hósdagur 11. juni 2009síða 23

23 [ Nr. 109 - 11. juni 2009 ] u ikki nóg neyv Føroyar-Serbia 0-2 (0-1) HM-undankapping, Tórsvøllur, mikudagin 10. juni kl. 19.15 0-1: Milan Jovanovic, 44. 0-2: Neven Subotic, 62. Dómari: Meir Levi (Ísrael) Hjálpardómarar: Abed Al Ramili & Shimon Dvir (Ísrael) 4. dómari: Alon Yefet (Ísrael) Føroyar: Jákup Mikkelsen – Jónas Þór Næs, Egil á Bø, Atli Gregersen, Jóhan Troest Davidsen – Bogi Løkin, Atli Daniel- sen, Fróði Benjaminsen, Súni Olsen (Jann Ingi Petersen, 77.), Símun Samuelsen (Christian Høgni Jacobsen, 69.) – Christian Lamhauge Holst (Andrew av Fløtum, 87.) Á bonkinum: Meinhardt Joensen, Bartal Eliasen, Einar T. Hansen, Hjalgrím Elttør Gult kort: Atli Danielsen Venjari: Brian Kerr Russland: Vladimir Stojkovic – Branislav Ivanovic, Neven Subotic, Aleksandar Lukovic, Aleksandar Kolarov – Milos Krasic (Gojko Kazar, 83.), Nenad Milijas, Zdravko Kuzma- novic, Milan Jovanovic (Miralem Sulejmani, 77.) – Marko Pantelic (Danko Lazovic, 65.), Nikola Zigic Á bonkinum: Bojan Isailovic, Antonio Rukavina, Ivica Dragutinovic, Nemanja Matic Gult kort: Nenad Milijas Venjari: Radomir Antic UEFA-eygleiðari: Miguel Galan Torres (Spania) Dómaraeygleiðari: Patrick Kelly (Írland) Áskoðarar: 2.896 FAKTA um dystin tíðini, eftir at Føroyar vóru farnar upp í altjóða fótbólt, tykist vera varðveittur ella komin aftur. Ímóti Serbia í gjár sást, at spælararnir ofr­ aðu seg fult og heilt, og at ein arbeiddi fyri allar og allir fyri ein. Fyrstu árini tóktist tað hjá nógvum at bila við skjót­ leikanum og bóltførleikan­ um soleiðis, at føroysku spælararnir ikki fingu náðir at flyta seg, bjóða til og samanspæla frammi á vøll­ inum. Í sama spori Í gjár sást, at hvat hesum viðvíkur hava broytingarnar verið stórar. Tá ið Jógvan Martin Olsen síðsta heyst boðaði frá, at hann fór at leggja frá sær sum lands­ liðsvenjari, vísti hann á, at avrikini í fjør høvdu bent á, at nú vóru manningarligar fyritreytir fyri betri og meiri framrættaðum og álops­ sinnaðum fótbóltsspæli. Í fjør vóru úrslitini ofta á góðari leið. Nú er nýggjur venjari settur, og tað er hugaligt at staðfesta, at fyrsta royndin hjá Brian Kerr vísti, at tað verður bygt víðari á góðu gongdina frá í fjør. Nýggi venjarin hevði ikki gjørt stórvegis broytingar í manning og spælskipan. Einasti nýggi maðurin, mið­ verjin Atli Gregersen, tókt­ ist finna seg væl saman við Egili á Bø, Jónas Þór Næs ­ við teimum framúr longu og týdningarmiklu innkøst­ unum ­ var sannur brandur á høgra vongverja, og Jóhan Troest Davidsen stóð seg væl í vinstra verjuborði. Vongverjarnir bjóðaðu seg fleiri ferðir til í álops­ partinum, og Jóhan hevði í 1. hálvleiki fínan møguleika at leggja Føroyar á odda. Eftir snilt samanspæl við Símun Samuelsen, sum tyk­ ist trívast alt betri á lands­ liðnum, varð Jóhan leysur innanfyri serbisku verjuna. Einsamallur við málverjan­ um valdi vongverjin at leggja bóltin ímóti handara síðuneti. Tað hevði mál­ verjin longu frammanundan lisið av. Hann legði seg so mikið tíðliga, at møguleiki hevði verið hjá Jóhan at lagt bóltin inn við nærra stólpanum. Møguleikar og marginalir Ógvuliga hugaligt var tað so ofta, sum tað eydnaðist okkara monnum at spæla seg ígjøgnum serbisku verj­ una, og ógvuliga harmuligt var tað so ofta, sum tað ikki eydnaðist at fáa úrtøku burturúr møguleikunum. Súni Olsen hevði fínan møguleika beinanvegin eftir uppspæl í høgru, men fluktarin eftir innleggið frá Símuni Samulesen fór dygst oman fyri handaru