hósdagur 11. juni 2009síða 9

9 tíðindi Nr. 109 - 11. juni 2009 - Eg arbeiði við málinum og ætlanin er, at ein loysn verður funnin áðrenn veturin kemur, sigur Johan Dahl um umskipingarnar av SL-skipunum OYGGJALEIÐIR Leo Poulsen leo@sosialurin.fo Fyri góðum mánaði síðani sendi stjórin á Strandferðsl­ uni, Bogi Mortensen, eitt upprit um umskipan av skip­ unum hjá SL á farleiðunum Tórshavn­Nólsoy og Hvanna­ sund­Svínoy­Fugloy. Ein roynd varð í vár gjørd við at seta Rituna inn á rut­ una í Norðoyggjum, meðan Sam varð fluttur av Kallsoy­ arleiðini til Nólsoyarleiðina, meðan Ternan so røkti sigl­ ingina út í Kallsoynna. Hesar royndir hepnaðust væl og førdi til, at leiðslan á Strandferðsluni gjørdu eitt tilmæli til landsstýrismannin við samferðslumálum, Johan Dahl, har mælt varð til, at Ternan verður sett inn á Nóls­ oyarleiðina, meðan Ritan verður flutt norður í Norð­ oyggjar at røkja siglingina út til Svínoyar og Fugloyar. Neyðugt verður kortini við ávísum ábøtum á serliga Ternuna, tí hon hevur hóast alt út við 30 ár á baki. Ser­ liga verður hugsað um rulli­ tangar og lyftu av dekkinum upp í salongirnar, men eis­ ini salongir og toiletviður­ skifti skulu hava eina bøt­ andi hond. Eisini Ritan skal hava nakrar smáar ábøtur, men samlaði prísurin tykist kort­ ini yvirkomiligur. Áðrenn veturin Leiðslan á Strandferðsluni hevur gjørt nakrar metingar av kostnaðinum, sum hesar umvælingar og ábøtur fara at kosta. Roknað verður við, at samlaði kostnaðurin fyri bæði skipini verður tilsamans 9,5 milliónir krónur. 3,5 milliónir eru settar av til nýtt Svínoyar/Fugloyar­ skip, men tað stendur greitt, at tað fæst hvørki nýtt ella gamalt skip til hesa farleið­ ina fyri tann peningin. Strandferðslan mælir tí til, at peningurin verður fluttur á konto til umvælingar og ábøtur á Ternuna og Rituna. Samstundis ætlar Strand­ ferðslan sjálv at finna tvær milliónir í egnum rakstri til endamálið soleiðis, at upp­ hæddin, sum fer at mangla í, verður fýra milliónir krónur. Johan Dahl, landsstýris­ maður í samferðslumálum, sigur, at hann hevur sent kostnaðarmetingina til fíggjarmálaráðið at taka støðu til, og hann væntar eina afturmelding higani ein av fyrstu døgunum. ­ Samlað miði eg ímóti at fáa eina avkláring á mál­ inum áðrenn veturin kemur, og soleiðis sum málið ligg­ ur nú rokni eg við, at úrslitið verður at Ternan verður sett inn á Nólsoyarleiðina, með­ an Ritan skal røkja sigling­ ina út í Svínoynna og Fugl­ oynna, sigur Johan Dahl. Merkir vælvild Talan hevur jú verið um at nýtt skip skal byggjast til Nólsoyarleiðina, men vegna vánaligar fíggjarvánir er tann ætlanin fyribils slept. Johan Dahl metir kortini, at ætlanin við at seta Ternuna inn á leiðina er ein góð fyri­ bils loysn, og fer at liggja á sama kostnaðarstøði í rakstri, sum ein nýggj Nóls­ oyarferja hevði gjørt. Men uttan mun til, um Ternan verður fyribils loysn ella nýtt skip verður sett inn á farleiðina, so verður neyð­ ugt at byggja eitt ella annað slag av ferjulegu í Nólsoy. Tað er vinnumálaráðharrin greiður um, og tí verður eis­ ini arbeitt við tí málinum. ­ Vit hava verið í samband við Landsverk, eins og eg havi biðið Heðin Mortensen, borgarstjóra um fund, og efturmeldingin hevur verið sera positiv, sigur Johan Dahl. Hann roknar tí við at fáa fund í lag við Tórshavnar kommunu ein av komandi døgunum. – Einki skip hevur gott av at liggja, heldur ikki Ternan, og eg síggi ljóst upp á at finna eina loysn á spurning­ inum, áðrenn veturin