mánadagur 30. mars 2009síða 23

Nr. 62 - 30. mars 2009 23 Klaksvíkar Kommuna fer ikki at standa á síðu­ linjuni og bert góðtaka tær áhaldandi miðsavn­ ingarætlanir, ið vit eru vitni til í hesum døgum Ikki hevði eg meir enn lagt pennin í málinum um Ak­ stovuna, fyrrenn eg lesi í miðlunum, at nú eru ætlanir um at miðsavna føroysku løgregluna í Tórshavn. Miðsavningin skuldi eftir øllum at døma gerast skjótt og friðarliga, men eg ætli mær ikki, at henda dulda tilgongd skal sleppa at ganga friðarliga fyri seg. Ein tann mest týðandi uppgávan hjá okkum politik­ arum er at skapa tryggleika fyri borgaran, og løgreglan er eitt ógvuliga sentralt amboð hesum viðvíkjandi. Tey fólkavaldu hildin uttanfyri Tað er ikki bert Klaksvíkar Kommuna sum undrast á mannagongdina hjá fútan­ um. Eitt nú Høgni Hoydal, hevur ein sera viðkomandi spurning til landsstýris­ kvinnuna í Innlendismálum, um landsstýriskvinnan og hennara fyristing hava góðtikið, at djúptøknar bygnaðarbroytingar verða framdar í løgregluni og ákæruvaldinum í Føroyum, uttan at løgting, landsstýri, kommunur ella aðrir fólka­ valdir myndugleikar eru við í arbeiðinum? Sambært upplýsingum í málinum er tað fútin, ið hev­ ur ábyrgdina av hesi ætlan. Eg vil harðliga átala hesa mannagongd. Klaksvíkar Kommuna er als ikki hoyrd í hesum álvarsmáli. Tí er tað sera ørkymlandi at frætta, at embætisfólk fremja leikirnar í hesum talvi, meðan vit fólkavaldu verða sett á síðulinjuna. Løgreglustøðir stóran týdning fyri tryggleikan Klaksvík hevur við tíðini ment seg at verða næststørsti býur í Føroyum, og bert tankin um, at eingin løg­ reglustøð skal verða á næststørsta plássi í Føroy­ um, kann als ikki góðtakast. Tað er millum annað við einari vælvirkandi løgreglu­ støð, undir leiðslu av sýslu­ manninum, at Klaksvíkar Kommuna hevur ment seg til tað, hon er í dag. Løgreglan er ein veitari av trygd, og bæði borgarar og vinnufyritøkur hava tørv á hesari trygd fyri at kunna liva og virka á best møgu­ liga hátt. Samfelagið mennist alsamt, og vit hava vunnið størri frælsi, framgongd og fólkavøkstur. Tíverri eru eisini vandar í hvørjari væl­ ferð, har truplir borgarar, ið ikki virða landsins lógir, seta krøv til skipanir, ið kunnu basa trupulleikunum og verja fólkið. Núverandi vaktarskipan, sum verður samskipað frá løgreglustøðini í Tórshavn, hevði við sær, at fyri kort­ um tók tað ein heilan tíma hjá løgregluni at koma vegin fram til eitt álvarsamt ferðsluóhapp á Viðareiðis­ vegnum. Hetta er ikki gott nokk. Tí er óhugsandi at tær bygnaðarbroytingar, sum nú eru frammi kunnu koma uppá tal. Hetta má harðliga átalast. Eg eri sannførd um, at vælvirkandi løgreglustøðir eru neyðugar á stóru økjun­ um í Føroyum. Eg vil heita á Anniku Olsen, landsstýriskvinnu í innlendismálum, og lands­ politikkarar, sum hava ábyrgdina og møguleikan at forða hesum ágangi, um at fáa greiðu á nevndu viðurskiftum. Skriv um hesi viðurskifti eru í dag sent fútanum og landsstýriskvinnuni í innlendismálum. Borgarstjóri Gunvá við Keldu Vanlagnur, rættarloysi og fløkjur vóru latin mær frá undanmanninum, Høgna Hoydal Fari ikki at endurtaka tað eg skrivaði í míni fyrru grein, eftir óndsinnaða álopið og skeivu upplýsingarnar frá Høgna Hoydal viðvíkjandi útlendingamálum. Tá Høgni sigur í aftur­ svarinum: “Sjálvur kýtti eg meg fyri at vera so dipolm­ atiskur sum gjørligt í míni orðing.....”. Kundi ikki hugsa mær at ákært Høgna fyri ikki at vera diplomat, men bara unfair. Tað ber væl til at vera diplomat, sjálvt um ein er unfair. At hann er á tunnum ísi, sæst í aftursvarinum. Tá hann m.a. sigur, at “málið við teilendingunum var greitt”. So er hetta bein­ leiðis ósatt, her stóðust stórir trupulleikar. Rangsnúni Víðari sigur hann: “Jógvan man eisini minnast skeivt, tá hann heldur uppá at Fútin skal hava verið í sambandi við hann um umitingina av útlendingamálum, og at hann skal hava sett á stovn eina serliga skrivstovu....” Eg minnist ikki skeivt. Føroya fólk minnist heldur ikki skeivt m.a. viðvíkjandi ólukkuligu yvirleveringini av sokallaða “tailendara­ málinum” o.m.ø, og at fútin segði, at um vit ikki fingu skil á hesum óskili, so slepti hann heilt einfalt málunum. Tað eg segði, og eg endur­ taki: “Eitt tað fyrsta eg var noyddur at gera, var at umskipa eitt skrivstovuhøli í Innlendismálaráðnum – har frammanundan ikki var nógv pláss – til eina mest­ líknandi “kriminalstovu”, har eg mátti seta starvsfólk til at greiða skeivt avgreidd útlendingamál, fløkjur og vanlagnur, sum arvaðar vóru frá undanmanni mín­ um”, sum var Høgni Hoy­ dal. Hetta var ótespuligt arbeiði. Høgni og løgmaður Tað var heldur ikki einans táverandi løgmaður, sum Høgni sigur, sum álegði mær, at eg skuldi “umsita hesi mál á ein hátt, har mun­ ur skuldi gerast á fólki....” Nú veit eg, at løgmaður og Høgni hava havt okkurt at greiða sína millum, men honum nýtist ikki bara at leggja skuldina á løgmann. Sjálvur vísti eg á í grein­ ini, at: “Tá “lítla samgonga” legði á meg at viðgera mál ólógliga, fyri at “fáa frið”, noktaði eg”. Soleiðs rangsnýr Høgni smart skrivaða orðið. Við afturasvarinum minnir Høgni meg nú mest um undanleypandi boksara, sum hevur rent seg fastan í ringhorninum og roynir bara at glíða av. Við yvirtøkuni og arvi­ num frá undanmanni mín­ um, Høgna Hoydal, í lands­ stýrinum, fylgdu vanlagnur, skeivt avgreidd arbeiðs­ og uppihaldsloyvi og rættarmál. Høgni rokast í ringhorninum JóGvan við Keldu So hendi tað aftur Ja takk! Eg ynski at tekna meg sum haldara av Sosialinum, og fái blaðið borið út 5 ferðir um vikuna Navn: Bústaður: Bygd / býur: Telefon: Undirskrift: Verður sent ópostað. Sosialurin rindar postgjaldið 64 Boks 76 FO-110 Tórshavn Send lepan til: Tekna teg sum haldara nú ...altíð við tí nýggjasta kr. 495,- um ársfjórðingin Spar 560,- í mun til leysasølu