hósdagur 2. apríl 2009síða 22

22 FÓTBÓLTUR 2009 Samansetta liðið hjá leirvíkingum og gøtumonnum tykist hava góðar fyritreytir at vera við í kappingini um heiðursmerkini Víkingur er ítøkiligt dømi um, at tað kann spyrjast gott burtur úr fusión. Í fjør høvdu leirvíkingar og gøtu­ menn fyri fyrstu ferð ábyrgdina av felags liði, og tað hilnaðist væl. Víkingur var leingi við í kappingini um heiðursmerkini, men so leyp ketan av, og liðið endaði á fimta plássi. Tað er nógv, sum bendir á, at píl­ urin í ár fer at venda rætta vegin. Ofta hevur tað víst seg, at saman­ løgd feløg hava havt trupulleikar við samleikanum. Soleiðis er tað ikki í Gøtu og Leirvík. Fólkið stendur fult og heilt aftanfyri flaggskipið, og leiðslan hevur púra greitt boðað frá, at tað verður ikki farið aðra staðni at fiska eftir spælarum. Tað verður dúvað upp á lokala samleik­ an, og harvið er tað upp til ungu menninar í Gøtu og Leirvík at vísa, hvør dugur er í teimum. Leiðslan í felagnum hevur í hvussu so er við sínum fráboðanum undirstrikað, at teir fara at fáa møguleikan. Tá ið kagað verður at spælara­ listanum, so er skjótt at staðfesta, at talan er um yvirgongds skipan, har onkrir teirra, sum eru komnir aðra staðni frá, og sum hava víst seg at trívast í Sarpugerði, fáa møgu leikan. Hesir eru fíni málverjin Geza Turi, miðverjin Niclas Niclasen, miðvallarin Áslakur R. Petersen og álopsspælarin Zoltan Bukszegi. Teir, sum vóru við til at manna fyrsta felagsliðið, hava verið við í fyrireikingunum til nýggja kapp­ ingar árið, og aftrat teimum er kom­ in ein gamal kenningur í Gøtu. Eftir fótbóltsrundferð á flatlondum og í høvuðsstaðnum er Súni Olsen aftur í Sarpugerði, har fótbóltsevnini aft­ ur skulu brúkast optimalt. Serligan ans vakti tað í heyst, tá ið tað gjørdist greitt, at Jógvan Martin Olsen eftir drúgva og trúgva tænastu hjá FSF nú skuldi vera venj ari í Sarpugerði. Millum teir, sum Jógvan Martin roknaði nógv við á landsliðnum, var Súni Olsen. Í fjør spurdist lítið burtur úr tí sam­ starv inum. Nú eru møguleikar fyri tí, og nýggi Víkinga venjarin roknar nógv við evnaríka miðvallaranum. Aðrir lyklaspælarar eru Andreas Lava Olsen, sum alt oftari vísir seg at vera vandamiklasti álopsspælarin í landinum, Atli Gregersen, mið vall­ arin Sølvi Vatnhamar, brøðurnir Sam og Sverri Jacobsen, Símun Louis Jacobsen og Magnus Skoralíð. Og so eru tað fleiri ungir spælarar, ið rættiliga spíla seg út fyri at sleppa framat, og sum eru næsta ættarlið frá gyltu níti árunum. Mill­ um hesar eru Martin Olsen, Finnur Justinussen og Bárður Hansen. Víkingur Postsmoga 58 FO-520 Leirvík www.vikingur.fo STOVNAÐ 14. januar 2008 FORMAÐUR Páll Gregersen MEISTARAR Ongantíð (GÍ hevur verið føroyameistari 6 ferðir) STEYPAVINNARAR Ongantíð (GÍ hevur verið steypavinnari 6 ferðir) GREIPUVINNARAR Ongantíð (GÍ hevur vunnið greipuna 2 ferðir) Í BESTU DEILDINI (2 ár) 2008- Í EUROPA Ongantíð (GÍ hevur spælt í Europa í 12 førum) MÁLVERJAR Géza Turi Rógvi Ryggshamar (Áður spælt við LÍF, ÍF) VERJA Atli Gregersen (Frem) Niclas Niclasen (KÍ) Hanus Jacobsen (AB) Hans Jørgin Djurhuus Kaj Ennigarð (KÍ) Hjartvard Hansen MIÐVØLLUR Áslakkur R. Petersen (ÍF) Bárður Hansen Sølvi Vatnhamar Sverri Jacobsen Sam Jacobsen Súni Olsen (Zwolle, AaB, B36) Símun Louis Jacobsen Kaj Leo í Bartalsstovu ÁLOP Magnus Skoralíð Andreas Lava Olsen Finnur Justinussen Zoltán Bükszegi (Vasa FC KFT) Martin Olsen TILGONGD Súni Olsen, B36 Rógvi Ryggshamar, ÍF Jógvan Martin Olsen (venjari) Føroyar Trygvi Mortensen (venjari), KÍ FRÁGONGD Adrian Stauss, KÍ Anton Skoradal (venjari), NSÍ Mortan Joensen, Givin Poul Ennigarð, ÍF Poul Arni Jacobsen, B36 VENJARi Jógvan Martin Olsen HJÁLPARVENJARI Trygvi Mortensen MÁLMANSVENJARI Pauli Jarnskor Hópurin hjá Víkingi: Víkingarnir eru spentir Sterki lokali bulurin er grundarlagið undir Víkingi. Her er Símun Louis Jacobsen í dysti móti grannunum úr ÍF Mynd: Álvur Haraldsen bovling@bovling.fo www.bovling.fo Vitja okkara nýggju matstovu og royn tann vælumtókta bovlingbúffin Ring 44 33 66 og bílegg pláss