hósdagur 25. juni 2009síða 20

20 [ Nr. 119 - 25. juni 2009 ] NSÍ vann fyrsta dystin Hóast norska stórfelagið setti seg ímóti tí, hevur NSÍ fingið viðhald frá UEFA í ynski­ num um at sleppa at spæla á heima­ vølli fyrst ímóti Rosenborg í UEFA Europe League- kappingini. Tí verður tað neyvan nakað eykalið, ið møtir NSÍ í Gundadali Fótbóltur Hilmar Jan Hansen einslistir@kallnet.fo Av tí at bæði B36 og NSÍ stóðu til skula spæla heimadyst í somu kapping á sama vølli, ovara vølli í Gundadali, hevur NSÍ síðani luta­ kastið í Nyon mána­dag­ in roynt at fingið býtt dystirnar hjá sær um. So skjótt lutakastið var greitt, vendi NSÍ sær til ítróttarstjóran í Rosenborg, sum ljóðaði sinnaður at býta um, so NSÍ fekk heimadyst fyrst. Men tá hann hevði ringt heim til venjaran, var svarið eitt tvørt nei. Vildu helst spart stjørnurnar – Sum skiltist á teimum, hevur Rosenborg nógv­ ar dystir og eina tætta skrá, og tí lá illa fyri hjá teimum at býta um, sigur Jákup Vágsheyg, sum var eitt av NSÍ- umboðunum, tá luta­ kastið var mánadagin. – Vit vendu okkum síðani til UEFA, fyri at fáa býtt um upp á dystirnar, og nú hava vit so fingið at vitað, at vit fáa fult viðhald frá teimum. Sostatt spæla vit heimadystin ímóti Rosenborg á ovara vølli í Gundadali hóskvøldið 2. juli klokkan 19 og útidystin eina viku seinni. Tað sá einki út í Klaksvík fyri einari viku síðan. Men eftir sjey døgum og trim­ um dystum er KÍ av álvara við aftur, og nú eru ungu klaksvíking­ arnir bara eitt stig frá áttanda plássinum Fótbóltur Uni Holm Johannesen uni@sosialurin.fo Heðin á Lakjuni stendur við bóltin úti í høgru. Hann bíðar eftir floytuni hjá Peturi Reinert, sum fer at loyva honum at senda frí­sparkið inn í feltið við eyðkenda vinstra beininum. Og floytan ljóðar. Í brot­steig­i­num royna bláir klaksvíkingar við ymsum renni­mynstrum at snýta mót­­støðumannin. Og tað eydnaðst serliga hjá einum. Verjuleikaranum Jógvani Isaksen. Hann hevur í øllum førum ríkiligt at plássi, tá hann stýrir bólti­ num móti málinum. Tað er tøgn á Injector Arena. Bólturin tekur í graslíkið, og Andras Gango í málinum hyggur bara at. So verður buldur úr skýlinum, sum ikki fekk ein enda fyrr enn tjúgu minuttir seinni. Isaksen hevur lagt KÍ á odda í tíðini, dómarin hevur lagt afturat. Trý stig afturat. Ger so væl. Fótbóltshýrurin í Klaks­ vík var framúr í gjárs­kvøld­ ið. Flaggskipið hjá Klaks­ víkar Ítróttarfelag hevur verið í tungum sjógvi í hesum kappingarárinum, og klaksvíkingar hava verið óttafullir. Tað vóru teir ikki í gjár, tá KÍ vann seg nærri áttanda plássinum og bjarg­ ingini í Vodafonedeildini. Ikki flott Tey, ið høvdu rindað 70 krónur fyri at síggja dystin á Injector Arena í gjár, gjørdu tað neyvan í eini vón um flott fótbóltsspæl. Liðini eru í tyngra endanum av stiga­talvuni, og í løtuni ræður tað fyrst og fremst um at stríða seg til stigini. Ikki tí. Í løtum stóðu bæði klaksvíkingar og fuglfirð­ ingar fyri frálíkum fótbólts­ spæli, men tað var als ikki tað, ið setti dagsskránna. Gestirnir úr Fuglafirði vóru leikliga omaná í fyrra umfarinum. Serliga riggaði smáspælið væl á miðvølli­ num, men