fríggjadagur 15. mai 2009síða 6

6 tíðindi Nr. 92 - 15. mai 2009 Sam­ felagið fer í hundar­ nar - Eg sigi ikki, at tað er óføroyskt at vera sam- kyndur, tí so leingi tað eru føroyingar, sum eru samkyndir, so man tað vera føroyskt. Eg meini bara, at tað er óføroyskt at hava eitt sekulariserað samfelag, tí Føroyar hava altíð bygt á bíbilsku virð- ini, og tað hevur gjørt samfelagið til tað, tað er, sigur Bill Justinussen, tingmaður. Tað, sum hann er so bangin fyri við 266b og líknandi lógum, er at vit koma í somu trupulleikar sum grannalondini hjá okkum, har tolsemi skap- ar trupulleikar, tí tey hava fingið so nógvar innflytarar í landið. Tað er tí tolsemi ikki skal vera ov stórt, sigur Bill Justinussen. Hann staðfestir eisini, at einasta orsøkin til at homoseksuel hava fingið lógir at verja seg við, sum eftir hansara tykki eru óneyðugar, er tann ógvus- liga lobbyisman, sum sam- kynd hava nýtt seinastu árini fyri at gera samkynd til ein serligan bólk. - Tað er so øgiliga stór- ur munur á at vera littur og at vera samkyndur. Tú kanst onki gera við, at tú ert littur, tað er nak- að, tú ert føddur til, sigur Bill Justinussen. Hann leggur afturat, at tað, sum hevur gjørt før- oyska samfelagið er so gott, er at kristnu grund- virðini eru so fest í sam- felagið í bæði fólkaskúla- lóg, hjá teimum ráðandi og so framvegis. - Sjálvandi skulu vit lóggeva við grund úr bíbliuni, tí tað er ikki ein gongd leið at skilja religi- ón og politikk, sigur Bill Justinussen. – Fundamentalistisku kreftirnar hava alt ov stórt vald í Føroyum, sigur Beinta Løwe Jacobsen, sum ikki vil finna seg í, at ávísir politikarar rópa tað óføroyskt at velja verja samkynd í lóggávu Verja Eirikur í Jákupsstovu eij@sosialurin.fo Beinta Løwe Jacobsen vil ikki finna seg í, at ávísir politikarar kalla tað at vera samkyndur at vera ófør- oyskt. Sambært henni sjálv- ari er hon journalistur, klaks- víkingur, føroyingur og skjótt eisini stjórnmála- frøðingur. – Tá mann tosar um, at ein ávísur bólkur av fólki er óføroyskur, so er tað bæði skelkandi og ræðandi, tí tað prógvar valdið hjá fundamentalistisku kreft- unum í landinum, sigur hon Nú revsilógin verður end- urnýggjað er brenni aftur komið á bálið um tey sam- kyndu í Føroyum. Bill Justinussen hevur nevnt tað vera óføroyskt at verja sam- kyndur, meðan Karsten Hansen metir, at tað væl ber til at reinsa 266b, sum hann sjálvur orðar seg. Hetta kann Beinta Løwe Jacobsen, sum millum annað er samkynd, ikki góðtaka. - Ein politikari tosaði á tingsins røðarapalli um at reinsa 266b. Meinar hann veruliga, at mann vil reinsa ein ávísan bólk úr samfel- agnum. Hetta er bæði skelk- andi og ræðandi, tí tað vísir bara, hvussu bíblian ofta verður nýtt til lógarsmíð, heldur enn demokratiið, og at summir bólkar eru óvæl- komnir til Føroyar, sigur Beinta Løwe Jacobsen. Hon leggur afturat, at hon ætlar sær at flyta heim í heyst, tí hon vil ikki verða diskriminerað úr sínum landi. Tað var Karsten Hansen, sum nevndi møguleikan at reinsa 266b fyri orðingina kynsliga orientering. Sambandsfólk føroyingar Somuleiðis staðfestir hon turrisliga, at Alfred Olsen burdi verið fegin, nú okkurt danskt, og sostatt óføroyskt sær út at koma til landið. - Løgfrøðiliga er ein før- oyingur bara ein danskur ríkisborgari, sum býr í Føroyum, og tí dugi eg ikki at síggja, hvussu Bill Justin- ussen, ella nakar annar skal gera av, hvat er føroyskt og ikki. Eg haldi til dømis sam- bandsfólk vera líka føroysk sum tjóðveldisfólk, men kanska skuldi Alfred Olsen bara fegnast, at okkurt danskt eisini kom henda- vegin, sigur hon. Kærleiki er óføroyskur Heldur ikki dugir hon at skilja, at samkynd ikki skulu vera føroyingar, tí hon hevur altíð hildið, at kærleiki hev- ur verið rættiliga føroyskur. Hon leggur afturat, at hóast tað kann sýnast lættari at stýra einum samfelagi, har øll eru eins, so er hetta ógjørligt, tí ongin er eins, og samkynd eru í Føroyum og fara at vera í Føroyum framyvir. Ímillum hesi, sum Beinta Løwe Jacobsen hevur undir illgruna fyri at halda, at kærleiki er óføroyskur er Karsten Hansen, tá hann á tingsins røðarapalli tosaði um at reinsa 266b fyri kynsliga orientering, tí hon heldur ikki, at tað er rætt, at taka ávísar bólkar úr 266b. - Tað er ræðandi, at ein tinglimur nýtir orðið reinsa í hesum førinum. Spurning- urin er so, um tey eisini ætla at