samankomingina. Og vit kundu hildið fram at nevnt møguleikar, tá ið eitt nú Christian Lamhauge Holst, Súni Olsen og innskifti Christian Høgni Jacobsen vóru í góðum støðum, uttan at tað eydnaðist at fáa mál. At tað eydnaðist at spæla seg til møguleikar komst fyri ein part av, at serbiska liðið ikki spældi við tí ferð, tryggleika og flytingum, sum plaga at eyðkenna avrikini hjá liðum av Balkan. Tað tóktist sum um, at spælararnir eftir langt kappingarár kring Europa sóu fram til at fara í summarfrí í gjárkvøldið. Tað ráddi um at vinna uttan at leggja alt ov nógv fyri, og tað eydnaðist. Tað var harmuligt, at tað skuldi ganga soleiðis, sum tað gjørdi. Gamaní hevði Jákup Mikkelsen í 1. hálv­ leiki onkrar refleksbjarging­ ar av tí slagnum, sum hann er ein meistari í. Men sum tíðin leið, bendi alt á, at 1. hálvleikur skuldi enda mál­ leysur. Ein minutt undan hvíldini kom hol á, og tá ið Serbia eitt korter eftir steðgin økti til 2­0, kendist tað sum um, at vónin um, at tað skuldi eydnast Føroyum at vinna stig, hvarv. Ikki fyrrenn síðstu løtuna royndu okkara menn at sprutta aftur, uttan at tað eydnaðist at fáa mál. Størri tyngd Eftir stendur fyrst og fremst leikliga avrikið, og at tað eydnaðist at spæla seg til upplagdar málmøguleikar. Ikki minst hugaligt er tað at staðfesta, at sentrali mið­ vøllurin er so stinnur, sum hann sjáldan man hava ver­ ið áður. Súni Olsen tykist vera við at koma í fullar umdreyningar, og Atli Danielsen og Fróði Benja­ minsen arbeiddu sum úlvar og vístu samstundis, at teir saman við Súna megna væl at spæla, eisini tá ið tað er tætt kring teir. At Símun Samuelsen og Bogi Løkin stríddust nógv í verjupartinum og samstund­ is megnaðu at vera ógvuliga skjótir fram í økini aftanfyri vongverjarnar hjá Serbia og at spæla væl bar við sær, at tað var meiri tyngd og broddur í føroyska álops­ partinum, enn tað ofta hevur verið. Serbar fóru væl nøgdir úr Føroyum, og hóast tað ikki eydnaðist a­liðnum at endur­ taka bragdið týskvøldið hjá U21 liðnum, sum vann 1­0 á Russlandi, so vóru stórir glottar at síggja. Hesa ferð vóru marginalirnir ikki við. Men um avrikið verður tað sama næstu ferð, so eigur góða úrslitið, sum vit fram­ vegis bíða eftir, at verða skift frá dreymi og til veru­ leika. Skotini, sum ikki vóru nóg neyv ímóti Serbia, munnu fara at verða neyvari eina aðru ferð! Úrslitið var á leið tað, sum tað plagar at vera móti Serbia – og fyri hetta, Jugoslavia – men fagnaðurin hjá serbum um málini prógvaði, at teir hesa ferð kendu seg meira kroystar, enn teir nakran tíð áður hava verið Frem vann útsettan dyst Liðfelagarnir hjá Atla Danielsen vunnu í gjár 4­0 í útsetta dystinum móti Lolland­Falster. Soleiðis fekk felagið ein lítlan glotta í stríðnum fyri at bjarga tilveruni, men fíggjarliga er langt ífrá víst, at felagið fer at hóra undan. Fyrr hava boðini verið, at felagið hevur dagin í dag afturat at finna nýggjan kapital. Er hesin ikki fingin til høldar, krevja spælararnir – sum enn eiga mánaðarlønina fyri mai tilgóðar – at felagið verður koyrt á húsagang. Zlatan til Barca Sambært spanska El Mundo Deportivo skal Zlatan Ibrahimovic spæla við europisku meistarunum úr Barcelona. Blaðið skrivar, at Barcelona og Inter eru samd um ein handil, har Barcelona skal rinda 75 milliónir í reiðum peningi, umframt at Samuel Eto’o skal skifta til Inter. Blaðið skrivar, at einasta forðingin í løtuni eru lønarkrøvini hjá Eto’o, sum enn eru nakað meira enn tað, sum Inter vil gjalda spælaranum.