tað var sjáldan, at ÍF veruliga setti Jákup Mikkelsen undir trýst. Hjá heimaliðnum bar illa til. Miðvøllurin var lítið hjálpsamur í framrættaða spælinum, og oftast var loysn­in at senda langar bóltar úr verjuni og fram á Stefan Kalsø, sum var einsamallur framherji. Niels Pauli Danielsen, sum var sera eyðsýndur á Argjum sunnudagin, hevði lítið at bjóða, og tí var Kristoffur Jakobsen ofta einsamallur. Men tað bilti ikki eftir einum korteri. Tá setti hann brádliga ferð á í vinstru síðu, og tá hann slapp til baklinjuna, sendi hann fyri føturnar á Stefan Kalsø, sum stýrdi bóltinum í netið. Nenad Saric javnaði fyri gestirnar tríggjar minuttir seinni, men fimm minuttir fyri hálvleik bar aftur til hjá KÍ. Í triðja veruliga málmøgu­ leikanum í dystinum, sendi John Hammer í síðunetið eftir innlegg úr høgru síðu. Men Balazs Sinkó javnaði aftur fyri gestirnar sera stutt undan hvíldini. Tá var hann tryggur av brotssteigar­ marki­num eftir sera gott uppspæl í høgru. KÍ er við aftur Seinni hálvleikur var lítið skipaður. Serliga tók heimaliðið ferðina úr dystinum við nógvum frí­ spørkum, men drama­tikk­ur­ in varð varðveittur, tí nógv stóð upp á spæl. Fáir møgu­ leikar vóru, men í seinasta minuttinum riggaði hjá KÍ, tá Jógvan Isaksen tryggjaði klaksvíkingum øll stigini. Nógv er broytt hesa seinastu vikuna. KÍ hevur lyft seg av aftasta plássinum og hevur langt um leingi fingið samband við ovaru liðini á stigatalvuni. Nú er summarsteðgur, og tað verður væntað, at nýggj andlit verða at síggja í hópinum. Eitt sindur harmi­ ligt hjá ungu leikarunum, sum fara at standa í skugg­a­ n­um av teimum eldru. Men leiðslan kann ikki satsa, og noyðist at tryggja sær nýtt fólk í royndini at varðveita sætið í deildini. ÍF er aftur í niðurflyting­ arvanda. Fuglfirðingar hava sjáldan veruliga verið við undurlutan, men tað sæst ikki aftur á stigatalvuni. Eftir summarsteðgin verður Rógvi Jacobsen aftur tøkur, og tað er vónin í Fuglafirði, at hann skýtur liðið aftur á rætta kós. Leikaratilfarið er betri enn til áttanda plássið. Úrtøkan hevur ikki verið nøktandi, og Jón Simonsen, venjari, er tískil trýstur í løtuni. ÍF KÍ KÍ – ÍF 3-2 (2-2): KÍ er við aftur Ferðin og intensiteturin var í toppi. Og tá KÍ við seinasta sparinum í dystinum avgjørdi, var talan samstundis um dramatikk fyri allar pengarnar í Klaksvík savnsmynd Aftur eitt Real-keyp Real Madrid hevur enn einaferð styrkt sær um hópin. Hesa ferð hevur felagið keypt verjuspælaran, Raul Albiol, úr Valencia fyri 112 milliónir. 23 ára gamli spælarin hevur eisini verið eitt av transfer-málunum hjá Liverpool, men nú hevur hann so sett undirskriftina á ein fimm-ára sáttmála við kongaliga spanska felagið. Ronaldo stóð læknaroyndina Tað gerst alt meira víst, at Cristiano Ronaldo í næstum skrivar undir við Real Madrid. Í gjár var porugisiska stjørnan til vanligu lækna­ kanningina í Madrid, og her funnu læknarnir einki, sum skuldi forða fyri einum skifti. Nú restar bert, at Real Madrid og Ronaldo semjast um persónligu treytirnar fyri sáttmálanum, áðrenn Real Madrid enn einaferð setir nýtt met fyri keypsprís av fótbóltsspælara.