fríggjadagur 13. februar 2009síða 29

[ Nr. 31 - 13. februar 2009 ] 29 ítróttur SAMBAND jákup Mørk jAkup@SoSiAluriN.fo tlf 341800 At tað hevur havt sera stóran týdning fyri føroyskan flogbólt, bæði ítróttarliga og fíggjarliga, at farið var undir serligu finaludagarnar í 2000, eru Niclas Joensen og Magnus Tausen frá Flogbólts samband­ inum á einum máli um. – Skulu vit taka eitt stig aftrat á hesi kósini, kundi tað verið okkurt við FM­finalum í landskappingini. Men tá er altavgerandi, at eisini fjølmiðlarnir vilja vera við har, siga teir FLOGBÓLTUR Hilmar Jan Hansen einslistir@kallnet.fo Steypafinalurnar í flogbólti í morgin eru tær tíggjundu í røðini hjá bæði kvinnum og monnum, og harvið kann staðfestast, at eitt rímiliga spontant hugskot hjá Flog­ bóltssambandinum hevur yvirlivað og ment seg øll hesi árini, síðani fyrsti stóri finaludagurin var í 2000. – Tað kom mestsum av tilvild, at vit royndu hetta fyrstu ferð. Vit høvdu roynt ymiskt, ið skuldi gera flog­ bóltin meira lokkandi og geva honum størri umrøðu, og tá so hetta kom á borðið, valdu vit eisini at royna tað. Vit spurdu okkum fyri, um tveir slíkir dystir kundu verða vístir í sjónvarpinum, og tá vit fingu játtandi svar, herjaðu vit á frá fyrsta degi, sigur Niclas Joensen, sum tá var formaður í Flog bólts­ sambandinum og nú er nevndarlimur. Magnus Tausen, sum hin­ vegin sat í nevndini tá og nú er formaður, skundar sær at skoyta uppí, at tað var Niclas sjálvur, ið kom við hugskotinum. – Í grundini fóru vit í holt við eitt prosjekt, sum vit slett ikki kendu avleið­ ingarnar av. Vit vóru øgiligt í iva, um nakar mundi fara at koma at hyggja, um nakar vildi lýsa og um sjón­ varpið vildi vísa dystirnar. Ikki fyrr enn alt tað var komið upp á pláss, tordu vit at trúgva upp á tað, sigur Magnus. – Men so hava vit eisini fingið eitt tiltak, sum hevur ment seg alla tíðina, tí tað byrjaði á nógv lægri stigi, enn tað er í dag. Tá vit so læntu eitt serligt flog bólts­ gólv úr Danmark og seinni keyptu okkum eitt, var tað eisini eitt stórt framstig. Og nú vit standa á gáttini til tíggjunda finaludagin, kunnu vit staðfesta, at okkara finalutiltak er fult á hædd við tað, vit kenna frá londunum rundan um okk­ um. Umsett fyri milliónina Tey fyrstu mongu árini blivu steypafinalistarnir funn ir í árligu Fleyr­ og Mjølnir­kappingunum, tí vinnararnir av hesum kapp­ ingum fingu samstundis eitt finalupláss. Nú eru reglurnar so broyttar eitt sindur, so ávegis oddastøða í landskappingini gevur annað plássið í finaluni, meðan vinnararnir av Fleyr­ og Mjølnir­kappingunum kappast um hitt plássið. – Fyrr var trupulleikin, at feløgini ikki byrjaðu at venja, fyrr enn landskapp­ ingin fór í gongd. Men nú fingu tey eina gularót, tí Fleyr­kappingin, sum lá undan sjálvari lands kapp­ ingini, gav atgongd til steypafinaluna. Upp á tann mátan fingu vit fram­ skundað venjingina úti í feløgunum einar seks vikur, sigur Niclas Joensen. – Haraftrat kom so pen­ ingaligi vinningurin av til­ takinum, sum hesi árini síð­ ani 2000 hevur umsett nakað oman fyri milliónina í inn­ tøkum, umframt at fe løgini hava fingið sær stuðlar til finalurnar. So bæði fyri flog­ bóltin, Flog bóltssambandið og feløgini hevur hetta tiltakið havt sera stóran týdning upp á fleiri mátar. Niclas nevnir eisini, at steypafinalurnar geva spæl­ arunum eina barlast, sum kemur teimum til góðar í øðrum flogbóltshøpi, sum eitt nú Oyggjaleikum og øðrum altjóða kappingum, har karmarnir gjarna svara nøkulunda til teir, vit kenna frá steypafinalunum. – Og so er tað eisini tað, at mong, ið annars ikki geva flogbólti ans, vísa final­ unum áhuga. Eg minnist, at ein vinmaður segði við meg aftan á ta fyrstu kappingina, at »tú fært aldrin fólk at hyggja at hasum«, og tað gjørdi okkum bara uppaftur treiskari at fáa hetta framt, sigur Niclas Joensen. Kanska FM-finalur Nú tíggjundu steypa final­ urnar verða spældar í morgin, spyrja vit teir báðar oddamenninar, um tíðin ikki er komin til at taka eitt stig aftrat á kósini, ið var sett í kortið í 2000. – Tað er væl hugsandi, at okkurt spennandi fer at koma aftrat. Tað hevur eyð­ kent flogbóltin og Flog­ bóltssambandið, at man altíð hevur verið klárur at broytt og gjørt neyðugar tillagingar, og soleiðis er tað enn, sigur Magnus Tausen, ið letur skilja á lagnum, at eitt hugskot kundi verið at gjørt meira burtur úr endanum á landskappingini. – Steypafinalurnar vísa seg at virka rættiliga væl, so tær fara ongan veg. Hinvegin kundu vit kanska havt okkurt, sum minti um FM­finalur. Sum er, vigar hjá mongum eitt pláss í steypafinaluni meira, enn at føroyameistaraheitið verður vunnið. Tað vísir seg eisini, at fyri feløgini gevur tað fíggjarliga meira at koma í steypafinaluna, enn at vinna føroya meistara­ heitið. Niclas staðfestir somu­ leiðis, at hjá mongum er einki við síðuna av og einki yvir steypafinaluni, men at tað kann gerast øðrvísi, um feløgini altso eru til reiðar at ofra ein oddasess við kappingarenda, fyri síðani at risikera at tapa eina FM­finalu ímóti tí upp­ runa liga næstfremsta lið­ num. – Tað er í øllum førum neyðugt, at allir partar spæla við, skal hetta lata seg gera. Tá hugsi eg ikki minst um, at fjølmiðlarnir eru á staðnum og seta fokus á flogbóltin. Eg vil siga, at skulu vit taka stigið við FM­finalunum, er altavger­ andi, at fjølmiðlarnir tíma og vilja vera við til eitt so vorðið endabrak í lands­ kappingini, sigur Niclas Joensen. Flogbólts finalurnar umsett fyri meira enn eina millión Niclas Joensen og Magnus Tausen hava verið við frá byrjan, síðani fyrsti steypadagurin í flogbólti var í 2000. Nú umhugsa teir at taka flogbóltin eitt stig víðari… Mynd: Hilmar Jan Hansen/Einslistir