fríggjadagur 13. mars 2009síða 21

Nr. 51 - 13. mars 2009 21 Fiskimálaráðið søkir eftir ráðgeva/ fulltrúa til fiskiveiðisamráðingar og havtilfeingispolitikk. Fiskimálaráðið Fiskivinnustovan er deild í Fiskimálaráðnum. Høvuðsuppgávurnar hjá Fiskivinnustovuni eru: fiskiveiðisamráðingar • føroyskur havtilfeingispolitikkur • faklig ráðgeving í fiskivinnumálum • málsviðgerð og fyrisiting í sambandi við veiði- og fiskiloyvi • fiskiídnaðar og marknaðarviðurskifti • granskingar- og menningarpolitikkur á fiskivinnuøkinum • kunning um fiskivinnupolitisk og fiskivinnufaklig viðurskifti. Starvið Umframt at arbeiða við fiskiveiðisamráðingum við onnur lond og í millumlandafelagsskapum, verður tú eisini við til at fremja føroyskan havtilfeingispolitikk í breiðari merking. Roknast kann við nógvum fundarvirksemi uttanlands. Vit bjóða Vit bjóða eitt starv, har tú fert at loysa fjølbroyttar og fakliga mennandi uppgávur saman við starvsfeløgum, ið hava hollar royndir í ymiskum yrkisgreinum. Tú fært góðar møguleikar til at ávirka arbeiðsinnihaldið og til at skipa og menna mannagongdir. Førleikakrøv Tú hevur viðkomandi hægri útbúgving í til dømis løgfrøði, stjórnmálafrøði, samfelagsfrøði, fiskivinnufrøði ella búskap­ ar frøði. Vit leggja dent á, at tú hevur hegni at samráðast og sam skifta, og at tú hevur innlit í havtilfeingispolitikk. Tú arbeiðir við sjálvstøði og nærlagni, dugir at leggja til rættis, samstarv ar væl og virkar til lítar í einum umhvørvi, har mál kunnu hava nógvan skund. Tú hevur eisini lætt við at orða teg munnliga og skrivliga á føroyskum og enskum. Royndir á einum ella fleiri av virkisøkjunum eru ein fyri­ munur. Starvstreytir Starvsstaðurin er Fiskivinnustovan. Setanarøkið fevnir um Fiskimálaráðið og stovnar tess, umframt Løgmanskrivstov­ una og stjórnarráðini annars. Løn og setanartreytir verða sambært sáttmála millum Fíggjar málaráðið og avvarðandi yrkisfelag. Flokking sum ráðgevi er treytað av førleikum og royndum sambært gald­ andi mannagongdum. Umsóknir Umsóknir við avritum av prógvum, lívsgongdarlýsing og øðrum viðkomandi skjølum vera at senda til Fiskimálaráðið, Heykavegur 6A, Postrúm 347, 110 Tórshavn ella til fisk@fisk.fo og skulu vera okkum í hendi í seinasta lagi týsdagin 24. mars 2009 kl. 16.00. Fyrispurningar um starvið kunnu setast Andrasi Kristiansen, deildarstjóra, tel. 353241, andrask@fisk.fo. – vit siga tað bara ikki hart VIT FØRA STØRSTA FONGIN TIL LANDS