týsdagur 10. mars 2009síða 7

7 tíðindi Nr. 48 - 10. mars 2009 Missa uppihaldsloyvið Útlendingar úr londum uttan fyri EBS, sum arbeiða í Íslandi, kunnu fáa álvarssamar trupulleikar, nú alt fleiri fólk har gerast arbeiðsleys. Tí reglurnar siga, at missa tey arbeiðið, missa tey eisini uppihaldsloyvi at vera í Íslandi og noyðast at fara av landinum. Og hóast tey hava goldið skatt í Íslandi, meðan tey hava arbeitt har, kunnu tey ikki fáa almennan styrk. Sambært Útlendingastovuni í Reykjavík arbeiða 850 fólk úr londum uttan fyri EBS í Íslandi, og á stovuni ivast tey ikki í, at arbeiðsloysið fer at raka tey eins væl og íslendingar. Havísurin hvørvur skjótt Kanadiski vísindamaðurin Warnick Vincent, sum er leiðari á teirri serligu norður-deildini á lærda Laval-háskúlanum, sigur, at havísurin kring Norðpólin bráðnar skjótari enn higartil hildið. Á einari ráðstevnu í kanadiska tjóðartinginum segði hann, at hitin í teimum arktisku økjunum veksur skjótari enn væntað og nógv skjótari, at metingar hjá kanadisku vísindini hava sagt. Warnick Vincent greiddi kanadisku tinglimunum frá, at við verandi gongd verður eingin havísur eftir í 2013. Warnick Vincent og hjálparfólk hansara hava gjørt kanningar á Hunt Island tey seinastu tíggju árini og savnað upplýsingar har. Tryggingarfelagið Føroyar ætlar at fram­ yvir skulu íslendingar keypa føroyskar tryggingar í Íslandi. – Vit vilja keypa eitt íslendskt felag, og vit eru ikki bangnir fyri at fara inn í Ísland, sigur Gunnar í Liða, forstjóri Tryggingar Rógvi Nybo rogvi@sosialurin.fo – Vit vita, at tað er ein búskapur í botni, men vit hugsa langsiktað og vænta, at íslendingar fara at taka væl ímóti einum felagi, sum fokuserar upp á trygg- ingar. Við hesum orðum greiðir Gunnar í Liða, forstjóri í Tryggingarfelagnum Føroy- ar, frá, at teir ætla at inn á íslendska tryggingar mark- naðin. Síðan fyrst í 2007 hevur leiðslan í Trygg ingarfe lag- num Føroyar kannað um - støðurnar og fyrireikað hetta stigið, og í august 2008 kom verulig gongd á málið. Fyri tveimum vikum síðan tók nevndin formliga avgerð um, at farast skal undir virksemi í Íslandi. Hetta varð kunngjørt á tíðindafundi á føroysku sendistovuni í Reykjavík. Skulu inn so ella so Tryggingarfelagið Føroyar eru støðufastir um at sleppa inn á íslendska marknaðin. – Vit hava fýra møguleikar í at velja. Ein er at vit keypa eitt íslendskt tryggingar fe- lag, sum longu er á markn- aðinum. Tað er møguleikin, vit helst vilja brúka. Tann næsti møguleikin at vit sjálv ir stovna eitt íslendskt tryggingarfelag, og byrja frá botni. Triði møguleikin er at vit gera eina deild í Íslandi, og fjórði møguleikin er at vit selja tryggingar beinleiðis úr Føroyum. Vit vilja helst keypa eitt ís - lendskt tryggingarfelag, men vit fara inn á marknaðin so ella so, staðfestir Gunnar í Liða. Hava neyðuga kapitalin Fíggjarkreppan tykist ikki verða ein forðing hjá Trygg- ingarfelagnum Føroyar. Hóast móðurfelagið hjá Trygg ingarfelagnum Føroy- ar, TF Holding, væntast at hava eitt úrslit, ið er nógv merkt av, at virðið á íløgum er kvinkað niður í næstan einki, so stendur Gunnar í Liða fast við, at Trygg ing- arfelagið er krút sterkt fíggj arliga. - Vit vita, at tað er ein handilslig vandaleið at fara inn á íslendska marknaðin, men vit meta at tað fer at geva avkast. Vit hava neyð- ugu vitanina og kapitalin, og vit trúgva at tað fer at løna seg, sigur Gunnar í Liða. Altíð brúk fyri trygging Tryggingarfelagið Føroyar hevur í løtuni millum 75 og 80 prosent av føroyska mark naðinum, og leiðslan met ir tað verða torført at vaksa munandi um virk- semið í Føroyum. Tí hava teir vent eygunum móti Ís - landi, og er tað enn áhuga- vert fyri teir hóast kreppu. – Trygging fer altíð at vera ein integreraður partur av infrastrukturinum í ein- um landi. Hús, bilar, skip og bátar eru har, og tey skulu tryggjast, og vit vænta at íslendingar fara at taka væl ímóti einum felag, sum leggur dent á trygging, heldur Gunnar í Liða fast við. Líkir marknaðir Tryggingarfelagið heldur tað eisini vera ein fyrimun, at tann íslendski og tann føroyski marknaðurin eru líkir. – Vinnustruktururin hjá teim um líkist nógv tí før- oyska. Teir hava eina fiski- vinnu, ið er sera stór, eins og í Føroyum. Mentanarliga liggja vit heldur ikki fjart frá hvør øðrum, og lógar- messiga eru londini eisini sera lík, so hetta er ikki púra fremmant territorium vit flyta okkum inn á, stað- festir Gunnar í Liða. Eingin forðing úr Íslandi Føroyska vinnan hevur fleiri ferðir í seinastuni funn ist hvassliga at Hoy- víks sáttmálanum, og hava skuldsett íslendingar fyri at leggja lógarmessigar snáv- ing ar steinar fyri føroyingar, ið ætla sær inn á íslendska marknaðin. Hetta er tó ikki nakað, Tryggingarfelagið Føroyar hevur merkt. – Vit hava møtt stórari vælvild allastaðni í Íslandi. Vit hava gott samskifti við umboð frá tryggingar fe løg- um, bankum og íslendsku stjórnini, og teir hava tikið væl móti okkum, leggur Gunnar í Liða dent á. Á innkeyp í Íslandi Enn er tó eingin avgerð tikin um, hvat felag skal keypast, ella hvør leisturin verður. – Avgerðin er tikin um, at vit skulu inn á íslendska marknaðin, men vit hava ikki gjørt av hvør leisturin verður. Hvør tíðarætlanin er, veldst um hvat vit gera, men í øllum førum vildi eg mett, at tað verður innan eitt ár, sigur Gunnar í Liða. Hvørt tað verður undir navn inum hjá Tryggingar- felagnum Føroyar ella undir øðrum navni, er eingin av - gerð tikin um enn, og heldur Gunnar í Liða at tað kann virka skaðandi, skuldi navn ið verið fastsett framm- anundan. Vilja taka íslendska marknaðin – Vit hava fýra møguleikar í at velja. Vit vilja helst keypa eitt íslendskt tryggingarfelag, men vit fara inn á marknaðin so ella so, staðfestir Gunnar í Liða Mynd: Jens Kristian Vang