fríggjadagur 27. februar 2009síða 13

Nr. 41 • 27. februar 2009 Vikuskifti 13 Breckmann og Frændur Í 80’unum vóru teir at finna á hvør sínum vongi í føroyskum politikki – Óli Breckmann og Frændur – og stundum var kjakið bæði heitt og harðligt. Nú hittast Breckmann og Frændur til eitt kjak um protestsangir, friðargongur og politiskan tónleik. Connie í paradísi Lygnir, sex og svik seta dám á sendirøðina Paradise Hotel, sum danska rásin TV3 sendir. Í ár er Connie Brockie úr Vági ein av luttakarunum í sendirøðini. Tosað verður við Connie um, hvussu hon fekk hug at bjóða seg fram til sendirøðina, og hvussu tað var at búgva á mærglætishoteli í Meksiko, meðan upptøkutól fylgdu øllum tí, sum fór fram. Tónleikagestir tulka Frændur Sangirnir hjá Frændum verða sungnir til alskyns tiltøk, og tað munnu verða fáar veitslur kring landið, har onkur Frændur-sangur ikki verður sungin – líkamikið um tað er við sanghefti ella ikki. Hvonn Live hevur boðið nøkrum føroyskum tónleikarum at syngja ein sang hjá Frændum. Millum hesar eru Árni & Marnar, sum gera sína heilt egnu tulking av einum Frændur-sangi. Hvussu gongur hjá Popczynski? Í átta ár var póllendingurin Krzysztof Popczynski spælari og venjari í før- oysku fótbóltskappingini, og millum stóru avrikini hjá honum vóru før- oyameistaraheitini við VB og HB. Í fjør fór Popczynski av landinum aftur, men hann virkar framvegis sum venjari. Vit finna fram til Popczynski og frætta, hvussu tað gongur hjá honum í hansara nýggja felagi. Hundalív í Signabø Óluva Johannesen venur chihuahua-hundar, og ja, tað er eitt ordiligt hundalív í húsunum á Signabø, har Óluva húsast við 15 hundum. Óluva vitjar á Hvonn við hundi og greiðir frá, hvaðan áhugin fyri hundavenjing stavar, og hvussu tað er at hava so nógvar ferføttar vinir. r