mánadagur 23. februar 2009síða 28

28 [ Nr. 37 - 23. februar 2009 ] Tjaldur sigraði stórt á Kyndli, sum stendur til at seta søguligt botn­ met við ongum stigi   HONDBÓLTUR Heri Simonsen heris@sosialurin.fo Heldur ikki ímóti Tjaldri á útivølli í Runavík brast fyri nev hjá Kyndli. Liðið er enn fryst fast í botnin við 0 stig­ um, og heldur ikki í høllini í Runavík var nakar ivi um, at heimaliðið fór at sigra stórt. Hagtølini vísa turt og kontant, at tjald­urs­kvinnur vóru akkurát dup­pult so góðar enn kyndla­kvinnur, bæði í fyrra og í seinna hálvleiki. 14-7 vísti mál­tálv­ an, tá hálvtímin varð runnin, og 36-18 vísti mál­talvan tá fullur tími var spæld­ur, og løst og liðugt var. Kunnu fáa VB aftur Á mangan hátt var talan um ein pliktsigur til Tjaldur, sum við at vinna hangi­ partíið ímóti Kyndli í annaðkvøld kann toga seg upp á liðina á VB við sama stigatali, 22 stigum. Munur var á leikferðini í hálv­ leikunum báðum. Bert 21 mál fullu í fyrra hálv­leiki, meðan 33 mál fullu í 2. hálvleiki. Væl av skeivum sendingum vóru í dystinum, sum skemmaði hondbólts­ dygdina nakað. Heimaliðið helt eina munandi hægri leikferð í 2. hálvleiki, og tær grønu úr Havn megnaðu als ikki at fylgja við, og endaði 2. hálvleikur eisini við einum greiðum 11-máls muni. Tjaldurskvinnur stóðu sterkar í verjuni, og var ringt hjá Kyndli at koma til orðanna. Kyndil royndi at koyra kontraálop, men tað riggaði stak illa hjá teimum. Hjá tjaldurskvinn­ um vóru tað ikki bara tær útlendsku, sum settu fingra­ merki á dystin. Adina Petrea fekk 10 mál fyri Tjaldur, men Heidi Sevdal fekk 8. Annika Thomsen og Alina Olaru fingu 5 mál í part. Týskvøldið hevur Tjaldur so ein gyltan møguleika at gerast javnar við VB í stigum, og fara fram um Neistan. Kyndil, sum aftur stendur á hinara leikhálvuni burdu ikki fingið tjaldurs­ kvinnur at mist flogið, áðrenn grækarismessu. Tjaldur: Adina Petrea 10, Heidi Sevdal 8, Alina Olaru 5, Annika Thomsen 5, Benadikta Johannesen 4, Jacoba Langgaard 2, Elinbjørg Hammer 1   Kyndil: Jacklin Djurhuus 9, Jórun Ludvig 3, Beinta Laursen 2, Barbara Egilstrøð 2, Helena á Krákusteini 1, Ása Christiansen 1 Tað merkist á koll­ firð­ingum og kyndla­ monnum, at liðini eru langt burtur frá heiðurskrónunum.   HONDBÓLTUR Heri Simonsen heris@sosialurin.fo  Kyndil misti møguleikan fyri heiður og æru í steypafinaluni ímóti Neist­ anum, og KÍF hevur longi verið botnpropp ur. Kyndil liggur søguliga lágt í Atlantic Airways kapp ing­ ini, og kundi tí ongantíð verða talan um ein dyst millum tvey topp motiveraði botnlið. Kollfirðingar kundu kortini fegnast um tvey stig, sum kundu havt avgerandi týdning, um Team Klaksvík hevði eitt størro orð at siga í næstbestu deildini. Men so er ikki, og verða tey síðstu 4 leikumførini óivað drúgv at bíða eftir hjá liðunum, sum møttust í høllini í Kollafirði ígjár. Sást á spælinum  Tað kundi ikki undganga at smitta á leikdygdina, at medaljutokið er koyrt undan báðum liðunum. Men kollfirðingar áttu nakað meir í sær enn kyndlamenn, og eydnaðist tað eisini heimaliðnum at toga heim ein 26-20 sigur, og fingu teir sostatt botn­ frádráttin ígjár. Liðini kunnu kortini koma at hava ávirkan á hvørji lið slepp a í FM-finaluna, og tað verður væl motivatiónsfaktorurin fram til 4. apríl, tá liðini spæla sínar seinastu dystir í hesum kapp ingarárinum. Bæði