fríggjadagur 13. februar 2009síða 30

[ Nr. 31 - 13. februar 2009 ] 30 Annað árið á rað eru bæði kvinnurnar og menninir hjá SÍ við í steypafinaluni í flogbólti, og tað setir sín dám á gerandisprátið í Sørvági. – Vit eiga nógvar og góðar stuðlar, sum væl­ mann aðir koma við okkum til Havnar, siga flogbóltssystkini, Annika og Jóhan Petur á Stongum FLOGBÓLTUR Hilmar Jan Hansen einslistir@kallnet.fo Í Vágum tykist flogbólturin hava fingið fótin fastan meira enn nakra aðrastaðni í landinum. Síðani farið var undir steypafinalurnar í 2000, hevur oyggin verið um boðað øll árini, uttan í 2006. Hjá monnunum hevur SÍ verið við fimm ferðir, og hjá kvinnunum hevur Dráttur verið við fýra ferðir og í ár er SÍ við fyri aðru ferð. Árið í fjør hilnaðist fram­ úr væl í Sørvági, tí bæði kvinnurnar og menninir gjørdust føroyameistarar, umframt at menninir vunnu steypafinaluna. Í ár er greitt, at menninir ikki kunnu vinna bæði, tí ÍF er longu farið avstað við meist araheitinum, men kvinnurnar hjá SÍ eru bæði oddalið í landskappingini og annað liðið í steypa­ kappingini. Tí er einki at siga til, at spenningurin er stórur í Sørvági undan tí stóra steypa degnum í morgin. Har er nógv flogbóltsprát, og flogbóltssystkini bæði, 20 ára gamla Annika og 23 ára gamli Jóhan Petur á Stongum, vænta sær góðan stuðul í ítróttarhøllini á Hálsi í Havn í morgin, tí mað ur fer av húsi í Sør­ vági. – Tað verður gjørt nógv burturúr og øll eru við upp á tað og øll bygdin kemur at hyggja. Tað er altíð stuttligt at fara út at spæla, tá áskoð­ ararnir koma við at stuðla. Hini árini hava sørvingar verið sera væl umboðaðir í høllini, og soleiðis rokni eg eisini við, at tað verður hesa ferð, sigur Annika, sum fær viðhald frá Jóhan Peturi: – Tað er stórur munur á, hvussu stórur áhugin er, nú steypafinalan er á skránni. Sjálvt tey, sum tú ikki held­ ur hyggja at flogbólti, eru farin at forvitnast, og sum tað ljóðar, verður stuðulin aftur framúr góður hesa ferð. Vit hava øgiliga góðar áskoðarar her vesturi, sigur hann. Spæla okkara spæl Meðan menninir hjá SÍ eru gamlir í garði í steypa­ finaluhøpi, er øðrvísi hjá kvinnunum, sum í fjør spældu sína fyrstu finalu, men taptu 0­3 fyri ÍF. Nú skal SÍ spæla ímóti Fleyr, sum fyri fyrstu ferð er í finaluni, og Annika heldur, at hetta er eitt gylt høvi hjá SÍ at vísa, hvat liðið megn­ ar. – Hjá okkum hevur ging­ ist ordiliga væl í vetur. Tá vit vóru í finaluni í fjør, gekst ikki so væl, men nú eru vit nummar eitt, og tað skulu vit prógva fyri øllum við at vinna steypafinaluna, sigur hon. – Vit skulu gera okkara besta og royna at fáa tað góða spælið fram, sum vit plaga at hava á heimavølli, tí tá gongst altíð væl hjá okkum. Fáa vit okkara góða spæl at koyra í steypa final­ uni, kann einki steðga okk­ um. Hóast hon er fullgreið yvir, at mong vilja gera SÍ til favoritt í kvinnufinaluni, er tað ikki nakað, sum hon heldur vera tyngjandi, hóast hon hevur alla virðing fyri Fleyr, sum rættiliga hevur vunnið seg fram, nú liðið úr Havn aftur er í bestu kvinnu deildini. – Tær hava tríggjar spæl­ arar, sum hava rutinu og hava spælt í fleiri ár, og tað hevur sjálvandi stóran týdn­ ing fyri tær. Men vit hava spælt saman í fleiri ár, og um vit halda saman, sum vit altíð hava