fríggjadagur 3. juli 2009síða 22

16 Sosialurin • Nr. 125 - 3. juli 2009 Á varmakeldu kunnu børn keypa sær vikuskiftisband, sum varar frá fríggja­ kvøld inum til og við sunnu kvøldið. Tá kunnu tey hoppa út í eitt fyri 300 krónur í tríggjar dagar. Er talan um systkin, verður avsláttur á 25% latin Tivoli-økið á varmakeldu plagar at vera vælumtókt av børnum og ungum, og ikki minst tær mongu og ymisku hoppi-og skreiði- borgirnar plaga at draga nógv fólk til sín, um viðrar. Vónbjørt Olsen, sum er í stevnunevndini, sigur, at tey fara at selja vikuskiftisbond til hoppiborgirnar, sum verða einar 5 ella 6 í tali, og hesi kunnu keypast fyri 300 krónur fyri tríggjar dagar. - Vit geva eisini systkina- avsláttur, soleiðis at er talan um meira enn tað eina barnið, verður 25% avsláttur latin. Hinvegin kunnu børn eisini keypa sær bond, sum vara í eina dag, men Vónbjørt leggur dent á, at tað er bíligari at keypa eitt band fyri allar tríggjar dagarnar, fríggja- dagin, leygardagin og sunnu- dagin. Hon vísir á, at bondini fyri ein og ein dag í senn eru bíligast fríggjakvøldið og sunnudagin, tí hesir báðir stevnudagarnir eru styttri enn leygardagurin, sum er tann langi dagurin. - Fyri 300 krónur, um eingin systkinaavsláttur er, kunnu børnini soleiðis hoppa akkurát, sum tey vilja í tríggjar dagar í slag, sigur Vónbjørt Olsen. Hon vísir á, at alt tivoli-økið kemur at liggja á økinum við Mentanarhúsið. - Fríggjakvøldið letur tivoli upp klokkan 19 og verður opið til klokkan 23, leygardagin letur uppaftur klokkan 14 og verður opið til klokkan 23. Sunnudagin klokkan 14 er aftur tivoli á skránni, sum letur aftur seinastu ferð á hesum sinni klokkan 21.30, sigur Vónbjørt Olsen. –––––––––––––––––––––––––––– Vilmund Jacobsen vilmund@sosialurin.fo Tú kanst hoppa alt vikuskiftið fyri 300 krónur Tað er umtókt millum børn og ung at hoppa í hoppiborg, og á varmakeldu kanst tú keypa tær óteljandi hopp fyri 300 krónur eitt heilt vikuskifti Fuglafjørður bjóðar morgunmat Aftur í ár fer Fuglafjarðar kommuna at bjóða fólki til morgunmatarborð í Mentanarhúsinum, har øll eru vælkomin at fáa sær ein bita og hitta vinir og kenningar Á varmakeldu í fjør bjóðaði Fuglafjarðar kommuna øllum, sum høvdu hug til tess, til morgunmatarborð í Mentanar- húsinum. Tiltakið var so væl eydnað, at kommunan hevur gjørt av aftur í ár at bjóða morgunmatarborð, sum letur upp leygarmorgunin klokkan 9. Vónbjørt Olsen, sum er í stevnunevndini, sigur, at tey, sum møttu upp til morgunmatarborðið í fjør, fingu góðan morgunmat, og hon ivast onga løtu í, at áhugin fyri borðinum eisini verður stórur hesaferð. Samvera og prát - Eg haldi, at hetta tiltak riggaði óføra væl. Veðrið var so gott, og nógv fólk serliga úr Fugla- fjarðarøkinum leitaðu sær oman í Mentanarhúsið til morgunmat, prát og samveru eina løtu. Hon sigur, at tú komst í prát við nógv ymisk fólk, og hetta var líka sum ein góð byrjar upp á leygardagin, tá flestu stevnutiltøkini eru. - Tú møtti fólkum, tú kanska ikki sært so ofta, og so fall prátið yvir á leyst og fast hesa løtu, vit vóru savnaði í Mentanarhúsinum til morgunmatarborð. Jú, eg haldi, at hetta var sera hugnaligt, sigur Vónbjørt Olsen. - Eg haldi, at morgunmatartiltakið í Mentanar- húsinum eydnaðist óføra væl í fjør, og nú verður tiltakið so uppafturtikið, sigur Vónbjørt Olsen