mikudagur 1. apríl 2009síða 14

14 Nr. 64 - 1. apríl 2009 Sosialurin Tillukku og vælkomin heim Linda SAMBAND eirikur liNDeNSkov eirikur@SoSiAluriN.fo tlf 341800 viðmerkingar Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Marknaðardeild: lysing@sosialurin.fo Marknaðarleiðari: Gudny Langgaard gudny@sosialurin.fo Tróndur Skaalum trondur@sosialurin.fo Høgni Thomsen hogni@sosialurin.fo Elin Vatnhamar Olsen evo@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Eilen Anthoniussen eilen@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Leo Poulsen leo@sosialurin.fo Eyðun Klakstein eydun@sosialurin.fo Árni Joensen arni@sosialurin.fo Anna V. Ellingsgaard anna@sosialurin.fo Rógvi Nybo rogvi@sosialurin.fo Eirikur í Jákupsstovu eij@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðsl­ an ikki er kunnað um bústað og telefonnummar, verða ikki settar í blaðið. Kykmyndir: Harald í Kálvalíð harald@ras2.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e­post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e­post: aki@sosialurin.fo e­post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 frá kl. 8.00­20.00 og boða frá Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.­frí. 8­16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag­fríggjadag klokkan 1330 Neyvan nakrantíð hava so nógvir føroyingar fylgt við í eini sjónvarpssending sum fríggjakvøldið, tá Linda Andrews vann X Factor kappingina hjá DR. Hetta var undirhald fyri allar pengarnar. Líka mikið hvat vit so enn halda um danskar undirhaldssendingar, musikalska støðið ol., so hevur fólkið tikið slíka sending til sín – eisini sum eitt andarúm frá vanliga gerandisdegnum. Linda, sum sang seg til sigurs í eini sending í donsk- um sjónvarpi, ið hevur sett hyggjaramet, er og verður tað helst leingi aftrat, ein kempureklama fyri Føroyar og føroyingar. So kunnu vit tosa um kulturimperialismu og døgnflugur. Tað er sjálvandi eisini ein partur av einum og hvørjum kjaki. Men fyri fólkið, fyri fjøldina og eisini fyri mong av teimum musikglaðu er Linda veruliga ein lýsandi bjørt og fjálgandi stjørna, sum hevur skapt virðing og áhuga rundan um seg sjálva men eisini fyri okkum føroyingum sum heild. Fáur hevur ivast í hennara songligu dygdum, og aftur og aftur hava vit hoyrt frá bæði leikfólki og professionellum, at røddin er eminent. Sjálvandi skulu vit í fyrstu atløgu ikki taka hetta fyri meira enn tað er, nevniliga ein undirhaldssending, sum tó eisini kann vera grundarlag undir nøkrum meira. Undirhald kann vera so nógv, og at so mong seta tíð av til at fylgja við gjøgnum fleiri mánaðir, bendir á, at her hava stigtakararnir rakt í blett. Her er talan um professionelt sjónvarp, og at føroyskur produsari hevur staðið á odda fyri sendingini, ger hana ikki verri, tvørturímóti. Nú vilja tað helst vera tey, sum halda, at hetta stinkar av sjálvsgleði og tjóðskapar- ligum undirtónum. Og hvat so! Hví skulu vit ikki gleðast um slíkar løtur, tá ein av okkara stendur seg so væl í stórari fólksligari kapping. Við allari respekt fyri tí professionella, so latið okkum ikki gloyma tað fólksliga. Og er tað ikki eisini oftani so, at tað professionella nettupp sprettur úr tí fólksliga! Tað eina nýtist í hvussu er ikki at útiloka hitt. Og hví ikki brúka slíkt høvi til at gera vart við okk- um – hesa lítlu tjóðina við einans 48.000 íbúgvum, ið kann fostra fólk, ið koma langt og eru góðir ambasssadørar fyri okkara land! Linda hevur við sínum framførslum, síni góðu og glaðu rødd, síni jaligu og klóku medferð uttan iva givið Føroyum túsund ferðir tað, sum milliónir av marknaðarkrónum annars vildu kravt. Lat okkum gleðast saman við Lindu. Lat okkum bjóða henni hjartaliga vælkomnari heimaftur. Og lat okkum øll – við hesi songkvinnu sum ein av flaggberarum okkara – raðfesta tónleikin og tónleikaumhvørvini hægri – líka mikið, hvat slag av tónleiki vit tosa um. Latið okkum gera tónleikin, amatørtónleikin eins væl og tann professionella til nakað náttúrligt og gott í okkara samfelagsmenning. Hvør veit, kanska Linda við sínum framførslum hevur fingið okkurt tónleikafræið at spíra. