mikudagur 18. februar 2009síða 15

15 tíðindi Nr. 34 - 18. februar 2009 Eini 80 næmingar úr Suðuroyðar og Vága musikkskúla savnaðust til tónleikaligt vikuskifti í felagsskúlanum á Giljanesi seinasta vikuskifti Skrivað hevur: Jens Mortan Mortensen Myndir: Mikkjal Bærendsen   Tað var ein frøi at síggja børn og ung sita  og blása á sítt ljóðføri – tey yngru í einum  bólki og tey eldru í øðrum bólki.  Frá byrjan til enda varð vant og øll orka  løgd í tónleikaligt virksemið.Varrar vórðu  eymar og steðgirnir við spæli og onkrum  filmi komu væl við.  Vinarlagið  var  næstan  beinanvegin  millum børnini, sum funnu saman í teimum  ymisku floksstovunum, har tey reiddu sær  ból og hugnaðu sær.  Maturin  var  góður  og  alt  var  sera  væl  fyrireikað. Pizza á matarseðlinum leygar­ kvøldið – og ‘Mamma Mia’ omaná. Alt var  gott innanveggja, hóast váta veðrið uttanfyri  –  men  tað  bilti  ikki,  tí  inni  var    pláss  at  spæla.  Eg haldi, at hetta er tónleikur, tá hann er  bestur:  Ein  mennandi  virkin  tilgongd  við  næmingum, sum alla tíðina vóru í menning.  Tey dugdu betur og betur og á konsertini  sunnudag hoyrist úrslitið, har tey stólt vístu  foreldrum, ommum og abbum, hvat tey nú  megnaðu at spæla.  Meti,  at  tað  gevur  næmingunum  eina  kenslu av sjálváliti, hetta at megna og vera  vís í at hoyra nær tónleikurin ljóðar væl og  nær nakrar av stemmunum ikki liggja rætt.  At duga betur eftir nógva venjing setir krøv  til bæði næmingar og lærarar – og tað er  tann vegin vit skulu fara. Vit mennast, tá ið  viljin til at gera okkara besta er har.  Og hetta vikuskiftið – vóru musikkskúla  næmingarnir  í  suðri  og  har  vesturi  frá,  veruliga  í  teimum  røttu  karmunum,  har  viljin at læra – natúrliga var til staðar. Eitt  slíkt  vikuskifti  krevur,  at  leiðarar,  lærarar og foreldur samarbeiða um virksemi  barnsins.  Eini  10  foreldur úr  Suðuroynni  komu við sum náttarvaktir, og foreldur har  vesturi stóðu fyri matgerðini. Uttan áhuga  frá forledrum kann eitt slíkt tiltak als ikki  haldast.  Tí kennist tað gott, tá ið tónleikastevnan  endaði við frálíkari konsert, har næmingar  vóru  mentir,  tónleikalærarar  nøgdir  og  foreldur  fegin  um,  at  alt  hevði  gingið  so  væl! Fyri meg sum kom úr Suðuroynni, sum  foreldur,  virkaði  tað  sum  um  at  alt  var  professionelt fyrireikað. Eitt gott dømi um  samarbeiði  millum  leiðara,  lærarar  og  foreldur,  har  øll  hava  felagsmálið:  At  einstaki  næmingurin  skal  menna  seg  tónleikaliga  í  einum  tryggum  og  inni­ haldsríkum felagsskapi. Takk  fyri  eitt  gott  og  væl  tilrættarlagt  tónleikavikuskifti.  Frálíkt tónleika vikuskifti hjá Suðuroyar og Vága musikkskúla Fleiri hermenn til Afghanistan Barrack Obama, forseti, hevur givið herleiðsluni boð um at senda  17.000 amerikanskar hermenn afturat til Afghanistan. Teir flestu  hermenninir skulu til tann ófriðarliga Helmand­landspartin har suðuri  í Afghanistan, har teir donsku hermenninir eisini eru.  Boðini frá  forsetanum eru, at teir 17.000 hermenninir skulu til Afghanistan sum  skjótast. Generalurin David McKiernan, sum er ovasti fyri teimum  amerikonsku herdeildunum í Afghanistan, hevur biðið um at fáa  30.000 hermenn afturat. Tað sigur hann vera neyðugt fyri at berja al­ Qaeda og Taliban niður.  Berlusconi-sakførari dømdur Ein dómstólur í Italia dømdi í gjár bretska sakføraran David Mills  sekan í at hava tikið ímóti umleið fimm milliónum krónum í mutri,  og fyri tað skal hann sita hálvt fimta ár í fongsli. Í rættinum helt  ákæruvaldið uppá, at sakførarin hevði fingið muturpengarnar frá  italska forsætisráðharranum, Silvio Berlusconi, men hesum hevur  forsætisráðharrin víst aftur. Ákæruvaldið ætlaði eisini at stevna  Berlusconi fyri rættin, men tað eydnmaðist honum at fáa tjóðarting­ ið at broyta lógina, so forsætisráðharrin kann ikki dragast í rættin.