týsdagur 17. februar 2009síða 9

9 tíðindi Nr. 33 - 17. februar 2009 Eik Banki bjóðar nú saman við Elektron kundum sínum nakrar nýggjar tænastur á heimasíðu síni. Eitt nú verður møguligt at handla virðisbrøv á netinum VIRÐISBRØV Leo Poulsen leo@sosialurin.fo Fyrrapartin í dag gjørdist heimasíðan hjá Eik Banka virkin við fleiri nýggjum tænastum at bjóða kundum sínum. Millum nógvan nýggjar tænastur kunnu nevnast, at møguleiki nú er at biða um loyvt trot, umbiða gjaldoyra, hópflytingar av uttanlands­ flytingum SWIFT, fyri at nevna nakrar. Men mest spennandi nýggja tilboðið er uttan iva møguleikin fyri at handla virðisbrøv á internetinum. ­ Hetta er ein møguleiki, sum er væl kendur í lond­ unum uttan um okkum, og eitt nú hava flest allir dansk­ ir bankar hesa tænastu at bjóða kundum sínum, sigur Dánjal Joensen, íløguráð­ gevi hjá Eik Banka. Tað kundi tókst, sum tíðirnar júst nú ikki eru tær allarbestu at bjóða slíkar nýggjar tænastur fram, men hetta er nakað, sum hevur ligið í stoypiskeiini í eina tíð. ­ Vit hava ikki valt hesa løtuna serstakt at koma við nýggju tænastunum til kundarnar. Hetta er nakað, vit hava arbeitt við í eina tíð, og nú er hon so búgvin at bjóða fram til kundarnar, sigur Dánjal Joensen. Føroyingar, sum eru kundar hjá donskum bank­ um, hava havt møguleikan at keypa virðisbrøv um internetið, men nú verður so møguligt at gera hetta umvegis ein føroyskan banka eisini. Kurslistar Tað er gjørt rættilia nógv burtur úr, at kundin so lætt sum gjørligt skal finna runt í tí urskóg av fyritøkum, sum finnast á børsinum. Eik Banki sjálvur hevur upp­ rættað ein kurslista, sum umframt at innihalda allar føroyskar børsskrásettar fyritøkur eisini umfatar sonevnda C20 kurslistan. Hetta er ein listi yvir 20 tær størstu donsku fyritøkurnar; størstar í handli, ikki neyðturviliga í vavi. Hetta er ein listi, sum verður dagførdur einaferð um árið, so eingin fyritøka er fødd til eitt pláss á listanum. Aftrat hesum hevur Eik Banki so valt út nakrar fyritøkur aftrat, sum eru áhugaverdar fyri føroyskar íleggjarar. Tá tú hevur skrásett teg í skipanini, kanst tú fara víðari og velja, hvat slag av virðisbrøvum, tú ynskir at handla við. Talan kann verða um partabrøv, láns­ brøv, íleggingarfeløg ella øll virðisbrøv. Víðari ber eisini til at velja, hvat slag av fyritøkum ein ynskir at gera íløgur í. Til ber at velja C20 fyri­ tøkur, umframt peninga­ stovnar, tryggingarfeløg, handil, reiðaríir, vinnulív ella íleggingarfeløg. Tá ein so keypir ella selur ber til at handla til markn­ aðarkurs, Limitkurs ella børshandil. Eik kann kekka Um keypt verður til markn­ aðarkurs ella limitkurs, kemur ein fráboðan til Eik Banka um handilin. Bankin fylgir tá við og kann gera eftirkanningar, um tað er týðiligt, at kundin hevur gjørt ein feil. Tá hevur bankin so møguleika at seta seg í samband við kundan at kanna eftir, um kundin veruliga hevur ætlað at gjørt viðkomandi handil. Eisini ber til hjá kundan­ um at seta virðisbrøv til sølu, ella at ynskja at keypa til limitkurs. Hetta merkir, at kundin ásetur ein kurs, sum kann standa í upp til ein mánaða, og tá er talan gjarna um kurs, sum liggur ávikavist nakað undir ella nakað yvir marknaðar­ kursin, alt eftir, um kundin ynskir at keypa ella selja partabrøv. Eitt annað, sum er rætti­ liga tryggjandi í sambandi við virðisbrøv er, at talan er um persónliga ogn. Tað merkir, at uttan mun til, hvat annars kann henda við bankanum, so eru virðis­ brøvini trygg. So sjálvt um bankin skuldi farið av knóranum, eru virðisbrøvini kortini trygg. Sum nevnt er møguleikin at handla við vir­isbrøvum bert ein partur av nýggju tænastunum, sum Eik Banki nú kann bjóða kundum sínum. Og út á fyrrapartin í dag ber so til hjá kundum bankans at fara inn á upp­ graderaðu heimasíðuna at royna nýggju møguleikar­ nar, sum Eik Banki hevur ment í samstarvi við Elektron. Bjóðar virðisbrævahandil á netinum Dánjal Joensen, íløguráðgevi hjá Eik Banka, greiðir frá nýggju møguleikunum á heimasíðu bankans Mynd: Álvur Haraldsen Býtið er 75-25 Tá vit í blaðnum í gjár skrivaðu, at Rúsan í Miðvági byggir út, nevndu vit eisini, at arbeiðara­ feløgini í Vágum saman við arbeiðsgevarunum eiga bygningin, har Rúsan heldur til. Men hetta er bara partvís rætt og ikki nóg neyvt. Tað er Vága Handverkarafelag, sum eigur 75% av bygninginum, meðan Vága Handverksmeistarafelag eigur 25%. Vit biða feløgini halda okkum tilgóða. - leo Ráðharri noyddist frá Japanski fíggjarmálaráðharrin hevur lagt frá sær. Tann almenna grundgevingin er, at hann er farin frá av heilsu­ ávum, men tað eru tó tey fægstu, sum trúgva teirri frágreið­ ingini. Teir seinastu dagarnar hevur Shoichi Nakagawi verið fyri hvøssum atfinningum, tí fleiri halda, at hann var drukk­ in, tá hann tók lut í einum tíðindafundi í sambandi við G7­ fundin í Rom. Tann 55 ára gamli ráðharrin tóktist sveimandi, og eina løtu sat hann og blundaði. Sjálvur hevur hann játtað, at hann hevði drukkið eitt sindur, og at hann hevði eisini tikið heilivág um somu tíð og tí var eitt sindur sløvur. Týsk seming í Afghanistan Týskland fer at senda ein serligan sendimann til Afghanistan sum lið í altjóða royndini at leggja størri dent á stríðið fyri friði í økinum. Uttanríkisráðið í Berlin sigur, at serligi sendimaðurin, sum eitur Bernd Mützelburg, skal arbeiða tætt saman við amerikanska sendimanninum í Afghanistan og Pakistan, Richard Holbrooke. Tann 65 ára gamli Mützel­ burg er ein av teimum mest royndu týsku diplomatunum. Hann var millum annað uttanríkispolitiskur ráðgevi hjá Gerhard Schröder, tá hesin var kanslari.