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – he­ vur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Nú Magni Laksáfoss rætti­ liga hevur sett kanónina ímóti mær og Fíggjarmála­ ráðnum og ikki minst ímóti Javnaðarflokkinum, kenni eg meg noyddan at koma við nøkrum viðmerkingum. Tað er rætt, at Magni Laksáfoss hevur nógv hug­ skot. Trupulleikin plagar at vera, at tey ikki altíð eru so væl gjøgnumhugsaði. Støðan í dag er so mikið álvarsom, at vit kunnu ikki stýra eftir teimum fyrstu og bestu hugskotunum, sum vit fáa. Í Fíggjarmálaráðnum arbeiða vit út frá veruleik­ anum. Tey átøk, sum vit seta á dagsskránna, byggja á ta vitan, sum okkara serfrøðingar koma við. Tað er kanska ikki so smart, sum at fáa okkurt skjótt hugskot, og so krevja tað gjøgnumført her og nú. Men tað hevur týdning – bæði at taka eina sníkjandi kreppu í álvara og sam­ stundis ikki at eggja til eina enn verri kreppu. Bankapakkarnir vóru eitt felags átak, sum varð veitt fíggjarkervinum í øllum ríkinum. Vit arbeiða nú við eini meting av, um kundar­ nir hjá peningaststovnunum síggja hesa almennu hjálp aftur. Sjálvur ivist eg í tí, men vit vilja hava grund­ leggjandi vitanina í lagi. Nýggju tølini fyri før­ oyska búskapin koma í hesi vikuni. Tá skulu vit eisini meta um, hvørji politisk átøk eiga at verða gjørd. Búskaparátøk skulu venda rætt og síggjast í størri samanhangi enn, hvør fær eitt hugskot her ella har. At taka stig til at minka um risahallið á fíggjarlóg­ ini er ein politisk avbjóð­ ing av teimum heilt stóru. Eg havi havt fund við lands­ stýrið ­ eisini sambands­ umboðini ­ um ymisk uppskot, sum eisini skulu koma strukturella hallinum til lívs. Fíggjarmálaráðið hevur gjørt eina røð av uppskotum, alt frá at taka burtur stuðulsskipanir til bygnaðarligar broytingar. Alt uppskot, sum tú iva­ leyst kennir til frá tínari tíð á Argjum. Hesi uppskot eru latin landsstýrisfólk­ unum. Men uppskotini verða verandi uppskot, um ikki undirtøka fæst fyri teimum, og tað er júst har, at hundurin er grivin. Tað nyttar lítið, at eg standi einsamallur í fjøl­ miðlunum og rópi upp um landbúnaðarstudningar, fiskimannafrádrátt, til­ feingisgjald, mvg­stuðul ella tollfrítt tubbakk, um eingin ella ov fá í samgong­ uni taka undir við mær. Skal eg havi verulig úrslit, so fái eg tey bert, um flokk­ arnir – allir tríggir – taka undir við at fremja nøkur av hesum tiltøkum ­ tað er bara ein politisk premissa. Meðan arbeitt verður við hesum viðurskiftum, so haldi eg, at tað er eisini skilagott at fáa meira skil á nøkur átrokandi viðurskift­ um. Eitt er mannagongdin til eina fíggjarlóg, hitt er eftirlit við, at játtanirnar verða hildnar og í triðja lagi eftirlit við búskapinum hjá kommununum. Tað kann væl vera, at vit ikki í hesum samgongu­ skeiðinum fáa rós fyri stór avlop á fíggjarlógini, men so kundi tað klætt okkum at hava fingið stýr á fíggj­ arligu viðurskiftunum bæði hjá okkum sjálvum og hjá kommunum. Hetta er ein trupul tíð fyri okkum øll ­ eisini okkum politikkarar. Eg havi roynt verri tíðir fyrr og veit, hvat krevst polit­ iskt. Tá vóru vit meira ella minni noydd at hava eina politiska styrki til at taka ópopulerar avgerðir. Men kanska er politiski rygg­ urin hjá fleiri okkara ikki nóg fattur enn. Men uttan mun til alt hetta, má tað standa okkum øllum púra greitt, at vit mugu taka tøkini saman, og minst av øllum hava vit brúk fyri politiskum bakbitum. Nakrar viðmerkingar til Magna Laksáfoss landsstýrismaður JóANNES EIdESgAArd FERÐING Eirikur Lindenskov eirikur@sosialurin.fo Um tað er útferðarlongsulin ella tilboðið um 10% í avsláttri, er ringt at spáa um, men sølan av ferða­ seðlum við Norrønu hevur gingið óvanliga væl seinastu dagarnar, og í dag bar av Smyril Line gevur 10% í avsláttri av ferðaseðlunum í summarsiglingini við Norr­ önu, um keypt verður áðrenn 1. apríl, og nógv fólk hava sambært Jákup Sverra Kass, sølustjóra á Smyril Line, nýtt høvið at keypa ferðaseðilin til summarfrítíðina. ­ Átakið hevur hildnast sera væl, vit hava í dag hava havt okkara best søludag higartil í ár. Av tí at linjurnar hava gingið heitar í dag, hava vit gjørt av at hava opið til kl 22 í morgin, sigur Jákup Sverri Kass. Sølan av ferðaseðlum hevur gingið avbera væl í ár, men við tveimum frá­ ferðum millum Føroyar og Danmark í summarsigl­ ingini, eru tvífalt so nógvir ferðaseðlar til sølu. Tí varð avgjørt at veita 10% í avsláttri, til tey sum keyptu tíðliga. Úrslitið hevur verið stak væleydnað. ­ Vit hava góðar vónir til árið. Tú kanst kanska siga, at hetta er okkara máti at geva nakað aftur til føroy­ ingar. Vit hava eisini gjørt ferðaseðlarnar fyri mána­ dagsfráferðina nakað bílig­ ari, so her er eisini ein av­ sláttur at heinta, sigur Jákup Sverri Kass, sølu­ og markn­ aðarstjóri á Smyril Line. Smyril Line havt sína besta søludag í ár