mánadagur 9. mars 2009síða 30

30 [ Nr. 47 - 9. mars 2009 ] Hutton við at koma fyri seg Fyri einum ári síðani keypti Tottenham skotska bakkin Alan Hutton fyri eina stóra upphædd, men seinastu mánaðirnar hevur skotin sitið uttanfyri við skaða. Nú er Hutton við at koma fyri seg aftur. Hann hevur vant seinastu tvær vikurnar, og sambært venjaranum hjá Tottenham, Harry Redknapp, nærkast hann einum plássi á liðnum. United-liðformaður skaddur Tá ið Manchester United leygardagin vann ímóti Fulham í ensku steypakappingini, noyddist liðformaðurin Rio Ferdinand av gevast í hálvleikinum. Hann skeiklaði fótin, og nú er ivasamt, um Ferdinan verður tøkur til dystin ímóti Inter í Champions League. Um Ferdinand ikki fær spælt, fara Nemanja Vidic og Johnny Evans helst at manna miðverjuna hjá United. Portugisiski venjarin heldur tað vera sjálvsagt, at hann gerst venjari hjá Manchester United, tá Alex Ferguson leggur frá sær. FÓTBÓLTUR Heri Simonsen heris@sosialurin.fo Venjarin hjá Inter Milan, José Mourinho, viðgongur, at tað hevði freistað hann at sloppið at starvast í Ong­ landi aftur. Fremst á ynski­ listanum hjá Mourinho er at gerast venjari hjá Man­ chester United. – Tá Alex Ferguson fer frá, fer Manchester United at leita eftir teimum bestu venjarunum í heiminum. Eg felli inn í ta kategoriina, sigur Mourinho við enskar fjølmiðlar. Og tað er neyvan heldur nakað dulsmál, at ensku fjøl­ miðlarnir hava saknað tann litríka portugisiska venjaran, síðani hann varð koyrdur úr starvi sum venjari hjá Chelsea á heysti í 2007. Er ikki í iva Mourinho er ikki í iva um, at hann er væl egnaður til venjarastarvið. – Eg kann so ikki útihýsa, at eg ein dag gerist høvuðsvenjari hjá Manchester United. Serstøk fótbóltsfeløg hava tørv á ser­ støkum venjarum, sigur Mourinho, sum gongur und­ ir navninum »The Special One«. Tað hevur gingist væl hjá Mourinho í italsku Seriu A. Inter er klárt á odda, sjey stig framman fyri Juventus. Mourinho vil kortini ikki lova, at hann verður venjari hjá Inter komandi kapping­ arár. – Um 86 dagar fari eg í feriu. Verði eg framvegis venjari hjá Inter? Í fótbólti veit ein ongantíð, staðfestir tann ógvuliga serstaki José Mourinho. Mikukvøldið spæla Man­ chester United og Inter seinna dystin í áttandaparts­ finaluni í Champions League á Old Trafford í Manchester. Fyrri dysturin á San Siro í Milano endaði 0­0 Mourinho vil venja Manchester United José Mourinho vil fegin sleppa aftur til Onglands – og helst vil hann verða venjari hjá Manchester United… Barcelona vann á Athletic Bilbao, með­ an Real Madrid bert fekk javnleik ímóti lokala kappingar­ neytanum, Atletico Madrid FÓTBÓLTUR Heri Simonsen heris@sosialurin.fo Seinnu vikurnar hevur ging­ ið illa í hond hjá Barcelona, sum hevur tapt ímóti bæði Espanyol og Atletico Mad­ rid síðstu tvey umførini. Ímóti Atletico Madrid á Vic­ ente Calderón Leikvøllinum í Madrid var reint galið. Barcelona var á odda 2­0, men endin var, at Atletico Madrid vann 4­3. Men leygarkvøldið kom tann stolta, katalanska fót­ bóltsskútan aftur á beint. Samstundis hevur Real Mad­ rid vunnið 2­0 á Espanyol og 6­1 á Real Betis. Munurin, sum Barcelona hevði upp á 10 stig, var knappliga tódn­ aður niður í fýra stig. Men um vikuskiftið øktist mun­ urin aftur. Undanfrumframførsla Á Nou Camp­leikvøllinum í Barcelona møttust FC Barce­ lona og Athletic Bilbao til eina undanframførslu til fin­ aluna í sponsku steypakapp­ ingini, Copa Del Rey, sum júst hesi bæði liðini spældu seg í farna mikukvøld. Barcelona vann dystin 2­ 0, men baskiska útiliðið hevði annars tann fyrsta stóra málmøguleikan í dyst­ inum. Sergi Busquets stút­ aði Barcelona fram um 1­0, tá 17 minuttir vóru spældir. Hetta hendi aftan á eitt gott fríspark frá Xavi. Í seinna hálvleiki staðfesti Lionel Messi sigurin við einum brotssparksmáli, sum argentinska super­ stjørnan setti ósvikaliga trygt í netið. Samuel Eto’o brendi nakrar risamøguleik­ ar, og burdi Barcelona fing­ ið ein størri sigur. Men 2­0 sigurin gjørdist søtur, tá úrslitið frættist frá Barna­ beu­leikvøllinum í Madrid. Real misti Í grannauppgerðini ímóti Atletico Madrid eydnaðist tað bert Real Madrid at fáa javnleik 1­1 ímóti teimum lokalu kappingarneytunum, sum hava havt eitt av sínum betri kappingarárum. Sjey minuttir áðrenn steðgin hevði Atletico eitt mynsturálop, sum var byrj­ að frá egnari leikhálvu. Bólturin endaði hjá Sergio Agüero, sum sendi bóltin inn til Diego Forlán, sum var komin inn í brotsteigin. Framherjin úr Uruguay gjørdi einki mistak, men bankaði bóltin í netmeskar­ nar hjá Iker Casillas. 12 minuttir inn í seinna hálvleik javnaði hollendski spælarin, Klaas Jan Hunte­ laar, aftan á eitt frálíkt for­ arbeiði frá Gonzalo Higu­ aín. Úrslitið var tó langt frá nøktandi fyri Real Madrid, sum nú er seks stig aftan fyri Barcelona. Kortini var tað Atletico Madrid, sum hevði teir størstu málmøguleikarnar í seinna hálvleiki. Iker Casil­ las var fullkomiliga seldur, tá Diego Forlan meddaði bóltin í stongina. Sera undirhaldandi Talan var um ein sera undir­ haldandi dyst við nógvum málmøguleikum, men tað er ikki at siga ov nógv, um hugt verður eftir stigatalv­ uni, at Barcelona var vinnar­ in av dystinum millum Real og Atletico. Barcelona hev­ ur 63 stig, meðan Real Mad­ rid hevur 57 stig, og enn eru 12 dystir og 36 stig at spæla um. Týskvøldið skal Real Mad­ rid spæla ímóti Liverpool á Anfield Road í seinnu átt­ andapartsfinaluni í Cham­ pions League. Liverpool vann 1­0 í Madrid, so har stendur á gomlum nøglum hjá Real Madrid. Barcelona tekur ímóti Lyon og hevur ein 1­1 javnleik frá fyrra dyst­ inum sum gott útgangsstøði. Barcelona økti aftur um munin Diego Forlan leggur Atletico á odda 1-0 og Real Madrid-málverjanum Iker Casillas er prísgivin Mynd: Philippe Desmazes/Scanpix