reinsa Føroyar fyri samkynd? Tað er skakandi at uppliva, at ein samfelags- bólkur er so illa sæddur av føroyskum politikarum, at lógir skulu reinsast, so tær ikki verja henda samfelags- bólk, metir hon. Fundamentalisman ræður Somuleiðis er Beinta Løwe Jacobsen sannførd um, at tað, hon kallar, fundamenta- listisku kreftirnar í landin- um hava alt ov stórt vald. - Vit síggja fer eftir fer, at politikarar ikki halda seg til veruleikan, at øll eru ymisk, men heldur miða eftir bíbli- uni. Tað vísir seg eisini, at politikarar, sum vóru fyri 266b ikki vilja vera við at herða reglur um happing av somu bólkum, og at løg- tingið við aðru viðgerð sam- tykti at taka 266b, stykki 2 burtur, og eisini samtykkir at strika orðingina “seksuel orientering” úr tveimun øðrum greinum, vísur enn einaðferð, at tað eru religi- øsu fundamentalistisku kreftirnar, ið stýra løgtingin- um og harvið eisini Føroy- um, sigur hon. Og leggur afturat, at vón- andi fær hetta tingfólk at vakna og hugsa um, at tað eru menniskju tey hava við at gera, áðrenn føroyska samfelagið er “reinsa” fyri øll, ið ikki hóska inn í mynd- ina hjá ávísum politikarum, vónar hon. Í gjár varð við triðju við- gerð avgjørt, at 266b stykki 2, ikki skuldi við í dagføring- arnar av revsilógini, og hinar broytingarnar vóru heldur ikki við, hóast broytingar- uppskot kom fyri ting. Talibanar stýra í Føroyum Vil hava lógina upp á pláss Karsten Hansen er ikki í iva um, at tað er ein gongd leið at broyta 266b, so kynslig orienter- ing ikki longur er partur av lógini. - Tey samkyndu eru ikki øðrvísi enn nakar annar bólkur, sigur Karsten Han- sen, og leggur afturat, at tað er tað hann meinar við, tá hann sigur, at mann burdi reinsa 266b. Hann staðfestir somu- leiðis, at tað hann ongan- tíð vil ganga við til at lóggeva positivt fyri ting- um, sum er í stríð við trúnna hjá honum. - Eg havi onki ímóti samkyndum. Eg kenni fleiri skilafólk, sum eru samkynd, og sjálvandi skal tað vera pláss fyri øllum fólkum í Føroyum, men lógin skal vera gald- andi fyri øll, og ikki bara ávísar bólkar, sigur hann. Eisini greiðir hann frá, at hann ikki nýtir bíbliuna at lóggeva við, men at hon er meginreglan, hann roynir at liva við. Føroyingar háða ikki Alfred Olsen hevur á tingi nevnt, at hann ikki kann taka undir við 266b og tí heldur ikki 266b stykki tvey, og at orsøkin til tað er, at tað er óføroyskt at happa. - Eg verði ofta sagdur at gera føroyingar betri enn teir eru, men eg haldi ikki, at føroyinga plaga at háða og spotta hvønn annan, sigur Alfred Olsen, tingmaður. Tí heldur hann ikki nakra orsøk vera, at hava ein 266b við úrvaldum bólkum, tí hann heldur, at manna- rættindasáttmálin, sum er galdandi fyri Evropa er ein nógv betri loysn. Samráðingaruppskotið orðað Íslendska stjórnin hevur nú orðað uppskotið, sum hon fer at leggja fyri Altingið um at tingast við ES um limaskap í samveldinum.Uppskotið bleiv í dag almannakunngjørt á heimasíðuni hjá uttanríkisráðnum í Reykjavík. Frammanundan hevði stjórnin kunnað umboð fyri flokkarnar í Altinginum um innihaldið. Í uppskotinum stendur stutt, at Altingið samtykkir, at ríkisstjórnin søkir um limaskap í Evropasamveldinum, og at úrslitið verður lagt út til fólkaatkvøðu aftaná. Saman við uppskotinum er fylgiskjal, har tað millum annað verður staðfest, at íslendska fólkiið fær ta endaligu avgerðina at vraka ella at samtykkja sáttmála um limaskap í ES, tá hann er tøkur. Uppskot um umsókn og uppskot fólkaatkvøðu verða løgd fyri Altingið samstundis í vársetuni, stendur at enda í fylgiskjalinum. Aleqa bjóðar ikki av Fyri nøkrum døgum síðani segði grønlendska landstingskvinn- an Aleqa Hammond, at hon helt seg hava betri hegni til at leiða landsstýrið enn verandi landsstýrisformaðurin, Hans Enoksen. Tey bæði eru floksfelagar í flokkinum Siumut og dystaðust so seint sum í fjør um formanssessin í flokkinum. Tað vakti stóran ans, at Aleqa Hammaond aftur er til reiðar at bjóða Hans Enoksen av, men í gjár segði hon, at tað er eingin ósemja og heldur einki stríð um valdið í Siumut. Í einum tíðindaskrivi segði Aleqa Hammond, at hevði bara sagt, hvørji evni ein landsstýrisformaðu eigur at hava eftir hennara tykki. Tað var als ikki ein avbjóðing, segði hon. Beinta Løve Jacobsen, sum býr í Danmark saman við unnustu síni, kemur til Føroyar í heyst, og vil ikki vera kallað óføroysk