liðini hava H71, VÍF og Neistan eftir at spæla ímóti. Botnliðini kunnu spæla frítt, meðan tað stendur nógv upp á spæl hjá oddaliðunum. Kanska tað verður avgerandi í teimum seinastu dystunum hjá KÍF og Kyndli, sum eru liðug við sína millum upp ­ gerðirnar í ár. Tey sum vóru eygnavitni til upp gerðina ígjár, vildu kanska sagt: - gott tað sama. KÍF: Niklas Reginsson 6, Damir Oros 4, Regin Petersen 3, Rógvi Weihe 3, Hallur Hansen 3, Tony Weihe 2, Pætur D. Johan­ sen 1, Teitur Joensen 1   Kyndil: Bárður Johanne­ sen 7, Tummas Pauli Hanusarson 6, Torvald Abrahamsen 2, Andrias Sólsker 1, Hans Áki Dahl Christiansen 1, Rani Ellingsgaard 1, Jónleif Sólsker 1, Rói Lamhauge 1 Neistakvinnur vunnu tvey týdningarmikil stig ímóti StÍF í hørðu FM- kappingini við Stjørn­ una, Tjaldur og VB   HONDBÓLTUR Heri Simonsen heris@sosialurin.fo Neistakvinnur syrgdi fyri at halda seg inni í FM- stríðnum, har háspenningur er millum tær, Stjørnuna, VB og Tjaldur um at røkka FM-finaluni. Neistakvinnur vunnu ein rættiliga triva­ ligan 36-22 sigur á StÍF, sum er einasta liðið í Sun­ setdeildini, sum veit hvørja endastøðu tær fáa. Stranda­ kvinnur eru ankr­aðar á 6 stigum, 6 stig frammanfyri Kyndil á jumboplássinum, og heili 14 stig upp til grannarnar frá eystara armi á Skála­fjørðinum, Tjaldur, sum hevur 20 stig. Klassamunur í 2. hálvleiki  Neistakvinnur løgdu hart út, og sótu tær á øllum í byrjanini, men stranda­ kvinnur høvdu eitt rættiliga gott tíðarskeið í seinnu helvt av 1. hálvleiki, og eydnaðist tað StÍF at halda munin niðri á trimum málum. Í 2. hálvleiki broytt­ ist alt hetta. Neistin lat ongan iva verða um, hvat av liðunum hevur nakað at stríðast um, og serliga seinasta korterið var ein blá valdsdemonstratión. Tað jaliga fyri Neistan var, at málini blivu rættiliga væl fordeild millum spælarnar. Tordis Tróndarson, Trine Mayland og Elin Staksund skutu allar 5 mál í part. Neistin er framvegis eitt stig frá VB, men nú hava liðini fingið samband við Stjørnuna aftur. So fáa vit at síggja hvør spælir fyrstu og aðru violin í kvartettini hjá Neistanum, Stjørnuni, VB og Tjaldur tá avtornar 4. apríl. Neistin: Elin Staksund 5, Trine Mayland 5, Tordis Tróndarson 5, Stine Mikkelsen 4, Annika Ljósstein 4, Heidi Maria Akselsen 3, Nicoleta R. Hansen 3, Rakul Augustinussen 1   StÍF: Lovisa Andreasen 6, Fríðrún Danielsen 5, Ninna K. Johansen 5, Rebekka Justinussen 3, Sunfríð Jo­ hansen 2, Anna Petersen 1 Tjaldur-Kyndil 36-18 (14-7) Kyndil enn á frostmarkinum KÍF-Kyndil 26-20 (8-9) Kollfirðingar fingu botnfrádráttin Neistin-StÍF 36-22 (13-10) Neistin er enn við í FM-kvartettini Brøndby vann á Rosenborg Í fjør vann Rosenborg á Brøndby í UEFA Cup kapp ingini, men tá liðin hittust aftur til venjingardyst um vikuskiftið, var tað danska liðið, sum vann norðurlendsku upp gerðina. Eitt mál kom í dystinum, og tað skoraði Jan Kristiansen fyri Brøndby. Brøndby hevur vunnið 8 av 9 venjingardystum, sum liðið hevur spælt í vetur. Claus spældi aftur Claus Bech Jørgensen hevur nú sitið 3 daga leikbann av sær, og hann spældi allar 90 minuttirnar, tá ið Blackpool spældi í næstbestu ensku deildini um vikuskiftið. Blackpool var á heimavølli ímóti Watford, og tað vóru gestirnir, sum fóru við øllum trimum stigunum. Watford vann dystin 2-0, eftir at støðan hevið verið 0-0 í hálvleikinum.