týsdagur 6. november 2001síða 8

15 Nr. 214 • týsdagur • 6. november 2001 • 75. árgangur • www.sosialurin.fo Føroyski miðvallarin telist millum mest álitisfullu spælarar- nar hjá Brian Little ONGLAND Jóannes Hansen Tað gongur avbera væl hjá einasta føroyska spælar- anum í eingilskum vaksna- mannafótbólti. Landsliðs- maðurin Julian Johnsson er í Hull, og tað er eyðsýnt, at venjarin, Brian Little, heldur nógv av føroyska spælaranum. Síðsta dømið um hetta var leygardagin, tá Hull hevði vitjan av Chelten- ham. Julian Johnsson var aftur hesa ferð frá fyrsta bríksli mitt á miðvøllinum. Brian Little skifti tríggjar spælarar út, men Julian var á vøllinum allar 90 min- uttirnar. åEingin ivi var um, hvat av liðunum var tað betra. Hull vann 5–1, eftir at støðan í hálvleikinum hevði verið 3–0. 9.435 áskoðarar vóru í Boothferry Park, og lagið var gott á teimum. Hull kom á odda, tá mótstøðu- menninir longu í triðja minutti vóru so óhepnir at gera sjálvmál. Hull økti til 2–0 eftir langt fríspark í 22. minutti, teir øktu til 3–0 við stútara, tá 25 minuttir vóru farnir, og so var sigurin vísur. Tá seinni hálvleikur var 23 minuttir gamal, minkaði Cheltenham um munin, men Hull svaraði aftur í 77. og 81. minutti. Julian Johnsson var ikki millum málskjúttarnar. Meðan Brøndby leggur meiri sjógv millum seg og kappingarneytarnar, vita spælararnir í Lyngby ikki, um teir skulu til arbeiðis í morgin SUPERLIGA Jóannes Hansen Brøndby er flúgvandi. Hóskvøldið komu teir sera sannførandi víðari í UEFA Cup kappingini. Teir nýttu nógva orku í tí dystinum, men teir tóktust heilt væl fyri sunnudagin, tá Vejle vitjaði. Brøndby vann 6–1, og Brøndby misnýtti harafturat eitt brotsspark. Vejle var spælt sundur og saman og hevði púrt einki at siga. Eisini FCK stóð seg hóskvøldið væl í UEFA Cup. Teir vunnu 1–0 á Ajax í Amsterdam, men tað sást aftur á avrikinum í Odense sunnudagin. Eftir fínt upplegg frá Zuma úr høgra borði fluktaði Thomas Röll til 1–0, tá eitt lítið korter var farið, men átta minuttir fyri hálvleik javnaði fyrr- verandi Vejle spælarin, Kasper Dalgas. FCK var leikliga omaná í 1. hálv- leiki, men eftir steðgin sóu teir 7.795 áskoðararnir eitt sera væl upplagt heimalið, sum trýsti fyri at fáa sigursmálið, men tað eydnaðist ikki. FCK málverjin, Magnus Kihlstedt, var orsøkin til út- javnandi málið. Hann sendi eitt málspark í føturnar á Kasper Dalgas, sum takkaði fyri og skoraði. Eftir steðgin bjargaði svenski landsliðsmálverjin væl onkra ferðina. Lyngby á tromini Í Lyngby er lagið ikki gott. Sunnudagin vóru teir í Viborg, og 1–1 úrslitið var einki at siga til. Vónbrotið hjá venjaranum og spælar- unum var, tá teir eftir heimkomuna frættu, at nú verður flytingin til og samanrenningin við Ballerup av ongum. Teir í Ballerup hava fingið kaldar føtur, tí skuldin í Lyngby sigst vera størri, enn hon var, tá teir samráddust. Venjarin og spælararnir hava ikki fingið løn, og tað er mangt, sum bendir á, at felagið fer at snara lykilin um í morgin. Í fyrrakvøldið kom fram, at nú var aftur samband millum Lyngby og Farum. Fyrr í ár vóru viðhaldsfólkini hjá Lyngby sera hørm um hesi tíðindini, men nú tykist tað, sum um møguleikarnir eru færri og smærri fyri á annan hátt at sleppa undan húsagangi. Fyri at fáa pengar til lønir varð sagt, at Lyngby skuldi selja tveir spælarar til Farum. AB fylgir við Millum feløgini, sum renna aftaná Brøndby, stóð AB seg væl, sjálvt um tað tók sína tíð, áðrenn teir fingu sigursmálið ímóti botn- liðnum Silkeborg. Veerju- spælarin Nicolai Stokholm, sum hevur verið í nánd av landsliðnum, skoraði, tá eitt korter var eftir. AaB og Esbjerg teljast eisini millum næstfremstu liðini. Hesi bæði liðini skuldu spæla í Aalborg í gjárkvøldið. Dysturin varð vístur á TV3+ rásini klokkan 18.00. Sambært heimasíðuni hjá Esbjerg spældi Christian Høgni Jacobsen á næstbesta lið- num í vikuskiftinum. Tað hevur gingið væl hjá FCM síðstu vikurnar. Sunnudagin høvdu teir