týsdagur 26. mai 2009síða 19

Nr. 98 - 26. mai 2009 19 tíðindi Síðsta hálva tíman høvdu tríggir lykla­ spælarar, sum til tá høvdu sitið á beink­ inum, avgerandi leiklut hjá Víkingi, ið kneykraði B36, sum í ein tíma hevði hildið tørn um tepra leiðslu FÓTBÓLTUR Jóannes Hansen joannes@sosialurin.fo Bonkurin hevur stóran týdn­ ing. Tað er so ofta sagt og endurtikið í fótbólti. Í gjár­ kvøldið varð tað staðiliga staðfest í Sarpugerði, hvussu stóran týdning út­ skiftararnir hava. B36 setti tríggjar ikki serliga royndar spælarar á vøllin, tí royndir menn fóru av vøllinum, orsakað av skaðum. Víkingur setti tríggjar hvíldar menn á vøll­ in, og felags fyri allar tríggj­ ar var, at teir higartil í ár hava verið millum lykla­ spælararnar. Ikki eitt ilt orð um teir, sum fóru út á beinkin at sita. Men tá Sølvi Vatn­ hamar, Hans Jørgen Djur­ huus og Andreas Lava Olsen komu púra úthvíldir á vøllin og settu trýst á B36­spælararnar, sum høvdu arbeitt nógv og hart, so sigur tað seg sjálvt, at tað sást aftur. Víkingur næstovast Víkingur hevði leingi ligið undir, og sum seinni hálv­ leikur leið, gjørdust álopini støðugt eirindaleysari. Súni Olsen var fínur á miðvøll­ inum, Finnur Justinussen lúrdi alla tíðina eftir møgu­ leikanum, og í síðunum bjóðaðu bæði Sverri Jacob­ sen og Hanus Jacobsen seg til í álopsmyndingini. Tað bar fyri heimaliðið við sær yvirtalsstøður, og tá eitt korter restaði, kom útjavnandi málið, sum leingi hevði hingið í luftini. Sverri Jacobsen tók kjansin og smekkaði til, og bólturin sat í netinum. Á kropsburðinum sást, at hetta bara var inngangurin. Andreas Lava Olsen breyt ferð eftir ferð ígjøgnum í høgru, og innleggini vóru so mikið vandamikil, at tað bara var ein spurningur um, nær leiðslumálið fór at koma. Finnur Justinussen skor­ aði tað, eftir at Tróndur Vatnhamar, sum hevði verið góður aftasti skansi hjá B36, var óheppin, og í yvir­ tíðini var tað aftur Justin­ ussen­maðurin, sum var fyrstur á, eftir at B36­mál­ verjin ikki hevði megnað at hildið bóltinum. Sigurin ber við sær, at Víkingur nú er næstovast, og um hugburður og avrik framvegis fara at verða, sum tey vóru hesa ferð, so kann tað gerast heilt spenn­ andi. Hildu leingi tørn Tað var leingi gott lag mill­ um trúføstu B36­viðhalds­ fólkini, sum høvdu leitað sær norður til Gøtu í gjár­ kvøldið, hóast tey á vegnum høvdu møtt hvítum æling­ um. Magnus Olsen hevur verið nógv inn og út av lið­ num. Hesa ferð hevði hann fingið møguleikan sum sentralur miðvallari, og í 11. minutti takkaði hann fyri álitið. Eftir fínt uppspæl smekkaði hann til, og umvegis eitt mótstøðubein fór bólturin í heimamálið. Hetta styrkti um fyritreyt­ irnar hjá illa skaðaplágaða B36, sum sammett við síðsta hósdag hevði gjørt fleiri broytingar. Hugburð­ urin var góður, og tá ið heimaliðið ikki í fyrra hálv­ leiki megnaði at umseta møguleikar til mál, kendist tað, sum um at sensatiónin lúrdi. Fyrstu løtuna eftir steðgin eydnaðist at halda tætt, hóast miðvøllurin var kroystur langt aftur, men so var tað, at tað kom til sjóndar, hvussu stórur munurin var í arsenalinum á bonkunum báðum. Hóast tað ikki hevur hiln­ ast nakað serligt nógvu tær síðstu ferðirnar, so kann tað væl fara at vísa seg, at hug­ burður og arbeiðssemi, sum B36 vísti fyrsta tíman í Gøtu, aftur kunnu fara at bera úrtøku við sær. Serliga tá skaddu spælararnir eru komnir fyri seg, og bonkurin harvið verður trivaligari! B36 Víkingur SAMBAND jákup Mørk jAkup@SoSiAluriN.fo tlf. 341800 ítróttur Tyngdin á bonkinum avgerandi B36 og seinni hálvleikur eru ikki ein góð greipa. Tríggjar teir síðstu dystir­ nar hevur B36 tapt. Í teim­ um eru átta mál farin ígjøgnum, og tey eru øll skorað í seinna hálvleiki. Tað eigur at geva teimum í árstalsfelagnum nakað at hugsa um. Í B36 harmaðust tey sjálvandi um, at tað ikki hevði eydnast at vunnið ið hvussu er eitt stig í upp­ gerð, tá bæði Jákup á Borg og Brima Koroma noydd­ ust at fara av vøllinum. Men teir ásannaðu, at tað síðstu løtuna ikki hevði borið til at hildið tørn: – Vit arbeiða leingi heilt væl, men tá Andreas Lava Olsen ómóður brúkar ferð og styrki ímóti okkum, verður tað ógvuliga tru­ pult. Men vit mugu reisa okkum aftur, og fyrsti møguleikin til tað verður annan hvítusunnudag, tá vit skulu út á Argir, var viðmerkingin úr B36. jh Ikki so illa nøgdir Venjarin hjá Víkingi, Jógv­ an Martin Olsen, var væl nøgdur og lættur eftir síðsta bríksl: – Dystarskráin er so tøtt, at eg helt tað vera neyðugt at geva nøkrum av lyklaspælarunum eitt sindur av hvíld, áðrenn vit hóskvøldið skulu spæla hálvfinalu í steypakapp­ ingini. Eg var greiður yvir, at hetta kundi kosta, men tíbetur spældi tað væl av, segði Víkingavenjarin, sum var væl nøgdur við alt liðið: – Teir, sum vórðu skiftir út, høvdu spælt væl. Eg var væl nøgdur við avrikið í fyrra hálvleiki, men tað var eyðsæð, at dygdirnar hjá eitt nú Andreas Lava Olsen vóru serliga hentar, tá B36 hevði stríðst væl og leingi. So nú verða teir, sum tú ætlaði skuldu vera úthvíld­ ir hóskvøldið, ikki so hvíldir kortini? – Tað vil eg ikki siga. Tað er stórur munur á at spæla í 90 minuttir og so at spæla í ein hálvan tíma. Tað eigur at síggjast aftur hóskvøldið. jh Spældi høgt spæl Finnur Justinussen gjørdi enn eina ferð vart við seg sum hollur málskjútti, tá hann bæði legði Víking á odda 2-1 og staðfesti sigurin við málinum til 3-1 Mynd: Álvur Haraldsen