hósdagur 11. juni 2009síða 15

Nr. 109 - 11. juni 2009 15 nøvn Havnarmaðurin Eyðun Joensen hevur nýliga tikið útbúgving sum skíðinstruk­ tørur í Kanada. Eyðun er 31 ára gamal og siglir annars sum maskinmeistari við Mærsk. Útbúgvingin til skíð­ instruktør var frá januar til apríl í ár og tók honum sostatt 12 vikur. Útbúgving­ in gekk fyri seg á Whistler/ Blackcomb fjøllunum, tríggjar tímar frá Vancouver við Stillahavið. Eyðun var saman við 23 bretum, sum eisini gingu á instruktør­ skúlanum. Meðan tey vóru har, skifti hitin millum min­ us 17 stig til pluss 15 stig. Í desember, áðrenn tey komu, hevði verið sera kalt, heilt niður í minus 35 stig. Umframt alt sum hevur við sjálva skíðingina at gera, skal ein skíðinstrukt­ ørur eisini duga at analysera kavan, um tað er ráðiligt at skíða og eisini at leita eftir fólki, sum eru saknaði. Nógvastaðni í Kanada er skíðing ein lívsstílur. Í skíð­ sesongini hava skúlabørn t. d. frí hvønn mánadag, tá tey standa á skí ístaðinfyri at vera í skúla. Skíðing er eitt fak í skúlaundirvísingin har. Eyðun nevnir sum dømi, at ein 92 ára gamal maður dagliga stóð á skíð, har sum tey vóru. Á skístøðunum møtti hann annars nógvum danskarum og eisini onkr­ um íslendingi. Tá vit spyrja Eyðun, hví hann hevur valt at taka hesa útbúgving, sigur hann at hetta er ein gamal dreymur. Hann hevur gott starv hjá Mærsk, men møguliga fer hann at arbeiða sum skíð­ instruktørur seinni. Hann er limur í CSIA (Canadian Ski Instructors Alliance), og kann arbeiða sum skíðinstruktørur í flestu støðum í heiminum. Eyðun sigur, at honum vit­ andi er hann einasti føroy­ ingur við hesi útbúgving. Olympisku vetrarleikirnir í Vancouver, sum vera í februar, og Paraolymisku leikirnir sum vera í mars 2010, koma eisini at ganga fyri seg í Whistler, har sum Eyðun hevur lært til skíðinstruktør Nógvar heimsstjørnur innan skíðítróttin koma úr lítlu bygdini Whitsler. Lítla bygdin Whistler hev­ ur uppfostrað nógvar kendar heimsmeistarar í skíðing gjøgnum tíðirnar. Vit kunnu t.d. nevna Shane McConkey sum var ein av kendastu skíð­stuntmonnum. Hans­ ara sergrein var at skíða út av tindum og síðani hála í fallskermin. Tann 26. marts í ár var hann í Italia, har hann framdi slíkt stunt. Tá vildi so illa til, at hann ikki fekk skíðurnar av sær í góðari tíð, og endaði hann sostatt í fríum falli, tí fall­ skermurin ikki foldaði seg út. Ein orsøk at ein so lítil bygd kann gera seg so nógv galdandi innan fyri skíøkið, man verða at skúlabørnini fáa ein heila skúladag um vikuna at standa á skíð.. Skíðing er kanska ein sindur dýr ítróttargrein (feria), og har til eisini eitt sindur vandamikil til tíðar um man ikki er nóg ansin. Vegna nógvar smáskaðar og nakrar meira alvorligar skaðar, vóru tað fleiri av teimum eg var saman við, sum ikki komu á mál við skíðingini, sigur Eyðun Joensen. mg Føroyskur skíðinstruktørur Eyðun Joensen er útbúgvin sum skíðinstruktørur í Kanada Soleiðis sær tað út, tá skíðað verður í tjúkkum kava Eyðun saman við nøkrum av teimum hann lærdi saman við til skíðinstruktør