mánadagur 2. mars 2009síða 17

Nr. 42 - 2. mars 2009 17 SAMBAND jákup Mørk jAkup@SoSiAluriN.fo tlf. 341800 ítróttur Bæði Bjørk Herup Olsen og Rúni Seloy megnaðu um vikuskiftið at gerast danskir meistarar í renning. Eisini Rebekka Fuglø og Jóan Karl Joensen vunnu heiðursmerki RENNING Hilmar Jan Hansen einslistir@kallnet.fo Føroyskir rennarar stóðu seg framúr væl í Skive leyg­ ardagin og sunnudagin, har kappast var um donsku meistaraheitini í innandura renning. Úrtøkan gjørdist tvey gull­, tvey silvur­ og tvey bronsumerki, umframt eitt føroyskt met. Bjørk Herup Olsen, sum kappaðist í bólkinum gentur 18­19 ár, vann sunnudagin gull á 1.500 metra teininum og gjørdist danskur meistari við tíðini 4.28,27 minuttir, sum var 15 sekund betri enn tíðin hjá tí næstbesta. Og leygardagin vann hon silvur í 3.000 metra renning, tá hon samstundis megnaði at seta nýtt føroyskt met við tíðini 10.16,93 minuttir. Eisini Rúni Seloy gjørdist danskur meistari, tá hann leygardagin í bólkinum dreingir 14­15 ár rann 800 metrar við tíðini 2.06,68 minuttir. Og sunnudagin, tá hann rann 1.500 metrar við tíðini 4.22,57 minuttir, rakk tað til eitt bronsumerki. Rebekka Fuglø vann silv­ ur leygardagin, tá hon í bólk­ inum gentur 16­17 ár rann 800 metrar við tíðini 2.24,48 minuttir, og sunnudagin gjørdist hon nummar fýra á 400 metra teininum, umframt at hon leygardagin gjørdist nummar 12 á 200 metrum. Jóan Karl Joensen vann sunnudagin bronsu á 1.500 metra teininum hjá monnum 20­22 ár við tíðini 4.15,85 minuttir, umframt at hann leygardagin gjørdist numm­ ar fimm á 800 metrum. Jan Elmar Sørensen í bólk­ inum dreingir 18­19 ár gjørd­ ist leygardagin nummar sjey á 3.000 metra teininum og sunnudagin nummar 10 við persónligum meti á 1.500 metra teininum, umframt at pápi hansara, Guttorm Sør­ ensen, leygardagin var nummar 10 í 3.000 metra renning hjá monnum. Lesið meira um renning í blaðnum í morgin. Bjørk og Rúni danskir meistarar Bjørk Herup Olsen vann gull á 1.500 og silvur á 3.000 metra teininum, har hon eisini setti føroyskt met Rúni Seloy gjørdist danskur meistari í 800 metra renning og vann bronsu á 1.500 metra teininum