mánadagur 6. apríl 2009síða 27

31 [ Nr. 67 - 6. apríl 2009 ] Heini aftur til Neistan Neistin kundi um vikuskiftið staðfesta, at felagið hevur gjørt avtalu við Heina Hanusarson, um at hesin er partur av manshópinum hjá Neistanum seinastu tvey árini. Heini hevur seinnu árini verið í Danmark í lestrarørindum, og í tveimum umførum hevur hann spælt við felagi í bestu donsku deildini. Nú gongur leiðin so heimaftur, og tað verður altso Neistin, sum komandi tvey árini fær gleði av skotsterka kollfirðinginum. 11 føroyingar til Danmarkar Pál Joensen, Shaila millum Garðarnar, Dánjal Martin Hofgaard, Katarina Lamhauge, Jón Hofgaard, Malan V. Bærentsen, Mona Simonsen, Astrið Foldarskarð, Hildur á Fløtti, Pauli Ø. Mohr og Poula Ø. Mohr verða øll millum luttakararnar, tá DM á langbana verður svomið í døgunum 7. til 12. apríl. Til samams taka fleiri enn 500 svimjarar úr 86 ymiskum feløgum lut í kappingini. Hvønn dag verða innleiðandi umførini svomin fyrrapart, meðan finalur eru á skránni seinnapart. Til ber at fylgja við úrslitunum á www.livetiming.dk. Við einum tryggum útisigri á Skála tryggjaði VB sær kvinnubronsuna framman fyri Neistan, sum basti finalistunum úr Tjaldri. Stjørnan vann stórsigur á niðurflytarunum úr Kyndli HONDBÓLTUR Hilmar Jan Hansen einslistir@kallnet.fo Bar tann eini ósvaraði spurn­ingurin var eftir, tá síðstu dystirnir í Sunset- kappingini vóru spældir leygardagin, og hann var, um­ tað gjørdist VB ella Neist­in, ið fór avstað við bronsuni. Undan dystinum var eittans stigið á muni teirra millum, men tað var tað eisini aftaná, tí bæði liðini vunnu sínar dystir, so tí fór bronsan til Vágs. Longu fyri tveimum vik­ um síðani gjørdist greitt, at tað verða Stjørnan og Tjald­ ur, sum skulu spæla FM-finalurnar, so burtur sæð frá bronsuni, var eingin spenningur eftir. Og eftir ta bestu og mest spennandi kvinnukappingina í áravís, mugu VB og Neistin nú bara harmast um, at tey skuldu gerast liðini, ið sótu eftir við hvør sínum Svarta­ peri, hóast teirra partur ann­ars ikki hevur ligið eft­ ir. Mikukvøldið er fyrsta final­an á skránni, tá Tjaldur tekur ímóti Stjørnuni í Runavík, og leygardagin, sum er páskaaftan, møtast liðini aftur í Klaksvík. Er hvørki liðið tá blivið før­ oya­meistari, verður ein triðja finala spæld í Klaks­ vík annan páskadag. Stjørnan vann stórt Dysturin í Klaksvík var mill­um topp og botn, og úr­ slitið gjørdist eisini hareftir, tí Stjørnan vann við ikki færri enn 17 málum á Kyndli, sum komandi ár spæl­ir í 1. deild, meðan VÍF, sum sera sannførandi hevur vunnið 1. deild í vet­ ur, kemur upp og aftur verð­ur at síggja í Sunset- kappingini. Stjørnan streyk avstað beinanvegin og læt ongantíð nakran iva vera um, hvør fór at vinna dystin, og hóast mótstøðan kanska ikki var tann sama, klaksvíkskvinnur kunnu vænta sær í final­un­ um ímóti Tjaldri, so av­ spegl­aði Stjørnuspælið bæði sjálvsálit, styrki og stríðs­vilja, ið krevst til finalurnar. Stjørnan var á odda við 10 málum í hálvleikinum, 17-7, og eftir seinna hálv­ leik, tá tað í meiri enn eitt korter var latið aftur fyri allari málskjóting hjá Kyndli, var endaliga úrslitið 31-14, sum nokk eisini svar­aði sera væl til tað, sum hendi á vøllinum. Neistin basti Tjaldri Neistin mátti og skuldi vinna, samstundis sum ein spinkul vón var um, at evnaríka StÍF-liðið kanska kundi gera okkurt við VB, so tey ytstu heiðursmerkini kundu koma til Havnar. Men hóast Neistin gjørdi sítt og megnaði at basa final­istunum úr Tjaldri, gjørd­ist tað kortini ikki nóg mikið. Tjaldur fekk betru byrj­ anina, men Neistin stríddi seg uppaftur og fekk longu fyri steðgin fatur í longra endanum. Neistin var á odda 14-13 í steðginum, og fyri tað mesta vóru tað eis­ ini tær bláu, ið gingu á odda í seinna. Men Tjaldur kom væl við síðstu 10 minuttirnar og var onkra løtuna eitt mál frammanfyri. Tá avtornaði, eydnaðist tó kvinnunum hjá Neist­an­ um at vinna 28-27, og hóast tað var eitt heiðurligt punkt­ um hjá liðnum, ið – sum tað einasta – ongan dyst í vetur hevur tapt fyri Tjaldri, rakk tað ikki til meira enn fjórðaplássið. VB fekk medaljur Treytirnar hjá vágskvinnum líktust teimum hjá Neistan­ um, men vóru ikki so harð­ ar, tí tað ráddi snøgt sagt bara um at vinna útidystin á Skála ímóti StÍF, so var brons­an vunnin. Og VB rann beinanvegin avstað og hevði allan dystin á tamb greiða leiðslu. VB, sum var á odda við 10 málum í hálvleikinum, 21-11, endaði við at vinna dystin 36-30, so tí kundu bronsukrónurnar – sum vænt­andi var – handast teim­um eftir loknan dyst. Og hóast vónbrotið um ikki at røkka í finaluna lúrir aft­ anfyri, mundi túrurin suður­ aftur um Suðuroyarfjørð vera hampuliga hugaligur kortini, tí okkurt er altíð frægari enn einki… Í endaligu støðuni hevur VB sama stigatal sum Tjaldur og betri málúrtøku, men av tí at tað eru inn­ anhýsis úrslitini, sum eru avgerandi, endar Tjaldur kortini framman fyri VB í landskappingini. VB vann bronsuna Stjørnan-Kyndil 31-14 (17-7) 10 min: 6-3 20 min: 12-4 30 min: 17-7 40 min: 22-10 50 min: 26-10 Málskjúttar Stjørnan: Durita Chriophersen 6, Dianne Møller 6, Anna Kristina Samson 5, Bára S. Klakstein 3, Durita Mikkelsen 3, Joan M. Djordjevic 2, Durita Ljósstein 2, Ella Petersen 2, Judith Hansen 1, Una Olsen 1 Kyndil: Linda Johansen 4, Randi Wardum 4 (1), Súsanna Petersen 2, Annika Poulsen 2 (1), Guðrið Eystberg 1, Helena á Krákusteini 1 Brotskøst: Stjørnan 1, Kyndil 4 Útvísingar: Stjørnan 0, Kyndil 3 Dómarar: Hanus Kúrberg & Gunnar Gregoriussen Neistin-Tjaldur 28-27 (14-13) 10 min: 2-5 20 min: 8-9 30 min: 14-13 40 min: 18-17 50 min: 22-10 Málskjúttar Neistin: Marjun F. Danberg 7 (2), Nicoleta R. Hansen 5 (2), Unnur Danielsen 4, Trine Mayland 4, Tordis Tróndarsson 4, Rakul Augustinussen 1, Brindis Hjartardóttir 1, Annika Ljósstein 1, Stine Mikkelsen 1 Tjaldur: Adina Petrea 10, Jacoba Langgard 4, Marinela Patru 4, Annika Thomsen 4, Heidi Sevdal 2, Sarah Ann B. Thomsen 2, Jóhanna í Króki 1 Brotskøst: Neistin 6, Tjaldur 1 Útvísingar: Neistin 4, Tjaldur 4 Dómarar: Sámal Paulason & Kári Hansen StÍF-VB 30-36 (11-21) 10 min: 1-7 20 min: 7-13 30 min: 11-21 40 min: 16-26 50 min: 25-30 Málskjúttar StÍF: Rebekka Justinussen 12 (2), Fríðrún Danielsen 6, Ninna K. Johansen 4 (1), Lovisa Andreasen 3, Súnfríð B. Johannesen 2, Anna Petersen 2, Bára Berthelsen 1 VB: Gurið Mortensen 9 (1), Daiva Toumaite 7 (2), Aukse Vysniauskaite 6, Sváva Vestergaard 5, Bára Mortensen 4, Theresa Joensen 3, Una Egillsdóttir 2 (1) Brotskøst: StÍF 2, VB 3 Útvísingar: StÍF 3, VB 5 Dómarar: Andreas F. Hansen & Eyðun Samuelsen FAKTA um dystirnar Sunset-kappingin vunnin tapt mál- dystir v - j - t mál mál munur stig 1 Stjørnan 20 15 - 1 - 4 551 432 119 31 2 Tjaldur 20 12 - 3 - 5 576 485 91 27 3 VB 20 13 - 1 - 6 576 485 91 27 4 Neistin 20 11 - 4 - 5 530 488 42 26 5 StÍF 20 3 - 1 - 16 495 612 -117 7 6 Kyndil 20 1 - 0 - 19 357 576 -219 2 Neistin er einasta liðið, sum í vetur ikki hevur tapt fyri Tjaldri, og leygardagin eydnaðist teimum bláu at vinna við einum máli á FM-finalistunum úr Runavík, sum nú skulu dystast við Stjørnuna um gullið Mynd: Álvur Haraldsen