týsdagur 2. juni 2009síða 26

26 [ Nr. 101 - 2. juni 2009 ] Hóast teir vóru illa kroystir, so eydn­að­ist tað­ í evstu løtu meist­ arun­um at vin­n­a fulla úrtøku, eftir at teir høvdu fin­gið­ mál burtur úr trimum deyð­bóltsstøð­um Fótbóltur Jákup Mørk jakup@sosialurin.fo Um tvær vikur fer EB/ Streymur at fáa vitjan av HB. HB er oddalið, og EB/ Streymur er meistaralið. Meistararnir hava havt ilt við at fáa spælið at handa soleiðis saman, sum tað gjørdi í fjør, tá ið einki hefti fyri teimum, og teir bæði vunnu steypakapping og meistaraskap. Hjá HB hevur tað higartil í ár gingið sum eftir ánni. Í gjár stevndi HB ímóti sigri á Toftum, men tað endaði við javnleiki. EB/Streymur var tríggjar ferðir aftanfyri í Sørvági, men tað endaði við, at meistararnir struku avstað við øllum stigunum. Um tað hevði havt gingið, sum tað leingi sá út til, at tað skuldi gera, so hevði tað mest sum verið vónleyst hjá EBStreymi at komið sær upp í aftur meistara­ spælið. Úrslitini í gjár bóru við sær, at EB/Streymur fær enn ein møguleika. Um tað eydnast at vinna, tá ið HB fer at vitja við Margáir, so verður teinurin upp til toppin so mikið lítil, at teir í EB/Streymi fara at hava orsøk til at trúgva uppá, at tað skal bera til. Avrikið í Sørvági boðaði ikki frá meistaramøguleika. Tað eru nógvir góðir fót­ bóltsspælarar í Sundalagn­ um, men tað sást ikki í Sørvági. At tað kortini eydnaðist at vinna øll stigini komst fyri ein part av fullari nyttu burturúr trimum deyðbóltsstøðum, tá ið tað sá svart út: Santos javnaði til 3­3, tá ið hann úr høgru sendi horna beinleiðis í málið, Arnbjørn Hansen var ein metur frá málstrikuni, tá ið hann setti krúllin undir hornasparksinnlegg úr vinstru, og so var 4­3 til meistararnar. Og so staðfesti Hans Pauli Samuelsen sigurin, tá ið hann sendi fríspark upp í málhornið. Betri uppiborið Meistararnir fegnaðust, og tað var væl skiljandi. Avrikið hevði ikki verið so sannførandi. Í staðin fyri meistaraspæl høvdu teir verið kroystir og strongdir, men tað boðar sjálvandi eisini frá potentiali og dygdum, tá ið tað kortini eydnast at vinna. Heimamenninir hingu við nevinum. Tað var lætt at skilja. 07 Vestur er upp­ flytari, og liðið er á niður­ flytingarplássi. Men avrik­ ini hava ikki bent á niður­ flyting, og heldur ikki í gjár var talan um máttloysi og uppgávulyndi. Heldur var tað tvørtur ímóti. Við Tór­Ingari Aksel­ sen og Jens Erik Rasmussen á odda var 07 Vestur leingi omaná. Heimaliðið skoraði trý mál. Teir vóru tríggjar ferðir á odda, og teir høvdu møguleikar at økja um leiðslurnar, men teir kendu ikki sínar vitjunartíðir, og so endaði tað soleiðis, sum tað gørdi. Eftir eitt korter setti Jens Erik Rasmussen hol á. Frísparksroyndin tók í manngarðin og snýtti full­ komuliga Gunnar á Steig í EB/Streyma málinum. Lítla løtu seinni varð Jens Erik púra leysur eftir langa framlegging frá málverjan­ um, Trygva Askham, men veteranurin fekk ikki tam­ arhald á bóltinum, og so var tann møguleikin burtur. Tíggju minuttir undan steðginum varð javnt: Heimaverjan tøvdi, mál­ verjin royndi at leypa út, og Sorin Anghel stýrdi