mánadagur 8. juni 2009síða 26

26 [ Nr. 106 - 8. juni 2009 ] Tað er alneyðugt, at róðrarfeløgini taka áheitanina hjá Róðrarsam­ band­inum um at venja startin við barnamanningunum í alstórum álvara Kappróður Jóannes Hansen joannes@sosialurin.fo Fyrsti FM kappróðurin í ár er av. Luttøkan var góð. Í summum førum var kappingin tøtt, og harvið kendist tað soleiðis, at tað kanska fer at verða spenn­ andi og tætt í FM kapping­ ini. Í øðrum øðrum førum varð róðurin soleiðis, at tað longu nú bara tykist vera avgreiðsluspurningur, hvør fer at vinna FM. At áhugin fyri at taka lut í barnaróðrinum vísir seg at vera so stórur, sum hann var tað á Norðoya­ stevnu, er sjálvsagt ógvu­ liga positivt. Seinnu árini hevur aftur og aftur verið tikið til, at kappróðurin hevur verið í aldudali. Kanska er hann tað fram­ vegis, men áhugin millum tey yngstu kundi bent á, at tað er ljós fyri stavn! Klaksvíkar Róðrarfelag hevur verið í aldudali. Lut­ tøkan í ársins fyrsta FM róðri vísti, at klaksvíkingar eru um at koma fyri seg aftur. Umframt umborð á bátunum so høvdu tey har norðuri spent seg út við at syrgja fyri góðum karmum kring róðurin. Seinnu árini hava feløg­ ini gingið nógv uppí, at fyrsta skotið í FM kapp­ ingini skal hava verið latið av klokkan trý – ella kanska nøkur sekund áðr­ enn klokkan trý! Á Norðoyastevnu eydn­ aðist tað ikki at skjóta fyrsta FM startskotið fyrr­ enn klokkan var farin væl av trý. Orsøkin var ikki tann, at fyrireikararnir dumpaðu. Heldur vóru tað trupul­ leikarnir við at fáa barna­ róðrarnar avgreiddar, sum vóru orsøkin. Róðrarsam­ bandið hevur ábyrgdina av sjálvum róðrinum, og boðini frá startdómarunum til feløgini eru greið: ­ Tað er alneyðugt, at tað verður lagdur størri dentur á at venja startin, segði Heðin Hansen, sum var annar av startdómarun­ um. Á Norðoyastevnu hevur tað altíð verið eitt sindur torførari at leggja bátarnar, enn tað hevur verið, tá ið tað hevur verið ligið longri út á róðrarárið. Sjálvandi fer tað eisini at verða soleiðis í ár. Men tá ið umboðini hjá RSF heita á feløgini um at venja startin og tað, sum byggir upp til startin, so eiga feløgini at taka áheit­ anina í størsta álvara. Tá ið klokkan fer væl av trý, áðrenn fyrsta skotið í FM kappingini ljóðar, so kennist tað ikki so huga­ ligt. Tey, sum fylgja við í kappróðri, vita, at tað er neyðugt at brynja seg við toli, men tað skal valdast. Veður og vindur mugu sær sjálvum ráða. Alt tað, sum tað stendur í menn­ iskjahondum at syrgja fyri, eigur at verða avgreitt so væl, sum tað á nakran hátt ber til. Stóra luttøkan í barnaróðrinum boðar frá hugaligari gongd. At trup­ ulleikar við at fáa barna­ róðrarnar avgreiddar skal verða orsøk til, at samlaða róðrartíðin verður órímu­ liga long, kann fara at vísa seg at verða tvíeggjað svørð. Tí eru hyggjuráðini hjá teimum, sum við at venja børnini vísa stóran áhuga, at tey læra tey at leggja til startboyurnar og harvið verða við til at laga tað soleiðis, at tað fer at ganga uppaftur lagaligari fyri seg, enn tað gjørdi á Norð­ oyastevnu. Stóri áhugin er tvíeggjað svørð Argjabáturin er kom­ in út skugganum, og einki bend­ir á, at teir umborð á Argjum skulu fáa serliga kapp­ ing um FM heitið Kappróður Jóannes Hansen joannes@sosialurin.fo Átta ferðir hevur 8­manna­ farið borið FM heitið út um ánna. Men síðani 2004 hev­ ur luturin hjá Argjabátinum verið í skugganum av øðr­ um úrmælingum. Trúfastir hava argjamenn luttikið, men Heiðabáturin, Knørrur og Nevið Reyða hava verið meistarar. Tað eru framvegis seks FM kappingar og harvið 42 stig eftir at rógva um, áðr­ enn FM steypini fara at verða handað ólavsøkuaftan. Men kortini skal tað meiri enn vanligt hugflog til at ímynda sær, at tað skal bera til at finna annan meistara enn Argjabátin. Um gongdin og úrslitið á Norðoyastevnu skal nýtast