mánadagur 16. februar 2009síða 21

[ Nr. 32 - 16. februar 2009 ] 21 – Endin á dystinum var fantastiskur, og sjálvandi var tað serliga stuttligt hjá okkum, tí vit vunnu. Hinvegin er tað óivað sera irriterandi fyri Fleyr, sigur venjarin hjá SÍ-kvinnunum, Jóhan Petur á Stongum, tá hann eftir kvinnufinaluna tók samanum. – Tað er stuttligt fyri áskoð ararnar at fáa ein sovorðnan dyst, og tað var eisini øgiliga spennandi. Nú er hetta so ikki eftir, so nú verður tað meistara- heitinum, vit fara eftir. Jóhan Petur á Stongum heldur størsta munin á liðunum vera breiddina, og tað útdjúpar hann við, at Fleyr hevur størri breidd, men at SÍ hevur eina sterkari breidd – serliga í álopspartinum. – Okkum eydnaðist rímiliga væl at klára Gudrid Nolsøe hjá teimum, men verri var við Hjørdis Johanne sen, sum vann øgiliga nógvar bóltar á miðjuni, og tað gjørdi tað sera trupult hjá okkum, sigur SÍ-venjarin. – Tær løturnar, vit taptu nógv, vóru tað móttøkurnar hjá okkum, ið ikki vóru nóg góðar – partvíst orsakað av nýggju bóltunum, sum vit ikki hava vant okkum ordiliga við enn – og so var tað altso Hjørdis, ið gav okkum stórar trupulleikar. Men vit hildu allíkavæl stand og kláraðu tað. hil Fjórða settið avgjørdi alt Hóast Fleyr-venjarin, Hans Mikkelsen, sjálvandi var vónbrotin beint eftir dystin leygardagin, so hevði hann als ikki mist trúnna uppá, at kvinnuliðið hjá Fleyr kann røkka langt fram á leið. Og hann heldur, at tað var um reppið, at dysturin koppaði til teirra fyrimun. – Vunnu vit hatta fjórða settið, so eri eg sannførdur um, at vit eisini høvdu vunnið dystin. Men vit komu ov seint í gongd og høvdu ikki líka stabilt spæl sum SÍ. Tær løgdu eitt øgiligt trýst á okkum frá byrjan, og tá høvdu vit trupulleikar av móttøkunum. Men tá vit fingu loyst trýstið, komu vit nógv betri við í dystinum, sigur hann. – Serliga haldi eg, at teir ungu spælararnir spældu væl, meðan teir eldru ikki heilt megnaðu at vísa tað, sum vit vanliga síggja frá teirra síðu. Vit høvdu øgiliga nógvar servifeilir, men mentu okkum gjøgnum dystin. Vit vistu, at vit skuldu geva tol, tí fyri tað um vit kundu tapa tey bæði fyrstu settini, so skuldu vit nokk fáa gongd á spælið fyrr ella seinni. Hans Mikkelsen sigur, at nú fara tey í Fleyr at satsa upp á kappingina um føroyameistaraheitið, sum ikki er avgjørd enn. Og har hevur Fleyr framvegis møguleikan: – Tað krevur sjálvandi, at SÍ tapir ein dyst og vit vinna alt, sum eftir er. Vit hava Mjølnir og SÍ eftir, og SÍ hevur eisini ein dyst eftir ímóti Drátti, og vit fara undir øllum umstøðum at royna, hvussu langt vit kunnu koma, sigur Fleyr-venjarin. – Veruleikin er tann, at tað í vetur hevur gingið nógv betur hjá okkum, enn vit høvdu væntað. Málið hjá okkum hevur alla tíðina verið 2010, og tað er tað enn. Men vit hava ungar spælarar, so roknast kann við, at Fleyr verður at síggja heilt har frammi aftur næsta ár. -hil Skeyt dómaran niður Tað gekk hart fyri seg, tá Lazio um vikuskiftið spældi heimadyst móti Torino. Eftir hálvum tíma royndi Aleksandr Kolarov hjá Lazio seg við langskoti, og hetta rakti beint í skortin á Massimiliano Saccani, sum dømdi dystin. Dómarin small niður, og tað tók fleiri minuttir at fáa hann somikið frægan, at hann valdi at taka floytuna aftur. Hughes í øðini Einasti dysturin í Premier League um vikuskiftið var uppgerðin millum Portsmouth og Manchester City. Tað eydnaðist Portsmouth, sum í løtuni er uttan venjara, at vinna dystin 2-0, og hetta var venjarin hjá Manchester City, Mark Hughes, alt annað enn nøgdur um. – Premier League er harðasta fótbóltskappingin í heiminum. Tá noyðist tú at hava eitt ávíst støði, og hetta høvdu vit ikki í dag, segði Hughes eftir dystin. Tað stóð nógv á undir dystinum, men saman við spælarunum fegnaðist Jóhan Petur á Stongum sjálvandi um sigurin, tá dysturin var av Mynd: Álvur Haraldsen Okkara álop sterkari Steypavinnarar hjá kvinnum 2009: SÍ Mynd: Álvur Haraldsen