fríggjadagur 29. mai 2009síða 13

Nr. 101 - 29. mai 2009 13 TÓNLEIKUR Tíðindaskriv Tað var á stóru norður­ lendsku NMPU (Nordisk Musikpædagogisk Union) kongressini 1977 í Örebro í Svøríki, at tað seinni so gitna finska orkestrið Helsinki Ungdomsstråkare á fyrsta sinni gjørdi vart við seg uttanlands. Á hesari stevnu vóru úrvald orkestur og tónleikabólkar úr flestu Norðurlondum at hoyra, men hetta nýggja orkestrið úr Finlandi bar av øllum. Í 1984 var Kodaly­semin­ ar í Haslev í Danmark. Zoltan Kodaly var í sínari tíð saman við Béla Bartok fremstur millum tónaskøld í Ungarn. Umframt sítt aðalvirksemi sum skapandi listarmaður bygdi hann upp eina tónleikafrálæru­ skipan, sum gjørdist heims­ kend. Stovnarnir av áður­ nevnda orkestri brøðurnir Géza og Csaba Szilvay, sum hava sítt tónleikastøði úr heimlandinum Ungarn, vóru við á hesum nám­ skeiði, og høvdu orkestrið við sær. Hesaferð vóru vit fleiri føriskir musikkskúla­ leiðarar, sum m.a. upplivdu hetta orkesturspæl, ið tók øll lurtandi rættiliga av fótum. Við eitt høvi komu vit at hitta teir á máli, og tað førdi við sær eina minniliga orkesturvitjan í Føroyum árið eftir. Í Norðurlanda­ húsinum hoyrdu vit tá ein strúkaraljóm, ið, hóast spælarnir vóru ungdómar í 12­17 ára aldri, neyvan hevur verið at hoyra full­ bornari síðan. Og ikki bert tað, men vit undraðust stórliga, tá leiðarin Géza Szilvay greiðandi frá sínum arbeiðslag fekk slíkt tón­ leikaligt endurljóð frá til­ vildarliga valdum børnum í salinum, sum tú ikki hevði hildið at vera møguligt. Jú, bæði her i Havn og aðrastaðni, har tey vitjaðu, vóru fólk hugtikin. Men hugtiknir vóru gestirnir eisini – av landi, fólki og teim tónlistarligu menn­ ingarmøguleikum, tey hildu seg varnast her. “This can be the best in the world”, hevði Szilvay fyri munni – ivaleyst eisini havandi í huga, at landa­ økið er so avmarkað og tí lætt at heildarávirka. Hetta hevur hann meira enn einaferð borið fram síðan, og frá framkomnum tón­ listarfólkum, ið sum ungdómar tá vóru við á ferðini, hevur tað verið endurtikið, at av øllum orkestursins vitjanum víða um heim stendur Føroya­ ferðin í 1985 í einum heilt serligum minnisljósi. Og nú koma tey aftur. Tað samband, sum tá varð knýtt til henda finska tón­ listarheim, hevur ført við sær, at tað eftir summarfrí verður farið undir eina skúlaroynd í Havn eftir ungarsk­finska mynstrin­ um. Tað hevur gjørt sítt til, at flaggskipið innan finska strúkarauppalingina The Helsinki Strings kemur higar á vitjan mánadagin 15. juni. Konsertætlanin er henda Týsdagin 16. juni Kl. 10 Skúlakonsert í Norðurlandahúsinum Kl. 19.30 Almenn konsert í Norðurlandahúsinum Mikudagin 17. juni Kl. 20 Konsert í Fuglafjarðar Kirkju Hósdagin 18. juni Kl. 11 Skúlakonsert í Christianskirkjuni Kl. 20 Almenn konsert í Christianskirkjuni The Helsinki Strings vitja aftur TÓNLEIKUR Tíðindaskriv Tvey stásilig høli verða karmar um konsertinar hjá Tarira 29. og 30. mai. Fríggjadagin 29. mai 19:00 verður konsert í Müllers Pakkhúsi. Og leygardagin 30. mai 17:00 verður konsert í Mentanardepli­ num í Runavík. Tarira gleðir seg til at royna nýggju hølini í Runa­ vík. Tað er altíð spennandi at royna nýggj høli, og nógv gott hevur verið at hoyra um hesa nýggju mentanarperluna í Eystur­ oynni. Tarira hevur í hvussu er í hyggja at fáa tað besta burturúr ljóðegin­ leikunum, ið hølini bjóða. Vónandi eru nógvir eystur­ oyingar, ið koma við á hesa tónlistarligu rannsóknar­ ferð saman við Tariru. Müllers Pakkhús og Tarira eru hinvegin at meta sum góðir, gamlir vinir, ið altíð hava tað hugnaligt saman. Hetta er av góðum grundum, tí tað eru helst fá høli, ið eru so væl egnað til tað slagið av kenslubornum tónleiki, ið Tarira hevur lagt seg eftir seinastu árini. Tað var eisini upplagt, at kon­ sertin í sambandi við útgáv­ una av fløguni Døgg varð hildin her í fjør summar. Fløgan Døgg fæst sjálv­ andi eisini til sølu á báðum konsertum. Verk úr níggju ymiskum londum Sangskráin ferðast hesaferð ikki so langt aftur í tíð sum Tarira annars er kent fyri. Eingin endurreisingartón­ leikur á hesum sinni. Elsti satsturin hesaferð er av mæta russiska tónaskaldi­ num Igor Stravinsky (1882­ 1971), so harvið má sigast, at talan er um ein rættiliga modernaða konsert. Men tað konsertirnar ikki bjóða av søgu, bjóða tær í staðin av geografi. Leitað verður um allan heim eftir íblástri. Við støði í Føroyum verður vitjað í okkara granna­ londum, Íslandi, Svøríki, Finnlandi og Danmørk. Farið verður víðari eystur­ eftir til Eysturríkis og Russlands og heilt yvir til víðagitna japanska tóna­ skaldið Toru Takemitsu (1930­1996) og tvørtur um Kyrrahavið til Los Angel­ es, har vit syngja ein yndisligan sats av unga stjørnuskotinum Eric Whitacre (føddur 1970). Alt hetta fyri einans 75 krónur. Og ikki er neyðugt at fara longur enn til Runavíkar ella til Havnar fyri at fáa ein smakk av Heimstónunum hjá Tarira. Tarira framførir Heimstónar í stásiligum hølum ...allar tær kulu felgurnar Nýtt felgukatalog við øllum teimum flottu felgunum frá Dekkmaster kann nú takast niður á www.dekkmaster.fo