týsdagur 23. juni 2009síða 12

12 tíðindi Nr. 117 - 23. juni 2009 Ikki umval í Iran Tað máttmikla vaktarráðið í Iran hevur havnað kravinum frá andstøðuni um at halda forsetavalið umaftur, og tí hevur ráðið eisini havnað áheitanini frá andstøðuni um at ógilda valið, sum var tann 12. juni. Í grundgevingini ásannar ráðið, at ávís ógreið viðurskifti vóru í sambandi við valið, men at teey høvdu ikki avgerandi ávirkan á sjálvt úrslitið. Teir, sum taptu forsetavalið, hava latið myndugleikunum 646 kærur um valsvik og annað, og tvey av valevnunum høvdu kravt umval, og at valið tann 12. juni bleiv ógildað. Men tað verður av ongum, sigur vaktarráðið sambært almenna sjónvarpinum. Leygardagin kemur fyrsti supply- nýbygningurin hjá leirvíkingum á Havnina. Skipið er ov stórt til havnina í Leirvík, og tí verð­ur skipað fyri al­menn­ari móttøku og navn­ geving í Havn, eins og døgurði verður fyri innbodnum seinni um dagin Nýbygningur Vilmund Jacobsen vilmund@sosialurin.fo Leirvíkingar fara nú av álvara í supply-vinnuna, og gongst sum ætlað, kemur fyrsta supply-skipið, sum Supply Service hevur latið smíðað, á Havnina leygar­ dagin. Skrokkurin á hesum fyrsta skipinum av trimum er smíðaður í Turkalandi, og síðan er skipið gjørt lið­ ugt í Noregi. Byggi­kostn­ að­urin liggur um 240 miljón­ir krónur. Næsti skrokk­urin hjá leirvík­ing­ um, ið ætlandi kemur sum nýbygningur seinni í heyst, er smíðaður í Portugál, og hin triði er aftur smíðaður í Turkalandi. Tummas Justinussen, sum er høvuðsmaðurin aft­ an fyri hesa stóru supply- verkætlan hjá leirvíkingum, sigur, at í løtuni er ikki endaliga gjørt av, hvussu verður við triðja skipinum, og nær hetta ætlandi kemur, men hetta er nakað, sum teir í løtuni arbeiða við. Hetta fyrsta skipið, sum kemur úr Noregi nú leygardagin, verður alment navngivið á Havnini, men longu nú hevur Eik Banki, sum saman við Realinum og Landsbaka Íslands fíggja hesa verkætlan, kunngjørt navnið, sum verður Eldborg. 22 arbeiðspláss Tummas Justinussen sigur, at almenna móttøkan ætl­ andi byrjar klokkan 14, og seinni um dagin verður døgurði fyri innbodnum. Orsøkin til, at Eldborg ikki kemur á Leirvík, er í stuttum, at skipið er ov stórt til tess. Longdin liggur um 80 metrar og breiddin um slakar 18 metrar. Eldborg er eitt sera fram­ komið supply-skip, og køn­ ir meta, at byggikostnaðurin – um sáttmálin varð und­ irskrivaður í dag – hevði verið væl størri, kanska einar 300 miljónir norskar krónur. Tekningarnar til tey trý supply-skipini, sum ætlandi koma til Leirvíkar í kom­ andi tíðum, eru at kalla tær somu, men næsta skipið í røðini er útgjørt øðrvísi og kostar soleiðis eisini nakar miljónir krónur meira enn hesin fyrsti nýbygningurin, helst einar 285 norskar miljónir tilsamans. Tummas Justinussen sig­ ur, at 11 mans verða umborð á Eldborg í senn, men tilsamans 22 mans verða knýttir at skipinum í tveim­ um vaktum. Øll manningin verður føroysk. Skiparar eru Jan Kristoff­ ersen og Einar Vang, báðir úr Havn. Tógvið stríð - Hetta er eitt úrslit av átta ára longum arbeiði. Tað hevur ikki verið nøkur løtt uppgáva at fáa allar tær góðkenningar, sum skulu til fyri luttøku í hesum slagi av tænstu til oljuvinnuna, men vit hava havt óføra gott fólk aftrat okkum. Norðmenn eiga sín lut í verkætlanini, men nógv tann størsti parturin er før­ oyskur. Feløgini, sum eiga hesi bæði skipini, verða burturav rikin í Føroyum, og tað verða skipini eisini. - Vit samstarva við góð fólk, og millum hesi er Per Sævik, sum er ein hin kend­ asti offshore-maðurin í Noregi, og vit hava Tage Bundgaard, sum var stjóri í Mæersk Supply í eini 25 ár. Hesir royndu menn hava tænt okkum væl, og teir eru báðir í nevndini við pápa mínum, Osmundi Justinus­ sen, sum nevndarformanni. Petur H. Jacobsen er um íløgufelagið Løkir, sum eigur part í verkætlanini, eisini í hesi nevnd felag­ sins. Tummas Justinussen sig­ ur, at nú hetta fyrsta skipið kemur heim til Føroya, eru teir sera spentir upp á hesa verkætlan, og felagið fegn­ ast um at hava fingið ein fýra ára langan sáttmála um tænastuveitingar. Leirvíkingar skapa fleiri arbeiðspláss í supply-vinnuni