gjørt, skulu vit nokk klára tað, sigur Annika á Stongum, sum er ein av fýra landsliðs spæl­ arum á liðnum hjá SÍ. Nógv um at vera Umframt at spæla við besta mansliðnum hjá SÍ, er trý ár eldri beiggin, Jóhan Petur, venjari hjá kvinnu­ lið num, so hann er helst tann, ið fær einamest at gera í morgin, tá hann byrj­ ar við kvinnufinaluni klokk an 13.30 og heldur fram við mansfinaluni klokk an 16. – Tað krevur sjálvandi, at tú ert konsentreraður, men eg vænti ikki, at mín leik­ lutur sum venjari í kvinnu­ finaluni órógvar hin leik­ lutin sum spælari í mans­ finaluni. Í fjør tóktist tað ikki at bila, tí hóast eg tá fyrst tapti kvinnufinaluna, fekk eg samlað kreftirnar og verið við til at vinna mansfinaluna aftaná, sigur hann við einum skeivum smíli. – Í øllum førum er mansliðið hjá okkum væl fyri, og tað hevur verið týðiligt at sæð undir venj­ ing unum síðstu tíðina, at steypafinalan nærkast. Aðrar tíðir hevur tað verið kanska eitt sindur »la­la« undir venjing, men nú eru allir 100 prosent fokuseraðir og klárir at geva alt undir venjingini, tí finalan skal bara vinnast. Í fjør var tað SÍ, sum fór avstað við øllum og vann greipuna, men nú er tann møguleikin ikki har longur. Hinvegin kann ÍF við einum finalusigri í morgin taka greipuna hesa ferð, men tað ætla Jóhan Petur og teir sær at forpurra. – Av tí at vit vunnu greip­ una í fjør, fara vit sjálvandi at gera alt fyri, at ÍF ikki skal vinna hana í ár. Og tað, at ÍF júst hevur vunnið lands kappingina, ger okk­ um bara uppaftur meira tendraðar til henda dystin, sum í veruleikanum er sein­ asti, altavgerandi dysturin hjá okkum í vetur, har vit kunnu vinna nakað, sigur Jóhan Petur á Stongum. – Um vit ikki vinna steypa finaluna, so er árið í veruleikanum spilt. Allir ganga nú og hugsa, at vit skulu vinna, tí annars hava vit gingið og vant til onga nyttu, og tað tímir eingin. Símun skal hjálpa HB HB hevur sett Símun Eliasen sum venjara hjá næst besta mansliðnum hjá felagnum. Símun spældi á Formula­liðnum hjá HB í 2000, 2003 og 2004. Símun hevur annars nógv ár á baki sum spælari. Í Føroyum hevur hann umframt HB spælt. Formula­fótbólt við EB­Streymi í 2007 og við barndómsfelagnum ÍF í 2005 og 2006, har hann seinna árið var leikandi hjálparvenjari. Hiddink venjari í Chelsea Mikudagin kundi Chelsea staðfesta, at Guus Hiddink er settur í starv sum høvuðsvenjari í Chelsea restina av kappingarárinum. Hann tekur við eftir Luiz Felipe Scolari, ið fekk varð koyrdur til hús mánadagin, men heldur tó samstundis fram um venjari hjá russiska landsliðnum. ­ Tað er ein vinartænasta. Abramovich ger so ótrúliga nógv fyri russiskan fótbólt, at eg nú vil geva nakað aftur. Hann ringdi persónliga til mín. Eg kann gott klára starvið, tí vit spæla bert tveir dystir við landsliðnum í apríl og ein í juni, men til ta tíð verður enska kappngarárið av, segði Hiddink við hollendska útvarpsstøð, tá setanin var veruleiki. Hiddink heldur nevnliga fram í sessinum sum russiskur landsliðsvenjari. Flogbóltsfepur herjar í Sørvági Flogbóltssystkini í Sørvági, 20 ára gamla Annika og 23 ára gamli Jóhan Petur á Stongum, gleða seg til steypafinalurnar í morgin, tá SÍ annað árið á rað er við í finalunum hjá bæði kvinnum og monnum Mynd: Hilmar Jan Hansen/Einslistir