mánadagur 11. mai 2009síða 19

19 [ Nr. 88 - 11. mai 2009 ] Ballack heldur fram Enska blaðið The Times skrivar um vikuskiftið, at týski landsliðsspælarin Michael Ballack heldur fram í Chelsea. Sáttmálin millum Chelsea og Ballack gongur út í summar, men sambært Times hava partarnir longt samstarvið við einum ári. Ballack, sum er 32 ára gamal, vinnur umleið eina millión krónur um vikuna í Chelsea. Rangers á odda Rangers liggur nú til at vinna skotska meistaraheitið í fótbólti. Um vikuskiftið spældu Rangers og Celtic týðandi toppdyst, og Rangers vann dystin 1-0. Dysturin var intensur við nógvum nærdystum og seks gulum kortum, men tað kom bert eitt mál í dystinum. Tað skoraði Rangers í fyrra hálvleiki. Málskjútti var Steven Davis. Rangers liggur nú 1 stig frammanfyri Celtic, men tríggir dystir eru eftir at spæla. KI B68 Heimaliðið hevði bæði størri breidd og tyngd, tá ið KÍ varð sent av Svangaskarði við trivaligum 2-0 tapi Fótbóltur Jóannes Hansen joannes@sosialurin.fo Fyri toftamenn er skráin ikki serliga vinalig. Nú seks umfør eru farin, hevur B68 bara spælt tvær ferðir á heimavølli, og næstu ferð skulu teir aftur spæla á úti- vølli. Undanfarnu árini hevur tað serliga verið á útivølli, at B68 hevur roynst væl, meðan úrtøkan burturúr heimadystunum hevur verið lakari. Soleiðis hevur ikki verið higartil í ár. Men eftir trý útitap eydnaðist tað fyri viku síðani at fara úr Runa- vík við 2-2. Á heimavølli hevur úrtøkan verið so góð, sum tað ber til: Trý stig ímóti AB og hesa ferð trý stig ímóti KÍ. Í fleiri av undanfarnu umførunum hevur óroynda liðið úr Klaksvík kent seg ikki at hava marginalirnar við sær. Tá ið trúføstu áskoðararnir – teir eru framvegis lutfalsliga nógvir – seint seinnapartin í gjár fóru av Svangaskarði, var tað ikki við fatanini av, at marginalirnir høvdu verið í parti við mótstøðuliðnum. Serliga í 1. hálvleiki var munurin heilt stórur. Tað stemmaði illa hjá teimum bláu og hvítu. Tað er ikki undur í, at tapini bera við sær, at sjálvsálitið minkar. Og tað ber aftur við sær, at eftiransingarnar ikki eru so avgjørdar, at færri bjóða seg til, og at bólthaldarin harvið oftari verður kroystur at taka løttu loysnina, sum er at sparka í staðin fyri at spæla, og so er tað so skjótt, at mótstøðuliðið aftur er omaná. KÍ venjararnir hava valt at givið nógvum blaðungum og óroyndum monnum møguleikan. Onkrir av teim- um eldru fáa ikki spælt, tí teir eru skaddir, men millum teirra, sum alla tíðina hitaðu beinkin í góðveðrinum á Svangaskarði, vóru spæl- arar við royndum, og sum heilt víst kundu lyft hug- burðin. Eitt nú Oddmar á Lakjuni. Høvdu fleiri møguleikar Onkra ferðina tók Vlada Filipovic bóltin, men KÍ hevði ongan orduligan mál- møguleika. Felagi hansara í KÍ mál- inum hevði meiri at gera. Fleiri ferðir vísti Jákup Mikkelsen, at hann fram- vegis er ein fínur aftasti skansi, og fyri gestirnar var tað væl sloppið, at heimalið- ið bara var frammanfyri við einum máli, tá ið teir fóru at hvíla seg. Leiðslumálið skoraði Keita fimm minuttir fyri hálvleik. Hann tveitti seg fram og stýrdi við høvdinum bóltin í málið, eftir at ung- lingaspælarin Jóan Símun