kem­ ur, sigur Johan Dahl, lands­ stýrismaður í samferðslu­ málum. Ternan verður loysnin Sviar læna at læna íslendingum Svenski ríkisbankin kunngjørdi í gjár, at hann fer at læna tríggjar milliardir evrur frá Evropeiska Miðbankanum ECB til at styrkja sítt gjaldføri við í sambandi við altjóða fíggjarkreppuna. Lánið er partur av einari lániheimild, sum gevur svenska ríkisbankanum møguleika at læna 10 milliardir evrur úr ECB. Svenska tíðindastovan TT skrivar úr Stokkhólmi, at ein partur av láninum, sum ríkisbankin nú tekur úr ECB, fer til at fíggja lánið, sum svenska stjórnin hevur játtað at læna íslendsku stjórnini. Ein annar partur skal fíggja svenska hjálp til Estlands og Lettlands. Grønlendskir sjúklingar til Íslands Tað nýggja landsstýrið í Grønlandi fer at kanna, um tað ber til at flyta grønlendskar sjúklingar til Íslands til viðgerðar heldur enn at flyta teir til Danmarkar. Agathe Fontain, sum er nýggjur landsstýrismaður í heilsumálum, sigur við grønlendska kringvarpið KNR, at landsstýrið fer at tingast við íslendskar myndugleikar um møguleikan. Eydnast tað at fáa semju við íslendingar, kann bíðilistin í grønlendska heilsuverkinum styttast munandi, sigur hon. Agathe Fontain vísir eisini á, at tað tekur tveir tímar at flyta ein sjúkling við flogfari til Íslands ella bara helvtina av flogtíðini til Danmarkar. Beint í hølunum av fráboðanini um, at lánini hjá Atlantic Petroleum eru endurfíggjað, boðar felagið nú frá, at farið er undir royndarboring á Crosby-økinum OLJUBORING Leo Poulsen leo@sosialurin.fo Tað eru nú eini trý, fýra ár síðani, at Atlantic Petroleum sum partur av fleirbýttum loyvi, fekk tillutað eitt øki á Crosby­leiðini. ­ Vit hava arbeitt miðvíst seinasta árið við ætlanunum, og nú er tíðin so búgvin til at gera royndarboring á økinum, sigur Wilhelm Petersen, stjóri í Atlantic Petroleum. Hann sigur, at talan er um eitt av teimum heilt góðu prospektunum hjá fel­ agnum. ­ Boringin fer fram á rættiliga grunnum vatni, og tí rokni eg við, at vit rættiliga skjótt fáa eina ábending um brunnin. Men tað sær rætti­ liga gott út, og boringin fer fram nær við Lennox­feltið, so tað verður lætt at binda í, sigur Wilhelm Petersen. Hann roknar við, at tað fer ikki at ganga meiri enn ein mánaður ella so, áðrenn úrslitið av royndarboringini fyriliggur. Hendan royndarboringin kemur í kjalarvørrinum av fyrireikingunum til boring úr Ettrick­feltinum, har felagið byrjar at framleiða olju seinast í hesum mánaðinum. – Hetta er ein positiv tíð fyri Atlantic Petroleum. Samstundis sum vit fram­ leiða olju á Chesnut­økinum og fara undir framleiðslu á Ettrick síðst í hesum mánað­ inum, gera vit royndarbor­ ingar á Crosby. Hartil er endurfíggingin av lánunum hjá felagnum fingin upp á pláss, so alt í alt eru hetta góðar tíðir, sigur Wilhelm Petersen. Tað er heldur ikki meiri enn hálvt ár síðani, at teir hava fingið fýra boriloyvir í føroyskum øki, og tey loyvini vara í fýra ár fram. ­ Í løtuni eru vit í holt við at tulka seismikk á før­ oyskum øki, og vit skulu hava framt royndarboringar áðrenn loyvini ganga út, sigur Wilhelm Petersen. Seks feløg eiga í loyvin­ um á Crosby­økinum, og parturin hjá Atlantic Petroleum er 7,5%. Wilhelm Petersen, stjóri, fegnast um, at felagið er ein partur av konsortiunum, sum nú er byrjað at royndarbora á Crosby-feltinum AP borar í Crosby Alt bendir á, at Ternan fer at røkja siglingina til Nólsyar, men tað verður neyðugt at gera okkurt slag av ferjulegu har úti