vitjan av AGF, sum einki fekk við til hús. FCM vann 2-0. Málini skoraðu teir í 57. og í 63. minutti. Hvidovre vann málríka uppgerð og lætti sær eitt sindur á í botninum 1. DEILD DANMARK Jóannes Hansen Óli Johannesen kom enn eina ferð á málskjútt- aralistan hjá Hvidovre. Tá teir í 2. hálvleiki fingu brotsspark, og støðan var 3–3, vísti komandi B68 venjarin, Frank Skytte, føroyska spælaranum sama álitið, sum hann hevur víst honum fleiri ferðir fyrr í heyst. Óli Johannesen varð settur at skjóta brots- sparkið, og royndi stýri- maðurin í verjuni sveik ikki. Eftir leiðslumálið hjá Óla økti Hvidovre eina ferð afturat og vann harvið 5–3. Teir høvdu annars verið frammanfyri bæði 2–0 og 3–2. Sigurin hevði við sær, at Hvidovre lætti sær eitt sindur á í botninum í næst- bestu deildini. B93 – sum vit søgdu í síðstu viku, so er Øssur Hansen komin aftur til Føroya – var enn eina ferð fyri ósigri. Teir taptu heili 3–0 á heimavølli ímóti B1913, sum av álvara er farið at blanda seg í oddastríðið. B93 er dygst omanfyri niðurflytingar- strikuna. Frem hevur fyri stuttum skift venjara. Nýggjur venjari er Ole Mørch, sum var fyrsti venjarin hjá Jákupi Mikkelsen í Her- følge. Síðani fyrrverandi Frem spælarin kom á beinkin í Valby, hevur tað gingið væl. Sunnudagin vunnu teir toppdystin á heimavølli ímóti HFK Sønderjylland 2–1. Køge er ovast í næstbestu deildini. Teir vóru í Horsens og vunnu 1–0. Felagið hjá Atla Greg- ersen, Randers Freja, hevði vitjan av Farum. Peter Brix- tofte og teir hava møguleik- an fyri samstarvi við Lyng- by at hugsa um. At tað endaði málleyst í Randers var neyvan eftir høvdinum hjá teimum í Farum. Í gjár gjørdi føroyski lands- liðsmálverjin av, at hann fer at halda fram í norska felagnum í tvey ár afturat SÁTTMÁLI Jóannes Hansen Jákup Mikkelsen fer at halda fram at spæla fótbólt í Molde í Noregi. Tað varð gjørt av í gjár: – Eg havi boðað teimum frá, at eg eri sinnaður at halda fram. Onkrar broytingar eru gjørdar, sammett við sáttmálauppskotið, sum teir spældu út við, og nú flyta vit øll til Molde, sigur Jákup Mikkelsen, sum nú saman við konuni og børnunum báðum fer at fyrireika seg til at flyta. Í Molde fara teir mánadagin 26. november undir fyrireikingarnar til nýggja kappingarárið. Kennir korini Jákup Mikkelsen veit, at hann skal kappast við tveir aðrar málverjar um plássið millum stólparnar á besta liðnum. Talan er um Knud Erik Bakke, sum eitt stutt skifti í summar varð valdur framum Jákup Mikkelsen, og so Eddie Gustafsson, sum er ein góður svenskur málverji. Ert tú ikki bangin fyri, at tú ein stóran part av tíðini fert at sita á beinkinum? – Tað eru møguleikar fyri tí, men eg ætli at gera mítt fyri at vinna plássið á besta liðnum. Í so máta havi eg royndir. Tá eg kom til Herfølge, byrjaði eg sum triði málverji, men tað eydnaðist at koma á besta liðið. Á landsliðnum var eg leingi á beinkinum, men tað eydnaðist eisini har at vinna fyrsta plássið, staðfestir Jákup Mikkel- sen. Jákup fer aftur til Molde Stórsigur til Julian og Hull Julian Johnsson var á vøllinum allar minuttirnar, tá Hull vann stórsigur leygardagin Teir vita ikki um teir eru keyptir ella seldir Óli aftur tryggur úr ellivu metrum 14 Nr. 214 - 6. november 2001 Tað er beinleiðs ósatt, tá Sámal Petur í Grund sigur, at eg havi biðið lands- nevndarumboð Sjálv- stýrisfloksins blokera aðalfundin, sigur Edvard Hermansen FLOKSSTRÍÐ Edvard Joensen – Sámal Petur í Grund sigur ósatt, tá hann leggur meg undir at hava biðið fólk um ikki at møta á aðalfundi fyri at forða fyri, at fundurin gjørdist viðtøkuførur, sigur Edvard Hemansen, formað- ur í landsnevnd Sjálvstýris- floksins. Sámal Petur í Grund, pol- itiskur formaður Sjálvstýr- isfloksins, sigur við Sosial- in, at hann veit frá lands- nevndarlimi Sjálvstýris- floksins, at formaðurin í landsnevnd floksins, Edv- ard Hermansen, upp undir lands- og aðalfundin í Klaksvík leygardagin, ringdi til landsnevndarum- boðini og bað tey ikki