Edmundsson hevði sneitt framvið fleiri mótstøðu- monnum, áðrenn hann legði innfyri. Í 2. hálvleiki royndi KÍ at leggja meiri fyri í álops- partinum. Men tyngdin og broddurin vóru lítil, og í hinum endanum vóru fleiri vandastøður í góðum mótá- lopum. Tá ið ein tími var farin, skoraði B68 til 2-0, og so var spenningurin burtur. Ein av nýggju monnunum, Niklas Joensen, sum var vongverji í høgru, stýrdi við høvdinum bóltin í málið, eftir at hin vongverjin, liðformaðurin Øssur Hans- en, hegnisliga hevði lagt fríspark innfyri úr høgru. Løtu seinni varð mál- skjúttin vístur av vølli, tí dómarin metti, at hann hevði taklað ov harðliga. Harvið vóru klaksvíkingar fyri aðru ferð í eina viku síðstu minutt- irnar yvirmannaðir á útivølli, men heldur ikki hesa ferð eydnaðist tað teimum at spæla seg til møguleikar og at skjóta mál! Bill sær ljóst upp á tað Nú ræður um at skora fyrst B68-KÍ 2-0 (1-0): Tað var einki at rafla um Klaksvíkingar fóru enn einaferð vónbrotnir av vøllinum. Tapið á Svangaskarði ber við sær, at KÍ nú er mest sum púrasta avbyrgt í botninum á stigatalvuni savnsmynd Hann er uppvaksin í KÍ, men tá ið hann er á lønar- listanum hjá B68, so sigur tað seg sjálvt, at B68 venj- arin, Bill Jacobsen, var væl nøgdur, nú hansara fyri aðru ferð í ár fóru av heimavøllinum við fullari úrtøku: - Hesa ferð vóru vit greitt omaná. Míni hagtøl siga, at vit høvdu ellivu skot á málið hjá Jákupi, sum stóð stinnur, og teir høvdu tvey skot á okkara mál. At vit skoraðu so stutt undan steðginum bar við sær, at teir í 2. hálvleiki vóru noyddir at flyta seg longri fram, og tað passaði okkara heilt væl. Eftir at vit høvdu økt um leiðsluna, var spurningurin bara, hvussu stórur sigurin fór at verða. Og nú skulu tit spæla í Gøtu? - Tað verður heilt onnur uppgerð. Víkingur er trý stig frammanfyri okkum, so tað fer at hava nógv at siga fyri okkum at vinna. Okkum dámar væl at spæla í Sarpigerði, og vit hava sjálvsálit, nú vit fyri- reika okkum til ta upp- gávuna, sigur væl nøgdi Bill Jacobsen. -jh Tað er einki at siga til, at klaksvíkingarnir vóru eitt sindur fáligir, tá ið teir fyri fjórðu ferð á rað fóru av vøllinum við ongum. Men formaðurin, Tumm- as Lervig, vildi ikki bara síggja svart upp á tingini: - Hesa ferð kiksaði tað orduliga. Undanfarnu ferð- irnar hava vit kent tað soleiðis, at marginalirnir hava verið ímóti. Á Svangaskarði var B68 væl betri. Nú verður talan um botnuppgerð, tá ið 07 Vest- ur fer at vitja í Klaksvík? - Tað fara venjararnir, sum vit hava álit á, saman við spælarunum at fyri- reika seg til. Um tað eydn- ast okkum at skjóta fyrsta málið, so rokni eg við, at tað fer at ganga. Og um tað eydnast at vinna eina ferð, so vænta vit, at tað fer at gleppa. Spælararnir eru ungir, og tað hevði komið væl við, um margi- nalirnir høvdu verið við. Umhugsa tit at styrkja um liðið? - Vit hava valt henda leistin, og vit hava ikki aðr- ar ætlanir. Onkrir spælarar hava verið skaddir, sum vit vóna skjótt verða førir fyri at spæla aftur. Vit hava framvegis álit á, at tað ber til at venda gongd- ini, sum sjálvsagt ikki hev- ur verið góð, staðfestir KÍ formaðurin, Tummas Ler- vig. -jh