týsdagur 26. mai 2009síða 15

Nr. 98 - 26. mai 2009 15 nøvn Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Fríggjadagin 22. mai fylti Eilif Samuelsen í Havn 75 ár. Eilif var føddur í Fugla­ firði, men hevur meginpart­ in av lívinum búð í Havn. Foreldrini vóru Rakul Malena Midjord og Stein­ grím Samuelsen, sum bæði vóru úr Fuglafirði. Borgarliga arbeiðið hjá Eilifi hevur verið lærari, men úti um landið man hann vera mest kendur sum politikkari. Hann tók læraraprógv í Haslev í 1958 og var so í Fuglafirði, í Hval­ vík, Tórshavnar Kommunu­ skúla og á Venjingarskúl­ anum. Eisini hevði hann tímar á Læraraskúlanum. Eilif var á árskeiði á Danmarks Lærerhøjskole 1968­69 í donskum máli og bókmentum. Hann var formaður í Lærarafelagnum í 12 ár frá 1968, blaðstjóri á Skúlablaðnum 1947­81, limur í Landsskúlaráðnum 1992­94 og í Mentanar­ grunninum 1986­94. Hann hevur havt stóran áhuga fyri sangi og tónleiki og var dirigentur fyri Kristiliga Sangkórinum. Eisini var hann formaður í Tórshavnar Musikkskúla 1988­94. Eilif var tingmaður fyri Sambandsflokkin í Suður­ streymoy 1978­90. Hann hevur eisini verið landsstýr­ ismaður tvær ferðir: 1981­ 85 og 1994­98. Bæði skeið­ ini umsat hann skúlamál, og í seinna førinum var hann mest í andglettinum sum landsstýrismaður í kommunumálum. Sum pensionistur er Eilif sera virkin. Hann hevur sítt egna forlag, Forlagið Heml­ ið, sum gevur út klassikarar­ ar í heimsbókmentunum á føroyskum. Í 2004 gav hann út “Játtanir Augustinusar”, sum er ein av teimum mest týðandi og mest nýskapandi verkunum í latínskum bók­ mentum. Í 2005 gav hann út bókina “Fedrar og synir” eftir Ivan Sergejevitj Turg­ enjev, og 2008 gav hann út bøkurnar “Barrabas” og “Bøðilin” eftir Pär Lager­ kvist. Eilif er giftur við Katrini Hansen úr Saksun. Tey eiga børnini Sigrun og Jákup. red Eilif Samuelsen 75 ár Mikudagin 27. mai fyllir Inger Jensen í Havn 60 ár. Inger er úr Havn, dóttir Anne Elise og Meinhardt Arge. Hon er gift við Jens Petur Jensen, sum er ætt­ aður úr Fuglafirði. Inger arbeiddi sum sjúkra­ hjálpari í Danmark og á Landssjúkrahúsinum, áðr­ enn hon í 1980 byrjaði sum sjálvstøðug og leigaði seg inn í SMS, ið júst tá varð útbygt við øðrum byggistigi. Hon hevði fyrsta handilin har við barnaklæðum, Pinkan, og eitt ár seinni læt hon upp ein handil afturat sum fekk navnið Fípan, sum var ein handil við barnaútgerð og klæðum til pinkubørn. Hetta vóru nøk­ ur sera spennandi ár hjá henni, sum hon treivst væl við. Men tá hon í 1985 fekk ein son, ein eftirnølara, valdu hon og maðurin, Jens Petur, at selja handlarnar í SMS. Hon var so heimagangandi til 1997, samstundis sum hon eisini tók HF­prógv. Í 1997 keyptu Inger og Jens Petur ognirnar hjá Jóan Jakku í Vágsbotni, og hevði Inger handil har til 2002, tá hon gavst vegna vánalig heilsu. Stóri frítíðaráhugin hjá Inger er havin, har hon brúk­ ar nógv av síni tíð. Hon bindur eisini fyri Guðrun & Guðrun, og um summarið hevur hon Ból & Bita, har hon kemur í samband við nógv ymisk fremmanda­ fólk. Børnini eru fýra: Heðin, Anna Katrina, Malan og Meinhard. Barnabørnini er seks í tali. Dagin heldur Inger heima í Skotarók leygardagin 30. mai frá kl. 11 til 15. -red Inger Jensen 60 ár Inger og ommusonurin, Jákup Andlát og jarðarferðir Hanna Lisberg, Tórs­ havn, andaðist á Lands­ sjúkrahúsinum fríggja­ dagin, 82 ára gomul. Jarðarferðin verður úr Dómskirkjuni týsdagin kl. 13. Kistan við Erland Sten­ berg fer úr kapellinum á Suðuroyar Sjúkrahúsi týsdagin kl. 17. Jarðar­ ferðin verður úr Sum­ biar kirkju mikudagin kl. 14. Tey, ið vilja minnast Erland, kunnu lata Missiónshúsinum í Sumba eina peninga­ gávu, konta í peninga­ stovnunum. Andlát og jarðarferðir Mánadagin 25. mai fingu tríggir bygningssnikkarar prógv á Tekniska Skúlanum í Tórshavn. Teir eru f.v.: Eyðfríð Kristiansen, Sandavágur, John Dávur S. Djurhuus, Tórshavn, og Sveinur Gaard Olsen, Tórshavn. Mynd: Jens Kristian Vang Bygningssnikkarar fingið prógv Dagurin 26. mai. Beda prestur. Enskur munkur sum doyði í árinum 735. Eftirtíðin gav honum navnið Venerabilis, hin tignarligi. Hesin enski munkurin gjørdist ein hin mest metti kirkjulærarin í miðøld við átrúnarligu, søguligu og málsligu bókum sínum. Líka í Føroyum hava teir tikið til Beda og lærdóm hansara. (Axel Tórgarð: Dagar og nøvn í álmanakkanum, 2. broytta útgáva 2008)