týsdagur 17. februar 2009síða 10

10 tíðindi Nr. 33 - 17. februar 2009 Konan avdúkaði mannin Løgreglan í Italia handtók um vikuskiftið ein lim í mafiuni, sum løgreglan hevur leitað leingi eftir. Løgreglan dylur heldur ikki fyri, at tað var konuni fyri at takka, at mafiamaðurin bleiv tikin. Tann 39 ára gamli Paolo Latella hevur verið eftirlýstur síðani í juli í fjør, tá hann var við í einum skotbardaga har suðuri í Italia. Valentindagin koyrdi løgreglan aftan á konu hansara, sum ætlaði sær at vitja mannin, og í tí lítla býnum Melio di Porto Salvo fann løgreglan Paolo Latella og nakrar aðrar mafialimir. Øði um uppboð Skyldfólk og viðhaldsfólk hjá gamla indiska leiðaranum Mahatma Gandhis eru sera misnøgd við, at nakrir av ognarlutum hansara skulu seljast á uppboði í New York í næsta mánað. Millum lutirnar, sum ætlanin er at selja, eru sandalir, ur og tær rundu brillurnar, sum Gandhi var so kendur fyri at brúka. Tushar Gandhi, sum er abbasonur tann gamla leiðaran, sigur við fjølmiðlarnar, at uppboðssølan er sera niðrandi fyri skyldfólkini og allar indarar. Hann fer nú at royna at savna pening, so lutirnir kunnu koma aftur til India. Einasta heimið í Føroyum fyri fólk við Aspergers syndromi, er í vanda fyri at lata aftur. Sosialurin bar tíðindini í vikuskiftisblaðnum, og hevur evnið um vikuskiftið fingið fleiri tungur á glið. Formaðurin í Pedagogfelagnum ákærir landsstýris­ kvinnuna fyri at lúgva AlmAnnAmál Eilen Anthoniussen eilen@sosialurin.fo Tað setti eld í kjakið um sparingar á almannaøkinum, eftir at Sosialurin fríggja­ dagin kunngjørdi, at Sam­ býlið í Pætursgøtu 3 er hótt av sparingum, og noyðist at lata aftur 1. mai. Ætlanin er at flyta teir tríggjar íbúgvar­ nar á sambýlinum, sum eru sjúkir av Aspergers syn­ dromi, og inn á annan stovn, har menningartarnað búgva. Landsstýriskvinnan lovaði annars stutt fyri jól, at eing­ in brúkari skal merkjast av sparingum. Kortini er avgerðin tikin um at lata aft­ ur einasta bústað av hesum slag í Føroyum. Íbúgvar, avvarðandi og starvsfólk harmast avgerð­ ina um at lata aftur stovnin. Í blaðnum fríggjadagin hevði Sosialurin eina sam­ røðu við ein avvarðandi, sum segði: ­ Vit fara ikki at sita og hyggja at, meðan tey fara at stongja heimið hjá okkara familjum. Beiggi mín var ein tann fyrsti, sum flutti inn har, og har hevur hann búð tey seinastu níggju árini. Áðrenn búði hann á fleiri ymiskum stovnum, men einki vísti seg at rigga. Á Sambýlinum í Pætursgøtu hevur hann tað gott. Har hava tey, sum búgva har, hvør sína lítla íbúð á niðaru hædd, meðan ovara hæddin er felagsrúm fyri búfólkini, segði Eliesar Jacobsen. Um vikuskiftið hevur landsstýriskvinnan í almannamálum, Rósa Samu­ elsen, verið frammi í øðrum fjølmiðlum, og greitt frá ætlanum viðvíkjandi aftur­ latingini av Sambýlinum í Pætursgøtu. Hon segði við Kringvarpið í gjárkvøldið, at ætlanin er at teir tríggir íbúgvarnir í Pætursgøtu skulu flytast á stovn, har menningartarnað húsast. Ætlanin er, at teir skulu hava egna íbúð á ymsum hæddum í bygninginum, segði hon. Sparingar raka hóast alt Enn hevur tað ikki eydnast Sosialinum at fáa orðið á landsstýriskvinnuna í almannamálum. Ætlanin var at fáa lýst hetta málið gjølligari, og at spyrja lands­ stýriskvinnuna, um tað er rætt at spara á einum øki, sum hesum. Tað er ikki so langt síðan, at hon í Sosial­ inum lovaði, at eingin brúk­ ari skuldi rakast av sparing­ um. Tann 23. desember í fjør varð samrøða við lands­ stýriskvinnuna í almanna­ málum prentað í Sosialinum. Har stóð hetta skrivað: “Nú fíggjarlógin fyri næsta ár er samtykt, er tað greitt, at hon (landsstýris­ kvinnan, red.) má spara einar 33 milliónir á almanna­ økinum. Í hesum sambandi hevur Løgtingið samtykt at lækka stuðulin til heilivág til pensjónistar, samstundis sum stuðulin til dagtilhaldini fellur burtur og pensjónirnar hækka bara 3% ístaðin fyri 4%. ­ Hetta gevur eina sparing upp á runt roknað 13 milli­ ónir, men eftir eru so yvir 20 milliónir, sum beinleiðis skulu sparast, sigur Rósa Samuelsen. Men hon hevur sett sær fyri, at allar hesar sparingar­ nar skulu setast í verk, uttan at tað skal raka brúkarar­ nar. Hon endurtekur, at hon stendur fast við, at sparing­ arnar skulu hvørki raka pensjónistar, brekað, børn og ung við trupulleikum, ella aðrar veikar bólkar uí ndir almannaverkinum.” Í samrøðu um akutta tørv­ in á heimahjálp í Tórshavnar kommunu, sum varð prent­ að 28. januar, segði Rósa Samuelsen soleiðis: ­ Tað verður ikki pláss fyri at gera nakað nýtt, og í veruleikanum vil tað siga, at vit fara at minka um alt virksemi, sum mann ikki doyr av, sigur Rósa Samuel­ sen. Hon greiðir víðari frá, at økini, ið verða harðast rakt eru skeiðsvirksemi, útbúgv­ ingar og so framvegis. Nú vísir tað seg kortini at sparingar raka tey veiku. Formaðurin í Føroya Peda­ gogfelag, Jarvin Feilberg, ákærir landsstýriskvinnuna í almannamálinum fyri at siga ósatt, tá hon sigur, at allir partar eru hoyrdir í mál­ inum. Starvsfólk og avvarð­ andi eru als ikki tikin við uppá ráð, sigur hann í les­ arabrævi, og eftirlýsir eini frágreiðing í málinum. Hann finst at, at allir partar í málinum ikki eru hoyrdir, og vísir á álvaran í at spar­ ingar á almannaøkinum kunnu fáa álvarsligar fylgj­ ur fyri tey búfólk, ið kenna sviðan av sparingunum. Sosialurin fylgir við mál­ inum. Pætursgøta 3 øsir Pætursgøta 3 er offur fyri sparingum, og noyðist at lata aftur 1. mai, hóast landsstýriskvinnan hevur lovað, at sparingar ikki skulu raka brúkaran Mynd: Jens Kristian Vang