sum barometur, so skal tað vera heilt undarligt, um FM heitið ikki fer at verða vunn­ ið uppaftur meiri sannfør­ andi, enn tað var fyri fimm árum síðani. Ta ferðina vann Argjabát­ urin seks tær fyrstu kapp­ ingarnar, men á Ólavsøku vann Kvívíkingur. Á Norðoyastevnu luttóku tríggir bátar. Talan var um høvuðsstaðaruppgerð: Argja Róðrarfelag, Havnar Róðrarfelag og Róðrar­ felagið Knørrur. Talan var ikki um kapp­ rógving soleiðis at skilja, at bátarnir kappaðust ímóti hvørjum øðrum. Heldur var tað soleiðis, at Argjabáturin kappaðist ímóti sær sjálvum. Argjabáturin kann gerast besti báturin av øllum í ár. At vinna tann heiðurin er avbjóðing í sær sjálvum. Undir øllum umstøðum ber illa til at ímynda sær, at Argjabáturin skal fáa aðra kapping enn hana, sum teir umborð sjálvir hava hugflog at leita upp. Argir best í høvuðsstaðnum Spenningurin var eingin í áttamannafarsróðrinum, har Argjabáturin frá byrjan til enda var í soloútbroti Mynd: Jens Kristian Vang Tvørabáturin er aftur í ár millum teir bestu, men tað verður tungt tak hjá suðringum at vinna seg fram til fyrsta sigurin sigurin síðani á Sund­alags­ stevnu fyri tveimum árum síðani Kappróður Jóannes Hansen joannes@sosialurin.fo Tað var á Eystanstevnu í fjør, at miðvingar umborð á Riddaranum undirstrikaðu, at teir høvdu ætlanir um at vera við í FM kappingini. Á Norðoyastevnu fyri ein­ um ári síðani eydnaðist tað ikki so væl hjá miðvingum. Teir endaðu á triðja plássi, og tá ið tað á Sundalags­ stevnu endaði við fjórða plássi og við triðja plássi á Jóansøku varð ikki roknað við miðvingum. Men síðani á Eystanstevnu í fjør hevur tað ikki verið nakar ivi. Riddarin vann á Skálafjørðinum og fýra tær seinastu FM kappingarnar í fjør og harvið meistara­ heitið. Á Norðoyastevnu leygar­ dagin var heldur eingin ivi. Beinanvegin var Riddarin millum teir fremstu, og tøk­ ini hjá vágamonnum mun­ aðu alla tíðina meiri, enn tey gjørdu hjá øllum hinum. Tá ið málið var hálvrógv­ ið, var Riddarin leysur av hinum bátunum, og síðani var eingin spenningur. Næstfremsta plássið vann Tvørabáturin. Suðringarnir hava verið drúgvir at taka lut, teir hava eisini sett dám á kappingina um heiðurs­ merkini, og tað kann ikki sigast annað, enn at Tvøra­ báturin hevur hildið pláss. Í fjør var hann næstfremstur í trimum teimum fyrstu róðr­ unum, og í hinum fýra róðr­ unum var Tvørabáturin nummar trý. Leygardagin fóru suðring­ arnir – á sama hátt sum á Norðoyastevnu í fjør ­ suður við silvurmerkjunum. Teir bíða framvegis eftir fyrsta sigrinum síðani á Sunda­ lagsstevnuni fyri tveimum árum síðani. Møguleikin er sjálvandi væl og virðiliga til staðar, men avrikið hjá Riddaranum í Klaksvík und­ irstrikaði, at miðvingar ætla sær ikki at geva fremsta plássið frá sær uttan víðari. Riddarin legði soleiðis fyri í hesum róðrarárinum, at alt bendir á, at hann ætlar sær at halda stílin, sum hann fann á Eystanstevnu í fjør, og sum hann hevur hildið síðani tá. Mynd: Jens Kristian Vang Miðvingar halda stílin Brasilia vann í Uruguay Brasilia og Uruguay hava saman við Argentina í 80 ár kappast um heitið sum sterkasta fótbóltstjóðin í Suðuramerika. Og tí var fagnaðurin skilliga stórur, tá Brasilia um vikuskiftið ann ikki minni enn 4­0 á útivølli móti Uruguay. Daniel Alves, Juan, Fabiano og Elano stóðu fyri málunum, og so bilti tað minni, at Fabiano seinni varð rikin av vøllinum. Brasilia er nú saman við Paraguay á odda í HM­undankappingini í Suðuramerika. West Ham er nú selt Íslendsku eigararnir av West Ham hava nú selt felagið. Í fyrsta umfari hevur íløgufelagið, CB­Holding keypt felagið, og tað merkir, at Bjørgolfur Gudmundsson ikki longur er formaður í felagnum. Nýggjur formaður er fyribils Andrew Berhardt, og thann hevur longu nú sagt viðhaldsfólkunum, at peningur verður tøkur til keyp av nýggjum spælarum.