mikudagur 18. mars 2009síða 21

21 [ Nr. 54 - 18. mars 2009 ] SAMBAND jákup Mørk jAkup@SoSiAluriN.fo tlf. 341800 ítróttur Í august í fjør fekk Finnur Hansson føroyska passið, hann hevði bíðað eftir í fimm ár, og í kvøld spælir hann sín sætta hondbóltslandsdyst fyri Føroyar. – Tað er náttúrligt fyri meg at spæla fyri Føroyar, sigur føroyski ís ­ lendingurin á lands­ liðnum HONDBÓLTUR Hilmar Jan Hansen einslistir@kallnet.fo At hondbólturin hevur og hev ur havt ein stóran leiklut í lívinum hjá 29 ára gamla Finni Hansson, er ikki so løgið. Hópatals lands liðs­ spælarar eru í bæði faðir­ og móðurætt, og tað var eisini hondbólturin, sum í 1998 fekk Finn at koma til Føroya úr Íslandi, haðani hann er ættaður. Pápi hansara, Hans Guð­ mundsson, var um hetta mund ið spælandi venjari hjá H71, og hann fekk sonin at koma hendavegin. Restin er søga, tí hóast Hans fór heimaftur, varð Finnur ver­ andi í Føroyum. Hann hevur spælt við bæði H71, Neist­ anum, Kyndli og StÍF, og nú spælir hann enntá eisini við føroyska landsliðnum. – Veruleikin er tann, at kom eg ikki til Føroya tá, hevði eg nokk ikki spælt hondbólt í dag. Í veru leik­ anum havi eg tað soleiðis, at skal eg geva nakað aftur sum landsliðsspælari nakra­ staðni, so má tað vera fyri Føroyar, sigur Finnur, sum síðstu dagarnar hevur drivið á undir venjingunum undan dystinum ímóti Sveis í kvøld og leygardagin. – Nú havi eg verið so leingi í Føroyum, at tað er náttúrligt fyri meg at spæla á føroyska landsliðnum. Heiðurin at sleppa at spæla fyri landsliðið, er fyri meg ein stórur heiður, og eg føli meg jú nokk so føroyskan eftirhondini. Bíðaði fimm ár Dysturin í kvøld er tann sætti hjá Finni Hanssyni á føroyska hond bóltslands­ lið num, og teir undanfarnu hava verið teir fýra í EM­ undankappingini og venj­ ingardysturin ímóti Grøn­ landi í januar mánaði. Har hevur hann ikki staðið aftan fyri nakran, og higartil eru 19 mál komin á kontuna eisini. Tað hevði leingi verið ætl an hansara at fáa føroyskt pass, tá hann eftir eina venjingarlegu í Íslandi við Neistanum í august mánaði í fjør kom heimaftur og langt um leingi hevði fingið nýggja passið, sum gjørdi hann til føroyskan íslending. Tá vóru fimm ár liðin, síð­ ani hann søkti um at fáa tað av fyrstan tíð. Finnur hevur heldur ong­ antíð dult fyri, at ætlanin við hesum var at fáa ein møguleika at koma á før­ oyska hondbóltslandsliðið, og tá hann var við lands lið­ num á einari venjingarlegu í Norra, bara styrkist hetta ynski hansara. Ein síðu­ vinn ingur er tað so eisini, at hann í føroysku kappingini ikki longur verður roknaður sum útlendingur, men sum føroyingur. Og hóast fleiri í familjuni heima í Íslandi hava verið landsliðsspælarar fyri Ís ­ land, hevur hann ikki hoyrt eitt øvugt orð haðani um tað, men hevur tvørturímóti fingið at vitað frá teimum, at tey skilja avgerð hansara og eisini halda hana vera rætta. Nógv verður gjørt burtur úr, nú avger­ andi FM­finalurnar í flogbólti hjá ung­ lingunum og teimum 14 ára gomlu verða spældar í Trongisvági leygardagin. Tiltakið stendur lítið aftan fyri steypafinalurnar hjá teimum vaksnu FLOGBÓLTUR Hilmar Jan Hansen einslistir@kallnet.fo Allan leygardagin verður ítróttarhøllin í Trongisvági karmur um tað stóra finalu­ tiltakið, sum Flogbólts sam­ bandið og TB skipa fyri, nú finalurnar hjá gentum 14, dreingjum 14, kvinnu­ og mans unglingum eru á skránni. Liðini, sum spæla finalurnar, eru tey, sum gjørdust nummar eitt og tvey í kappingini, sum var í Havn leygardagin 28. febru ar. – Hóskvøldið fáa vit Tara flex­gólvið hjá Flog­ bólts sambandinum suður, og so verður tað beinanvegin lagt á. Gólvið sleppur so at liggja í friði og náðum á allan fríggjadagin, so tað er púra klárt, tá fyrstu dystirnir eru leygarmorgunin, sigur Otto Gram, sum vegna TB samskipar tiltakið. – Og eg má siga, at tað er ótrúliga stuttligt, at fólk ganga so høgt uppí, at hetta alt skal eydnast væl. Eg kann nevna, at tað bara tók mær hálvan tíma at fáa fatur í 12 monnum, sum allir játt aðu at koma at leggja gólvið á. Kjósa bestu spælarar Fyrsta finalan er tann mill­ um kvinnuunglingarnar hjá Mjølnir og Fleyr, sum byrj­ ar klokkan 10. Síðani er finalan millum KÍF og TB hjá gentum 14 á skránni klokkan 12, og tveir tímar seinni spæla Mjølnir og TB finaluna hjá dreingjum 14. Tann seinasta finalan, sum er millum mansunglingarnar hjá SÍ og Fleyr, byrjar klokk an 14.45. – Sum nakað nýtt, so verða allir spælararnir pre­ sen teraðir, tá teir ein og ein renna inn á vøllin til hvønn dyst. Og eisini verður besti spælari í hvørjari finalu kosin eftir hvønn dystin. Høv uðsdómarin, annar­ dóm arin og dómaraborðið gera av, hvør fær tann heið­ urin, sigur Otto Gram, sum eisini veit at siga, at besti spælari í hvørjum dysti fær ein vinning frá Flog bólts­ sambandinum. – Vit hava eisini fingið lokalar politikarar og stuðl­ ar at handa steyp og heið­ ursmerki eftir hvørja finalu, og millum finalurnar hava vit eisini ymiskt til undir­ halds, so sum livandi tón­ leik og dansigentur. Eisini hava vit andlitsmáling og køku tombola, og allan dag­ in bjóðar matstøðan í høllini kalt borð. Føroyski íslendingurin Ungu meistaraheitini í flogbólti upp á spæl Eftir hvønn finaludyst í Trongisvági leygardagin verður besti spælari kosin Mynd: Hilmar Jan Hansen/ Einslistir – Skal eg geva nakað aftur sum landsliðsspælari nakrastaðni, so má tað vera fyri Føroyar, sigur Finnur Hansson Mynd: Álvur Haraldsen Lesið meira um Føroyar­Sveis á síðu 22 & 23