mánadagur 6. apríl 2009síða 25

29 [ Nr. 67 - 6. apríl 2009 ] Ágrýtna og óroynda KÍ liðið megnaði at stríða seg til stig á útivølli ímóti NSÍ, sum serliga í 1. hálvleiki tóktist fjáltursstungið Fótbóltur Jóannes Hansen joannes@sosialurin.fo Fer KÍ at megna at halda tørn um plássið í bestu deildini, og fer NSÍ at megna at bjóða seg fram í kappingini um FM heitið. Soleiðis hevur verið spurt og fregnast undan kapping­ arbyrjan. Og tað er ikki so undarligt, at tað hevur verið roknað við, at heiðamenn skulu kappast millum teir bestu, og at KÍ skal stríðast fyri at varðveita plássið í deildini: Á NSÍ liðnum eru 4-5 landsliðsspælarar, og teir flestu av hinum hava týdn­ ingarmiklu royndirnar. Á KÍ liðnum er 38 ára gamli Jákup Mikkelsen í málinum, og 31 ára gamli Heðin á Lakjuni á miðvøllinum – viðhvørt ytstur í høgru og so í hinum borðinum. Annar av brandunum í miðverjuni, Oddmar á Lakjuni, er 22. Allir hinir eru yngri enn so. Leygarkvøldið hittust hesi bæði liðini við Løkin í Runavík. Hvussu tað fer at tørna út fer tíðin at vísa, men avrikið og úrslitið leygarkvøldið góvu ábend­ ing um, at tað er ikki sjálv­ sagt, at KÍ skal stríðast í botninum, og at NSÍ er FM kandidatur. Óroyndu klaksvíkingarnir høvdu hug at seta dags­ skránna í 1. hálvleiki. Eitt sindur fjáltursstungnir tókt­ ust teir at vera, men sum tíðin leið, tordu teir alt betri at vísa, at teir duga at spæla fótbólt. Alla tíðina stríddust teir sum fyri lívinum, og tað var týdningarmikið fyri teir at vinna nógvar retur­ bóltar. Heimaliðið hevði ilt við at finna rætta girið. Á mið­ vøllinum vóru ov nógvir ov lítið ágangandi, í álops­part­ inum vóru teir ikki hug­ flogsríkir, og í verjuni vóru teir ikki so sannførandi. KÍ var disiplinerað: í verjupartinum vóru teir tættir og avgjørdir, og tá ið teir høvdu fingið fatur á bóltinum, gjørdu teir skjótt av. Jógvan Isaksen var tryggur í miðverjuni, John Hammer gekk undan í stríðnum á miðvøllinum, og Kristoffur Jakobsen, sum var einsamallur í fremstu røð, lúrdi alla tíðina eftir møguleikanum. Tríggjar minuttir fyri steðgin fekk Kristoffur møguleikan. Heðin á Lakj­ uni spældi flatt og snilt og neyvt inn um miðverjuna, álopsspælarin fekk bóltin væl við sær og setti hann framvið Meinhardi Joensen í NSÍ málinum. Meiri ferð á Eftir steðgin, tá ið Jann Ingi Petersen var komin inn á sentrala miðvøllin at stuðla Boga Løkin og Høgna Madsen, var tað týðuligt, at NSÍ royndi at fáa ferðina upp. Spælararnir fluttu seg betri fyri hvørjum øðrum, og teir royndu oftari at spæla fyrstu ferð. Sending­ arnar vóru ikki altíð so neyvar, men viðhvørt eydn­ aðist tað at fáa teir bláu at renna aftaná, og tíggju minuttir eftir hvíldina eydnaðist tað at javna: Fremsti klaksvíkingurin misti bóltin, tá ið liðið var á veg fram, Hjalgrím Elttør var staddur í vinstru, tá ið hann tamdi og bjóðaði sínum bygdarmonnum av. Tvær ferðir spældi hann eitt tvey, og tá ið hann var komin inn um verjuna eitt sindur í høgru, setti hann bóltin framvið Jákupi Mikkelsen. Málið tóktist seta mót í teir gulu, og tað kundi kanska roknast við, at teir óroyndu bláu fóru at fara niður við nakkanum. Men soleiðis tørnaði tað ikki út. Klaksvíkingarnir