunktiónir burt­ ur, har tað ber til og tað kann vera ein fyrimunur at hava eitt alment reiðarí, heldur enn trý, sum vit hava nú. Hann sigur, at tey hava tosað leyðsliga um møgu­ leikan at hava eitt alment reiðarí, so at allur almennur skiparakstur er undir sama stovni. Men hann legði dent á, at enn hevur málið ikki verið til veruliga viðgerð. Hann vildi ikki svara upp á, um hetta bara var atkvøðufiskarí. ­ Landsstýrið fiskar ikki eftir atkvøðum og landsstýr­ ið syndrar ikki almennar stovnar, segði landsstýris­ maðurin. Men hann leggur afturat, at onki verður gjørt, fyrrenn tað er viðgjørt væl og virði­ liga. Krevur greitt svar frá partamanninum Politikarar í sam­ gongu og andstøðu taka kaldliga ímóti ætlanini hjá Jacobi Vestergaard, landsstýrismanni, um at kanna møguleikar­ nar fyri at leggja øll skipini í eitt felags reiðarí í Suðuroy Bygdamenning Áki Bertholdsen aki@sosialurin.fo ­ Soðið hjá Jacob Vester­ gaard er óluksáliga tunt. Tað halda fleiri politik­ arar, bæði í samgonguni og í andstøðuni. Serliga nógvar meiningar hevur hansara egna flokkur, Fólkaflokkurin. Í hinari greinini her á síð­ uni reisir Bjarni Djurholm, tingmaður, iva um ætlanina hjá sínum egna landsstýris­ manni og spyr, um talan er um atkvøðufiskarí. Ein annar floksfelagi, Poul Michelsen, staðfesti, at sporini við Strandferðsluni ræða og hann vildi hava landsstýrismannin at veita trygd fyri, at onki verður gjørt í óðum verkum. ­ Vit mugu hava eina vissa civilisatión í hesum. Argumentatiónin má vera trygg og hon má hava polit­ iskt kjølfesti. Ein triði floksfelagi, Heð­ in Zachariasen heldur, at hetta eigur at verða viðgjørt nærri. Annars heldur hann, at Strandferðslan er eitt dømi um ein almennan stovn sum nú virkar betri enn hann kanska nakrantíð hevur gjørt, eftir at hann er fluttur út á bygd. ­ Men tað skal viðgerast í samgonguni og grundgeving­ arnar skulu vera haldgóðar. Flytast til Klaksvíkar Fjórði fólkafloksmaðurin, Jákup Mikkelsen, vísti á, at í nógv ár hevur verið tosað um at leggja Vaktar­ og Bjarg­ ingartænastuna í ein sjó­ vinnudepil í Klaksvík og tað kundi eisini verið ein loysn Rodmund Nielsen úr Fólkaflokkinum, helt, at grundgevingin er tunn, men hann tekur undir við tankan­ um um at effektivisera. Kári á Rógvi úr Sjálv­ stýrisflokkinum, heldur, at vit mugu ikki forsøma eina skilagóða samanlegging og eitt skilagott bygdarmenn­ ingartiltak, bara tí at tað passar embætisverkinum best og bara tí at topparnir helst vilja búgva í Havn. Høgni Hoydal úr Tjóð­ veldinum, heldur, at tað er átaluvert at málið kemur fram uttan nakra viðgerð. Og hann vissaði Løgtingið um, at Jacob Vestergaard ger álvara av ætlanini tá ið valið nærkast aftur, sama, hvat onnur í samgonguni siga. Tórbjørn Jacobsen úr Tjóðveldinum helt lítið um ætlanina hjá landsstýris­ manninum um at nøkur skip nú skulu keypa “møtr­ ikkar og skrúvubløð sam­ an”, sum hann tók til. Og hann kallaði hetta lok­ alpolitikk av ringasta slag Ein annar tjóðveldismað­ ur, Heini O. Heinesen, held­ ur, at hetta er heilt hol í høvdið, tí tað var ov langt hjá skipunum at sigla av Norð­ havinum til Suðuroy. Annars vísti eisini hann til ætlanina um at flyta fiskivinnu­ umsitingina til Klaksvíkar. Flytast í Eysturoy Alfred Olsen staðfestir, at málið er ikki viðgjørt polit­ iskt og hann helt, at vit hava ringar royndir av at saman­ leggja stovnar. Annars heldur hann, at mest natúrliga staðið í Før­ oyum at flyta Vaktar­ og Bjargingartænastuna, er inn í Eysturoy. Men hann kom ikki nærri inn á, hví hann helt tað. Bill Justinussen og Karst­ en Hansen úr Miðflokkinum siga at royndirnar av saman­ leggingum hava verið iva­ samar og Bill nevndi Kring­ varpið og Vinnuháskúlin sum tvey eru ræðandi dømi. Kortini heldur hann at tað er skilagott at flyta alment virksemi runt í landinum, har tað er skilagott. ­ Tað kann vera, at okkurt talar fyri, at tað er skilagott í hesum føri. Karsten Hansen sigur, at tað ber væl til at keypa í felag ber væl til, utt­ an at leggja stovnar saman Einasta javnaðarfólk, ið tók orðið, var Katrin Dahl Jacobsen og hon helt, at soðið er øgiliga tunt, tí hetta snýr seg bara um at hvør dregur til sítt øki. Ætlanin hjá Jacob Vestergaard at leggja tey trý almennu reiðaríini, Vaktar- og Bjargingatæn- astuna, Magnus Heinason og Strandferðsluna saman fyri at fáa bíligan rakstur, hevur fingið politikarar upp úr stólinum og nú er kampur um at fáa Vaktar- og Bjargingartænastuna til Klaksvíkar ella til Eysturoynna. Her ligga Tjaldrið og magnus Heinason lið við lið Jacob Vestergaard fekk kalda móttøku Grønlandsbanken avlop Grønlandsbanken slapp væl burtur úr kreppuárinum 2008. Úrslitið fyri skatt var 71,8 milliónir krónur, sum kortini er væl minni enn metárið 2007, tá bankin hevði góðar 112 milliónir krónur í avlopi fyri skatt. Stjórin, Martin Kviesgaard, sigur við blaðið Sermitsiaq, at hann er væl nøgdur við úrslitið, og at bankin bæði kann og vil veita lán. Martin Kviesgaard sigur, at tann vanligi bankaraksturin gav væl av sær í 2008, men at luttøkan í bankapakkanum frá danska statinum var dýr. Trygdarlendu tvær ferðir Eitt flogfar hjá danska flogfelagnum Cim­ ber Air trygdarlendi ikki minni enn tvær ferðir í Kastrup í gjárkvøldið. Flogfarið skuldi til Luksenburg við 35 ferðafólkum. Stutt eftir at tað var farið á flog, vístu trygdarljósini brek við lendingarútgerðini, og flogskiparin valdi at venda aftur. Ein tíma seinni fór flogfarið aftur á flog, men nú vóru trupulleikar við úthurðini, og enn eina ferð mátti flogfarið venda aftur til Kastrup. Cimber Air sigur tilburðin vera heilt óvanligan, men at ferðafólkini vóru ongantíð í lívsvanda.