Sosialurin 2009-02-25, síða 19 — Tak niður PDF av hesari síðu Stórt myndaskrá

mikudagur 25. februar 2009síða 19

‹ fyrra síða allar 32 síður næsta síða ›

Tekstur á síðuni

19 tíðindi Nr. 39 - 25. februar 2009 skipunum. Hann roknar kortini ikki við, at hann verður umborð, tá Logos Hope stevnir inn um Glyvursnes seinni í ár. Søguligi dagurin Leingi hevur verið bíða eftir degnum, tá skipið kundi loysa frá bryggju og byrja sína missjón, tí seinkingar hava verið nógv ar, síðani skipið varð keypt, og kostnaðurin gjørdist væl størri enn upprunaliga ætlað. Men úrslitið í dag er, at OM kann stevna út á heimsins høv við einum skipi, sum er sum nýtt. Aldri áður hava teir havt eitt skip í hesum klassanum og við so stórum møgu leikum. Leingi hevur verið bíða eftir teimum neyðugu sigl ingarloyvunum, og tað seinasta loyvið, sum skuldi koma frá donsku sjófarts myndugleikunum, eitt so kalla Bunker Convention Certificate (BCC), og sum teir roknaðu við fór at taka drúgva tíð, varð brádliga avgreitt mikudagin 18. februar. Hetta førdi við sær ein sannan gleðisróma um borð og við tað sama vórðu seinastu fyrireikingarnar gjørdar til at loysa frá landi. Søguligi dagurin var seinnapartin hósdagin 19. februar, tá Logos Hope stevndi út frá havnini í Køge, har hon hevur ligið í fleiri mánaðir. Altjóða samskiparin hjá OM, Peter Maiden, segði hendan dagin: “Sum Logos Hope stevnir út frá Køgehavn er hetta samstundis ein stórur dagur í skipasøgu okkara og hjá OM í síni heild. Tað er bæði ein uppmuntringur og ein avbjóðing at hugsa um tað ovurhonds stóra tal av menniskjum, sum fara at møta Gudi umborð á hesum skipi tey komandi árini.” Bernd Guelker, ein av altjóða leiðarunum innan OM, tók soleiðis til: “Dagurin er ein av teim um stóru varðunum og umboðar eitt týdningar mikið fet fram ímóti okkara visjón at gera eitt gott árin á øll tey menniskju, sum vitja umborð. Nú stendur tað til okkum at uppfylla tað, sum Gud og fólk hansara hevur litið okkum í hendur av lívi og skapandi møguleikum. Við “sjósetingini” av Logos Hope koma vit eitt fet nærri okkara máli, nevniliga at náa tann einstaka í milliónini.” Sjálvboðið arbeiði Stóri parturin av um byggingini, frá byrjanini á skipasmiðjuni í Croatia og til nú, hevur verið gjørt av væl útbúnum sjálvbodnum fagfólki. Samkomur, kirkj ur, einstaklingar, grunnar og fyritøkur hava stuðla tiltakinum til dagin í dag við meira enn 190.000.000 krónum. Men arbeiði er ikki liðugt enn, tí “eitt er skip at byggja, eitt annað er skip at dríva.” Frá nú av skal skipið drívast og haldast við líka. Tí er neyðugt við nógvum góðum og trúføstum stuðulsvinum, sum vilja gera ein bønar og stuðulsring um skipið, soleiðis at Logos Hope kann vera við til at skapa vón í einum vónleysum heimi. Her er møguleiki hjá okkum øllum at tekna andalig “partabrøv” í Logos Hope, tí Paulus sigur í Filippi 1,7v. at “tit hava jú øll part við mær í náðini.” Tá vit standa aftanfyri Guds verk í bønini, tá eru vit ein eins stórur partur av arbeiðinum, sum tann, ið er úti á markini, og eiga part í ávøkstinum av arbeiðinum. Siglingarætlan Fyrsta havn, sum verður vitjað, er Gøteborg. Síðani verður farið til Bretlands, har fleiri havnir eru á skránni. Síðani stevnir Logos Hope (Gamla Norrøna) inn á kenda farleið við Tórshavn sum næstu havn. Hon kemur at verða í Føroyum frá 16. til 27 apríl. Eftir vitjanina í Føroyum verður farið til Ìrlands og síðani verður fari til Vestur Indisku oyggj arnar, har OM skipini verða umtalaði millum fólkið sum “bókaskipini.” Logos Hope er skrásett í Føroyum og siglir við Før oyska flagginum og navni num TÒRSHAVN afturi á hekkuni. Á henda hátt eiga vit eina altjóða flótandi “sendistovu,” sum fólk um allan heimin vilja leggja merki til og spyrja um, sum Karl Robert Wang, OM leiðari í Føroyum, skrivar á heimasíðuni: “Allastaðni har skipið kemur til bryggju fara fólk at spyrja um flaggið og hvar hetta serliga skipið er heimahoyrandi. Og tá slepst neyvan undan einum lítlum landalærutíma, um tær 18 oyggjarnar í Norðuratlantshavinum. Og við Føroyingum umborð, verður tjóðbúni okkara at síggja til “altjóða kvøld,” sum er ein fastur táttur allastaðni har Logos Hope kemur at liggja.” Er hetta ikki ein effektiv altjóða branding fyri Føroyar!? Um onkur ynskir at vita meira um Logos Hope er møguleiki at fara inn á heimasíðuna: www. omships.org ella www. logoshope.org Eisini ber til at ringja til OM leiðaran í Føroyum: Karl Robert Wang, tlf: 518850 Móttøkupulturin á Logos Hope Stóra bókasølan við bókatitlum Poul Jóhan og Eirikur Gunnarsson umborð á Logos Hope Finnar hækka eftirlønaraldurin Finska stjórnin hevur gjørt av at leggja fram uppskot um at hækka eftirlønaraldurin úr 63 í 65 ár. Tað skal gerast í stigum, og verður uppskotið samtykt, verður tað fyrsta stigið tikið í 2011. Matti Vanhanen, forsætisráðharri, segði á tíðindafundi í gjár, at sambært framrokningum fer fólkatalið at minka aftan á 2010. Tí er umráðandi, at fólk fara fyrr á arbeiðsmarknaðin enn nú, og at tey arbeiða longri enn nú, segði hann. Vanhanen legði afturat, at kemur ikki broyting í, kann tað almenna fáa ilt við at halda sínar skyldur mótvegis teimum eldru og gomlu. Venus og West Freezer landa í Sørvági Línubátarnir Venus og West Freezer landa til Landingarmiðstøðina í Sørvági í dag. Venus hevur 140túsund pund, meginparturin er brosma og longa, West Freezer hevur 70túsund pund, har er eisini meginparturin brosma og longa. Teir byrjaðu báðir túr 14. februar, Venus hevur roynt á Munkagrunninum og West Freezer á Suðuroyarbankanum. Í gjár landaðu tvey skip til Landing armiðstøðina, Drelnes landaði 25túsund pund av havtasku og Kallsevni landaði 140túsund pund av upsa, makkarin hjá Kallsevni, sum er Grímur Kamban, landaði á Toftum, teir høvdu heldur minni enn Kallsevni.