arbeiddu fyri lívinum, og tað eydnaðist at halda tørn, hóast teir síðstu løtuna vóru sperdir. Karoly Potemkin, sum ikki flutti seg nógv, hevði risa møguleika at skora eftir horna úr vinstru, men hann rakti ikki bóltin, og stutt áðrenn hann varð tikin út, sendi hann bóltin í stólpan aftanfyri Jákup Mikkelsen. Tá ið fíni dómarin hevði bríkslað fyri síðstu ferð, kendist tað bæði á og kring vøllin sum um, at klaks­ víkingar høvdu vunnið eitt stig, og at NSÍ hevði tapt tvey stig. Unglingarnir høvdu staðið landsliðsspæl­ arunum kurl! NSÍ-KÍ 1-1 (0-1): Unglingar stóðu landsliðs­spælarum kurl Unga KÍ-liðið fekk eina fína byrjan, tá tað útivølli eydnaðist at fáa stig við sær í dystinum móti NSÍ savnsmynd Heðin hevur álit á ungu monnunum 31 ára gamli superveteranurin, Heðin á Lakjuni, var fegin um, at tað hevði eydnast honum og KÍ liðfeløgunum at hava úrtøku við sær úr Runavík: - Ungu menninir hava verið sera ágrýtnir undir venjing, og nú vístu teir, at teir megnaðu at standa seg í fyrsta landskappingardystinum. Vit vóna altíð at vinna øll stigini, men tað plagar ofta at vera strevið í Runavík, og sum fyritreytirnar vóru, so eru vit nøgdir við eitt stig, sigur Heðin á Lakjuni. Umframt Jákup Mikkelsen og Heðin á Lakjuni eru tríggir aðrir veteranar á KÍ liðnum. Allan Joensen og Arnold Joensen vórðu skiftir inn, meðan Jan Andreasen hvørki var á vøllinum ella á beinkinum. Hann var skaddur, men teir rokna við, at hann verður tøkur hósdagin, tá ið 07 Vestur fer at spæla steypadyst í Klaksvík. -jh Hjalgrím ikki nøgdur við ferðina Í NSÍ leguni vóru teir ikki nøgdir við úrtøkuna, og teir hildu, at eftir 2. hálvleik kundu teir gott havt tryggjað sær øll stigini. Teir hildu seg eisini vita, hvør orsøkin var til, at tað – serliga í 1. hálvleiki – ikki hekk so væl saman hjá heimaliðnum: - Ferðin var ov lág, og í 1. hálvleiki megnaðu vit ikki at skipa spælið fram eftir jørðini. Hetta tosaðu vit um í steðginum, og í 2. hálvleiki varð tað væl betri. Tá fingu vit eitt mál, og um vit vóru eitt sindur hepnari, so kundu vit havt vunnið øll stigini, tí vit høvdu møguleikar til tað, heldur NSÍ málskjúttin, sum vónar, at tað í steypadystinum ímóti HB í Gundadali hósdagin fer at eydnast at byggja víðari á 2. hálvleik. -jh Klinsmann skelkaður av stórtapi FC Bayern var úti fyri sínum størsta tapi í sjey ár, tá ið nýggja oddaliðið í Týsklandi, Wolfsburg, vann heili 5-1 á Bayern leygardagin. - Hetta tapið rakar okkum meint. Vit verða noyddir at líta frameftir og koma við einum heilt øðrum avriki í dystinum ímóti Barcelona, segði ein skelkaður Jurgen Klinsmann, venjari, eftir stórtapið. Bayern og Barcelona spæla fjórðingsfinalu í Champions League í vikuni. Benitez: Vit stríðast til tað seinasta Fyri 11. ferð í hesum kappingarári skoraði Liverpool í yvirtíðini, tá ið liðið vann 1-0 á Fulham leygardagin. Og tað er venjarin Rafael Benitez væl nøgdur við. - Vit avtala ikki at skora so seint, men vit ganga høgt uppí, at vit geva ikki upp. Vit stríðast til seiansta sekund, og tað gevur úrslit, sigur Benitez, sum rósar sínum spælarum fyri at verða í góðum formi og kunna spæla allan dystin við fullari ferð. KÍ NSÍ