týsdagur 24. mars 2009síða 4

4 tíðindi Nr. 58 - 24. mars 2009 Ung og eldri, føroyingar og danir stuðlaðu Lindu og sungu saman við henni, tá hon saman við Muhamed og Alien Beat Club fyltu Ráðhúsplássið í Keypmannahavn við 60.000 áhoyrarum X-FACTOR Rólant Waag Dam rolant@sosialurin.fo Ráðhúsplássið, Keypmannahavn: Finalan nærkast av álvara. Kappingin, sum umleið tvær milliónir hyggjarar hava fylgt á DR1 hvørt fríggjakvøld seinastu vikur­ nar, er um at vera av. Stóra slagið verður um tríggjar dagar. Tá fellur avgerðin, hvørt tað verður Alien Beat Club, Muhamed ella Linda, ið vinnur X­Factor 2009. Í gjárkvøldið varð hitað upp til stóra finalukvøldið. 60.000 áhoyrarar bíðaðu spentir, tá klokkan gjørdist sjey. Longu klokkan fýra vóru eini 1000 fólk savnað á Ráðhúsplássinum, so bestu plássini frammanfyri stóra pallin fóru tíðliga. Hesi 1000 fólkini komu tó at bíða í nærum hálvan fjórða tíma, tí klokkan nærkaðist hálvgum átta, áðrenn fjøldin fekk stjørn­ urnar at síggja og hoyra. Hoyra er tó kanska í so nógv sagt, tí fyrstu sekund­ ini av fyrsta lagnum hjá Alien Beat Club hoyrdist røddin hjá sangarunum als ikki, og tað var ikki fyrr enn, at Linda og Muhamed høvdu verið á pallinum eisini, at ljóðið á sjálvum Ráðhúsplássinum kom ordiliga upp á pláss. Heima í stovunum kring land og ríkið – skilst – at ljóðið ong­ antíð var nakað at reypa av. Á Ráðhúsplássinum sveik myndin á stórskýggjanum eisini fyrstu løtuna av konsertini, so mongu børn­ ini og hálvvaksnu ung­ dómarnir høvdu serstakliga trupult at síggja, hvussu leikur fór fram á sjálvum pallinum. Sum á ólavsøku Tað ráddi eisini um at vera vakin og ikki spilla tíðina, meðan luttakararnir vóru á pallinum. Tveir sangir hvør og eitt felagseykanummar. Tilsamans ein lítil hálvur tími av tónleiki var tað, ið borðreitt varð við. Hetta halda danskir fjøl­ miðlar lítið um. Millum annað spyr ummælarin hjá Ekstra Bladet, um tað yvirhøvir ber til at kalla tiltakið, sum sjónvarpsrásin DR1 og útvarpsrásin P4 í felag skipaðu fyri, fyri eina konsert? Hesum vóru teir flestu av teimum 60.000 áhoyrar­ unum á Ráðhúsplássinum tó samdir um, at tað væl bar til. Lagið var av tí besta. Onkur av føroysku áhoyrar­ unum helt speiskliga fyri, at tað var sum á ólavsøku, og sipaði helst til mid­ náttarsangin á Vaglinum í Havn, tá fólk, eins og á Ráðhúsplássinum í gjár­ kvøldið, stóðu so tætt, at tað hvørki bar til at koma til høgru ella vinstru. Fjøldin var enn tá so stór, at fyrireikararnir komu fram á pallin stutt undan konsertin byrjaði og heittu á fólk, um at trína eitt fet aftur, so at tað ikki gjørdist ov trongt hjá teimum, ið stóðu heilt frammi undir pallinum. Linda var best Beint áðrenn luttakararnir fóru á pallin, segði Linda við Aftenshowet hjá DR1, at hon var eitt sindur uppi Danir snýta í skatti Bæði einstaklingar og feløg snýta í skatti, og alt fleiri verða meldað fyri skattasvik. Í fjør sendi danska skatavaldið løgregluni 610 mál um svik við skatti og meirvirðisgjaldi, og tað var tvær ferðir so nógv sum árið fyri, skrivar Politiken. Jens Christiansen hjá skattavaldinum sigur við blaðið, at talan er bæði um mál við smáum upphæddum og mál, har fyritøkur hava svikað fyri milliónir. Skattavaldið sigur, at tað ger meiri við at leita eftir sviki í vinnugreinum, har møguleikin fyri at finna svik er størri enn aðrastaðni. Seta prís á sjálvstýrið Í Grønlandi eru er arbeiðsgevarafelagið farið undir eina kanning, sum skal vísa, hvat tað fer at kosta grøn­ lendska samfelagnum at fáa sjálvstýri og seinni full­ veldi. Fyrst verður staðfest, hvat krevst av einum sjálv­ støðugum samfelagi í dag, og so verður roknað út, hvat tað hevði kostað Grønlandi. Formaðurin í arbeiðsgev­ arafelagnum, Henrik Sørensen, sigur við KNR, at tað er neyðugt hjá tí almenna at leggja langtíðarætlanir, og tí er kanningin neyðug. Ætlanin er, at úrslitið verður greitt um einar fýra mánaðir. 60.000 fólk sun - Tað verður neyvan størri enn hetta, segði ovurhonds fegna Linda eftir frálíku framførslu sína í gjárkvøldið Mynd: Polfoto