mánadagur 16. februar 2009síða 17

17 [ Nr. 32 - 16. februar 2009 ] Hans Pauli er aftur tøkur Í oktober 2007 boðaði Hans Pauli Samuelsen táverandi landsliðsvenjaranum, Jógvani Martini Olsen, í sátt og semju frá, at hugurin ikki longur var til landsliðsfótbólt. Hann treivst ikki reiðiliga í hópinum, og tað var orsakað av, at hann var troyttur av fótbóltinum júst tá, segði hann millum annað við Dimmalætting. Men nú er víkarmaðurin aftur tøkur á landsliðnum. - Jógvan Martin Olsen sendi boð eftir mær til seinastu landsdystirnar, men tá var eg skaddur. Eg havi verið tøkur á landsliðnum í eina tíð, sigur 24 ára gamli Hans Pauli Samuelsen úr EB/Streymi. Mutu bjargaði Fiorentina Fiorentina var aftanfyri 3-0, tá liðið um vikuskiftið spældi á útivølli móti Genoa. Adrian Mutu varð tó stóri maðurin hjá gestunum, tá hann seinsta hálva tíman mest sum einsamallur fór undir eina bjargingarroynd. Mutu skeyt nevnliga trý mál seinastu 30 minuttirnar, og soleiðis bjargaði hann Fiorentina eitt stig fyri uppgerðina. FLOGBÓLTUR Hilmar Jan Hansen einslistir@kallnet.fo Hæddarpunktið á steypa- degnum í flogbólti leygar- dagin var fjórða sett í kvinnufinaluni, ið hevði bæði spenning, dramatikk, gott spæl og ein feil á dóm- araborðinum at bjóða. Ser- liga hetta síðsta tók sína tíð at fáa loyst, og steðgur var í spælinum í fleiri minuttir, áðrenn feilurin kundi rætt- ast. Støðan var júst blivin 18- 17 til SÍ, sum tí átti servuna. Men so skjótt sum servan var farin, ljóðaði signalið frá dómaraborðinum, sum steðgaði spælinum. Annar av dómarunum, Tummas Óli Mortensen, fór yvir til dómaraborðið at vita, hvat var á vási, og eisini fór SÍ- venjarin, Jóhan Petur á Stongum, yvir til borðið. – Tað, sum hendi, var at ein feilur var gjørdur á dóm- araborðinum. Av misgáum var einki stigatal sett fyri tann SÍ-spælaran, sum hevði servað, og tí var ging- ið útfrá, at viðkomandi skuldi serva aftur. Men tá so tann næsti spælarin fór at serva, stóð tann sami spælarin framvegis fyri at serva, greiðir Tummas Óli frá. – Hetta tók so sína tíð at fáa upp á pláss aftur, men tað er neyðugt. Í slíkum før- um má tað taka sína tíð, tí annars verður klutur í rest- ini av dystinum. Neyðugt er líkasum at spola aftur til støðuna, sum hon var áðr- enn, so alt er í rættlagi aftur, áðrenn haldast kann fram. Fekk onga ávirkan Venjarin hjá SÍ-kvinnunum, Jóhan Petur á Stongum, var øgiliga bangin fyri, at hetta fór at ávirka spælið í hesum avgerandi settinum. – Vit høvdu akkurát strítt okkum framum aftur 18- 17, eftir at hava verið aftan fyri 13-16, so tí kundi ein so langur steðgur blivið dýrur. Tað fyrsta, sum hendi aftaná, var eisini, at okkara serva kiksaði, men tað bleiv so einki, ið avgjørdi dystin, sigur Jóhan Petur, ið var vís- ur í, at SÍ einki hevði gjørt galið: – Tey søgdu, at ein spæl- ari hjá okkum var farin at serva, sum ikki átti at serva. Men so søgdu tey, at hin spælarin, sum átti at serva, stóð framman fyri henda spælaran, og tað ber bara ikki til. Tað royndi eg so at siga við tey, og hóast eg mundi tapt, so visti eg, at eg hevði rætt. Eisini venjarin hjá Fleyr, Hans Mikkelsen, stúrdi fyri, at hesin drúgvi steðgur- in, sum vardi í fleiri minutt- ir, kundi fara at kosta, men kundi eftir dystin staðfesta, at hetta kortini ikki gjørdist tann avgerandi løtan í dyst- inum: – Sjálvandi var tað irriter- andi, at tað skuldi henda, og tað gjørdi eisini sítt til, at fokuseringin fór, so vit mistu eitt stig fyri eina skeiva uppstilling stutt aft- aná. Men hetta var ikki avgerandi, tí vit vunnu fleiri bóltar aftaná, og framvegis var tað øgiliga spennandi eftir henda feilin, sigur Hans Mikkelsen, sum stað- festir, at slíkt hoyrir til spæl- ið og at tað má man bara venja seg við. Feilur á dómaraborðinum steðgaði kvinnufinaluni SÍ-venjarin, Jóhan Petur á Stongum, hyggur at, meðan annar av dómarunum, Tummas Óli Mortensen, roynir at fáa skil á feilin, sum var gjørdur við dómaraborðið mitt í fjórða og avgerandi settinum í kvinnufinaluni Mynd: Hilmar Jan Hansen/Einslistir