týsdagur 10. mars 2009síða 8

8 tíðindi Nr. 48 - 10. mars 2009 Hvørji rættindini hava føroyskir pápar, og hvør er teirra støða, tá teir ikki búgva saman við børnunum? Í næstu viku skipar Javnstøðunevndin fyri tveimum tiltøkum um evnið Javnstøða Rigmor Dam rigmor@sosialurin.fo Arbeiðið hjá javnstøðu­ nevndini snýr seg ikki bara um rættin hjá kvinnum. Í næstu viku skipar nevndin fyri tiltøkum í Havn og í Fuglafirði, har rætturin hjá mannfólkum verður við­ gjørdur. Spurningarnir, sum verða til umrøðu eru hesir: Hvør hevur leikluturin hjá pápum verið fyrr, og hvussu hann er nú? Hvør er støðan hjá pápum í Føroyum, tá teir ikki búgva saman við børn­ unum? Og hvørjar reglur hava pápar at halda seg til í mun til samveru og foreldra­ myndugleika? Javnstøðunevndin sigur, at tiltakið hevur til endamáls at økja um kunnleikan til páparættindi í føroyska sam­ felagnum og til, hvussu støðan hjá pápum í Føroyum er í mun til børnini, tá ið pápin og mamman ikki búgva saman. Tey, ið leggja fram, eru: Jørgen Lorentzen: Leiklut­ urin sum pápi og rættindi hjá pápum í søguligum og nútíðar høpi. Jørgen Lorent­ zen er søgufrøðingur og granskari við Lærda háskúlan í Oslo. Lene Moyell Johansen: Foreldramyndugleiki og samvera. Lene Moyell Johan­ sen er løgfrøðingur og fulltrúi hjá Ríkisumboðnum. Solby Eliasen, journal­ istur verður orðstýrari og tiltøkini í Havn og í Fugla­ firði eru ókeypis og almenn sigur Javnstøðunevndin. Lýsa rættin hjá føroyskum pápum Ríkið eigur handlar Tá íslendska stjórnin gjørdi av at yvirtaka bankan Straumur­Burdarrás Investment Bank, gjørdist íslendska ríkið samstundis handilsrekandi, tí bankin eigur donsku handilshúsini Magasin og Illum. Straumur yvirtók Magasin og Illum í síðsta mánað, tá Baugur fór í gjaldssteðg. Ætlanin var tá at finna ein nýggjan eigara, og nú vildi lagnan tað so, at tað bleiv íslendska ríkið. Umframt Magasin og Illum átti Straumur eina handilsketui í Íslandi, leikuhandilin Hamleys, skreytlutahandilsketuna Goldsmiths, mótahandlarnar Whistles og Jane Norman, mótafyritøkuna Mosaic Fashion og tað bretska House of Fraser. Navnið ávirkar lønina Tað ljóðar kanska ikki serliga sannlíkt, men ein kanning í Svøríki vísir, at hjá innflytarum hevur navnið týdning fyri, hvørja løn tey fáa. Kanningin umfatar 641 fólk, sum høvdu strikað síni afrikonsku, asiatisku ella eysturevropeisku nøvn og fingið sær svensk nøvn ístaðin fyri. Tað loysti seg fíggjarliga í hvussu er, tí aftan á navnabroytingina fingu tey í meðal 141 prosent meiri í løn um mánaðin, sigur DR. Niels Westergaard­ Nielsen, sum er professari á Handilsháskúlanum í Århus, ivast ikki í, at myndin er tann sama í Danmark sum í Svøríki. Tey, sum hava ørindi í endursýtsluhandl­ inum hjá Reyða Krossi á Bryggju­ bakka, koma á læstar dyr í hesum døgum. Men tað er bara fyribils, sigur Suni Vinther, formaður í Reyða Krossi Býarlív Rigmor Dam rigmor@sosialurin.fo Mong munnu fegnast um, at tað eru heilir fýra endur­ nýtsluhandlar í Havn. Men í løtuni er handilin hjá Reyða Krossi á Bryggju­ bakka læstur, og pappír sett upp fyri vindeyguni. Á ein­ um skelti stendur, at handil­ in er stongdur vegna serligar umstøður og mangul upp á fólk. Suni Vinther, formaður í Reyða Krossi Føroyar sigur við Sosialin, at handilin er latin aftur fyribils, tí ávísar broytingar skulu gerast. ­ Tey, sum hava rikið handilin sjálvboðið seinastu árini, eru nakað fá. Og so er handilin ov trongur. So her skulu onkrar broytingar til, sigur Súni Vinther. Men hóast tey í løtuni eru ov illa mannað, er ætlanin ikki at søkja eftir fleiri hjálp­ andi hondum í fyrsta umfari. Fyrst skal framtíðin hjá handilinum til viðgerðar á aðalfundinum hjá felag­ num, sum verður tann 22. mars. Sambært formanninum taka fólk væl undir við end­ urnýtsluhandlinum hjá Reyða Krossi. Innlating av vørum er hvønn mikudag og mikukvøld, men fólk koma eisini við tingum hinar dagarnar í vikuni. Ofta seta tey vørurnar niðri í bókabúðini á veghæddini, og hóast tey í Reyða Krossi eru takksom fyri lutirnar, hava tey ikki orku til at fáa lutir til høldar hvønn dag. Framtíðin hjá handlinum hjá Reyða Krossi verður sum sagt viðgjørd á aðalfundinum tann 22. mars, og tá fáa vit helst meira at vita um hann. Handilin hjá Reyða Krossi letur aftur - fyribils Framtíðin hjá handlinum á Bryggjubakka verður eitt av evnunum á aðalfundinum hjá Reyða Krossi Føroyar tann 22. mars. Mynd: Jens Kristian Vang Tilhaldið 11 ár á baki Sjálvan grækarismessu­ dag verður opið hús í Tilhaldinum í Tórsgøtu í Havn, nú húsið hevur 11 ára føðingardag. Á Grækarismessu, hós­ dagin 12. Mars, hátíðar­ heldur Tilhaldið 11 ára føðingardagin. Føði ngardagurin byrj­ ar kl. 14.00 og skráin er soleiðis: Felagssangur Vælkomin: Jákup Lindenskov, nevndarformaður Felagssangur Gestarøðari: Ingibjørg Berg, trivnaðarstjóri í Tórshavnar Kommunu Felagssangur Wanja Petersen, leiðari í Tilhaldinum sigur, at øll eru hjartaliga vælkomin at fáa sær ein drekkamunn og heimagjørda lagkøku í kjallaranum og á 1. hædd. Rd.