møta á fundi, soleiðis at fundurin ikki gjørdist viðtøkuførur. Sámal Petur í Grund nevndi landsnevndarum- boðið hjá Suðurstreymoyar Sjávstýrisfelag, Ronald Poulsen, sum skuldi hava fingið hesa áheitan. Við Sosialin sigur Ron- ald Poulsen seg ikki hava fingið eina slíka beinleiðis áheitan frá landsnevndar- formanninum. Hann váttar tó at hava tosað við Edvard Hermansen, men segði, at slíka áheitan hevði hann ikki fingið. Hann hevði í øllum førum ikki skilt sam- røðu teirra soleiðis, sum Sámal Petur í Grund leggur hana út. Edvard Hermansen vísir á, at tað vóru tvey av trim- um limafeløgum á fundi. Einasta landsnevndarum- boð, sum ikki møtti, var umboðið fyri Eysturoyar Sjálvstýrisfelag, sum er fel- agið hjá Sámali Peturi í Grund. Heldur ikki vara- maðurin møtti. Og hann er formaður í felagnum í Eysturoynni. Edvard Hermansen sigur, at hann hevur veruliga í longri tíð roynt at hitta landsnevndarumboðið í Eysturoynni í felagsørind- um, men tað hevur ikki eydnast. Somu royndir hev- ur Sosialurin gjørt líka síð- an landsfundin í Klaksvík leygardagin. Heldur ikki formaðurin í Eysturoyar Sjálvstýrisfelag hevur verið at hitt, tá Sosialurin hevur roynt at fáa orð á hann. Aðrir nevndarlimir í Eyst- uroyar Sjálvstýrisfelag hava eisini borið seg undan at siga nakað um málið. Sámal Petur í Grund vátt- ar, at hann hevur stillað seg sjálvan upp til formansval- ið í Sjálvstýrisflokkinum. Áheitanin er ikki komin frá nøkrum lokalfelag, men frá onkrum einstøkum, vanlig- um limum í flokkinum, sig- ur hann. Men sambært lóg- um floksins, skal eitt lokal- felag ella ein fólkavaldur politikari stilla eitt valevni upp, og tað gjørdi hann so sjálvur. Hann sigur eisini, at eftir at hann var skotin upp sum formansvalevni, fekk hann váttan frá nevndini í Eyst- uroyar Sjálvstýrisfelag um, at hann skuldi fáa atkvøð- urnar hjá felagnum á aðal- fundinum. Tað varð avgjørt á fundi tann 25. september. Hesar upplýsingar hevur Sosialurin fingið váttaðar frá nevndarlimi í Eysturoy- ar Sjálvstýrisfelag. Søgur ganga um, at Sám- al Petur í Grund hevur so lítlan politiskan stuðul í valfelag sínum, at hann kanska als ikki verður upp- stillaður til val. Sámal Petur í Grund sig- ur, at hann so seint sum í vikuni, sum fór, hevur fing- ið at vita frá formanninum í Eysturoyar Sjálvstýrisfel- ag, at felagið ætlar at stilla hann upp til løgtingsvalið. Klaksvíkingurin Jákup Mikkelsen heldur fyri, at búskaparligu argument- ini bert eru foringar fyri fullveldi, sum í veruleik- anum einki hevur við pengar at gera, heldur hann Millum tey, sum tóku orðið á landsfundi Fólkafloksins var Jákup Mikkelsen úr Klaksvík. Navnin hjá kenda mál- manninum tosaði eina- mest um ríkisrættarligu viðurskiftini, og tað var heilt greitt, at hetta er eitt evni, sum liggur honum rættiliga nær. Á fundinum nýttan høvi til at skjóta upp, at Fólkaflokkurin stillar upp saman við Tjóð- veldisflokkinum, og hetta kundi verið undir navninum hjá Sjálvstýr- isflokkinum, tá ið lógin ikki heimilar listasam- gongum. Hann talaði greitt fyri, at Fólkaflokkurin og Tjóðveldisflokkurin skuldi finna saman aftur eftir næsta val, og Javn- aðar- og Sambands- flokkurin koma slett ikki upp á tal, men hann segði einki um Sjálv- stýrisflokkin. – Sjálvstýri er ein spurningur um ábyrgd. Tað er absurd at seta treytir við sjálvstýri. Pengar hava heldur einki við sjálvstýri at gera, sigur Jákup Mikkelsen, sum eisini fekk onkra viðmerking frá fleiri av oddamonnunum í flokk- inum. – Pengarnir binda okkum niður í fullveld- isspurninginum, sigur Jákup Mikkelsen. Hann rósti eisini leiðsluni í flokkinum fyri at ganga røttu leið innan fullveldismáli, men lat onga iva vera um, hvønn vong í flokk- inum, hann hoyrir til. Fullveldi er ikki ein spurningur um pengar – Pengarnir binda okkum niður í fullveldisspurningin- um, sigur Jákup Mikkelsen. Sámal Petur sigur ósatt Nógv spurnartekin eru í kjalarvørrinum á Sámal Peturi í Grund í hesum døgum C M Y K 14