týsdagur 5. mai 2009síða 12

12 tíðindi Nr. 85 - 5. mai 2009 Avbjóðingin eftir neo-liberlastiska gallaveitsluna verður nú at seta vanliga føroy­ingin í fokus, segði Jóannes Eides- gaard, formaður Javnaðarfloksins á fy­rsta maidagshaldi á Tvøroy­ri fríggja- kvøldið Fyrsti mai Áki Bertholdsen aki@sosialurin.fo - Vit mugu seta fokus á okkara fólk. Tað var boðskapurin hjá Jóannesi Eidesgaard, for- manni í Javnaðarflokkinum á fyrsta maidagshaldinum, sum flokkurin skipaði fyri á hugnaliga Seglloftinum á Tvøroyri fríggjakvøldið. Jóannes Eidesgaard vísti á, at seinastu 20 árini hava vit upplivað eina tíð, har liberalisman trein inn á pallin. - Henda nýggja liberalis- man, sum verður kallað neo-liberalisman, gjørdi tað til gott latín, at tey fáu og stóru skuldu gera sær dælt av fólksins ognum og tænastum. Hon kroysti solidaritetin til viks, og samanhaldið í samfelagnum varð avloyst av søkini hjá teimum stóru og sterku. - Einskiljingar, útlisiter- ingar, vinningsbýti og profittmaksimering gjørdist loysunarorðini. Nøkur fá tóku yvir almenna leik- pallin, meðan øll hini meira ella minni settu seg sum áskoðarar. Hann vísti á, at serliga síðani aldarskiftið hava vit upplivað eina náðileysa kapprenning eftir skjótt- vunnum ríkidømi, sum ikki bygdi á framleiðslu og arbeiði, men á smartar loysnir og spekulasjónir á keypsskálunum runt um í heiminum. Hetta var ein náðileys jagstran eftir løttum vinningum, har grammleiki var høvuðseyðkennið. - Óløgini frá neo-liberal- ismuni hava nú skolað inn yvir heimin, og nú tað dregur útaftur, letur til, at øll hini eiga upptakið. Rokningin fyri gildið hjá teimum fáu hevur altíð havt lyndi til at verða send øllum hinum, sum ikki vóru við í gildinum. Eitt annað eyð- kenni er gjarna tað, at tey, sum skúmaðu róman, fram- vegis sita við rómastampin. Vanliga føroyingin í fokus Jóannes Eidesgaard stað- festi, at tað verður ein avbjóðing at møta fíggjar- keppuni, hóast uppgávan í dag er heilt øðrvísi enn hon var í kreppuni í nítiárunum. - Fyri smáum tjúgu árum síðani tóku vit upp eftir politiskt, vinnuligt og umsitingarlig dugnaloysi í áttatiárunum. Hann segði, at tað hevði ikki minst kostað arbeiðara- rørsluni dýrt. Men í dag verður politiska avbjóðingin eftir neo- liberlastiska gallaveitsluna at seta vanliga føroyingin í fokus. - Vit mugu seta fokus á okkara fólk. Vit mugu syrgja fyri, at so fá sum gjørligt gerast arbeiðsleys, og vit mugu syrgja fyri, at so fá sum gjørligt taka avgerð um at flyta úr Før- oyum. Vit mugu við tiltøk- um syrgja fyri, at grund- raksturin í samfelagnum til heilsuverk, útbúgvingar- verk og almannaverk verður so óskalaður, sum gjørligt. Formaðurin í Javnað- arflokkinum og landsstýris- maðurin í fíggjarmálum staðfesti, at hetta eiga vit at gera, hóast tað merkir, at vit í eina tíð koma at dragast við hall á almennu rokn- skapunum. Verja tey góðu virðini Hann heitti eisini á fólk um ikki at falla í fátt. - Vit hava eitt samfelag, sum er væl fyri og tað er ikki minst teimum sam- haldsføstu skipanunum, fyri at takka, sum politikarar hava uppbygt og styrkt saman við pørtunum á arbeiðsmarknaðinum. Her hugsaði hann serliga um ALS, sum nú kann bjóða munandi hægri útgjald, og sum í dag eigur á leið 700 milliónir á bók. - Men harumframt er landskassin væl fyri við rímiliga góðum gjaldføri og ongari skuld. Men ikki minst hava vit eitt land, sum eigur eitt gott og dugnaligt fólk, segði Jóannes Eides- gaard. - Sostatt er málið nú at verja tey góðu virðini í samfelagnum, segði for- maður Javnaðarfloksins. Og hann legði afturat: - Hesi góðu virði eru tit, fólkið. Verja tey góðu virðini Rættiliga nógv fólk var samankomið á Seglloftinum á Tvøroyri fríggjakvøldið, eisini fólk norðaneftir Jóannes Eidesgaard segði í fyrstu maidagsrøðu síni á Tvøroyri, at vit skulu ikki falla í fátt, tí føroyska samfelagið er væl brynjað at taka eina kreppu Faroe Petroleum fingið leitiloyvi í Barentshavinum Faroe Petroleum boðar frá, at felagið, í sambandi við 20. norska útbjóðingarumfar, hevur fingið tillutað sítt fyrsta leitiloyvi í norska partinum av Barentshavinum. Nýggja loyvið, sum fevnir um eitt økið uppá góðar 900 km2, er á blokkunum 7224/7, 8 og 11. Fleiri leitimið eru á loyvinum, sum eisini er nær við leitiloyvir, har kolvetni eru funnin. Faroe Petroleum eigur 20% av loyvinum, British Gas, ið er fyristøðufelag, eigur 40%, Statoil eigur 20% og Wintershall 20%. Sambært verkætlanini skulu feløgini skjóta 3D seismikk yvir loyvið, og um 3 ár skal støða takast til, um borast skal á loyvinum. Faroe Petroleum hevur í fleiri ár havt ætlanir um at fáa loyvir í Bartnshavinum, og felagið fegnast um, at tað nú er eydnast at fáa loyvi saman við leitifeløgum, ið bæði hava førleika og royndir at bora í Barentshavinum.