við høvdinum bóltin upp um málverjan. Tveir minuttir seinni var heimaliðið aftur á odda. EB/Streyma málverjin var óheppin, tá ið hann sendi bóltin út til Tór­Ingar Akselsen, sum takkaði fyri, spældi Jens Erik leysan, og veteranurin var tryggur. Seks minuttir eftir steðgin javnaði Levi Hanssen. Hans Pauli Samuelsen legði innfyri úr vinstru, bólturin hoppaði einar tvær ferðir í brotsteiginum, og so var miðvallarin fyrstur á. Tjúgu minuttir fyri leik­ lok legði Tór­Ingar Akselsen 07 Vestur framum aftur. Teir gjørdu skjótt av eftir fríspark, og Jens Erik Ras­ mussen spældi Tór­Ingar leysan. Tá tóktist tað sum um, at heimaliðið skuldi vinna. Men Sigfríður Clement­ sen spenti álopsbogan. Pætur Dam Jakobsen og Levi Niclasen vórðu skiftir inn síðstu løtuna, og tað eydnaðist! Meistararnir stórfegnað­ ust yvir úrslitið, og upp­ flytararnir harmaðust. Tað var einki at siga til! Tem yvirlivdi í 2. deild Søllerød/Vedbæk var í vanda fyri at flyta niður úr 2. deild eystur í Danmark, men felagið, har Tem Hansen spælir, bjargaði sær lívinum í deildini við einum góðum sigri á Stenløse í gjár. Nógv mál komu í dystinum, men tá ið dóm­ arin bríkslaði fyri seinastu ferð, var støðan 4­3 til Søllerød/ Vedbæk. Avgerandi málini í dystinum gjørdi Thomas Myssing, sum áður hevur spælt fyri Fremad Amager. Popczynski misti sigurin Aarhus Fremad spældi um vikuskiftið ímóti Hobro í donsku 2. deild vestur. Liðið hjá Krzysztof Popczynksi spældi á heimavølli og stóð til at vinna dystin. Tá ið 10 minuttir vóru eftir at spæla, var Aarhus Fremad á odda 3­1, men seinastu løtuna skrædnaði hjá teimum og Hobro fekk tvey mál. Seinna málið var við brotssparki í síðsta minutti. EB/Streymur 07 Vestur 07 Vestur-EB/Streymur 3-5 (2-1): Uppflytararnir mistu á stokkinum Tór-Ingar Akselsen og 07 Vestur høvdu meistararnar í sekkinum í 89 minuttir, men seinastu løtuna reistust Levi Hanssen og liðfelagarnir, tá tríggir deyðbóltar góvu trý mál Mynd: Sofus D. Johannesen Bjørk setti nýtt met Í sterkari kappin­g í Lyn­gby um viku­ skiftið­ eydn­að­ist tað­ Bjørk Herup Olsen­ at kvetta 12/100 av metin­­ um hjá sær á 1.500 metra tein­in­um Frælsur ítróttur Jákup Mørk jakup@sosialurin.fo Bjørk tók um vikuskiftið lut í Lyngby Games, sum er ein av sterkaru kapp­ ingunum í Danmark. Leygardagin var 1.500 meturin á skránni, og her kvetti Bjørk 12/100 sekund av før­ oyska metinum á teinin­ um. Tíðin leygardagin var 4.44,71. Gamla metið átti Bjørk sjálv. Men hóast metið, so eydnaðist tað ikki at vinna gull kortini, tá tvær aðrar kvinnur vóru enn skjótari enn før­ oyska essið á teininum. Í so máta gekk betur sunnudagin, tá hon kappaðist á 3.000 metr­ um. Her eydnaðist tað nevnliga at vinna silvur við tíðini 10 minuttir og 20 sekund. Hetta eru tó fimm sekund seinni enn metið, sum Bjørk setti í Tårnby fyri fýra vikum síðani. Á oyggjaleikum er Bjørk millum føroysku heiðursmerkjavónirnar, og tekur hon tá lut í kappingini á 5.000 og 10.000 metrum. Eitt føroyskt met, eitt bronsumerki og eitt silvu- merki. Tað var úrtøkan hjá Bjørk Herup Olsen, tá hon um vikuskiftið tók lut í Lyngby Games