mikudagur 8. juli 2009síða 11

11 tíðindi Nr. 128 - 8. juli 2009 Kommunustýrið í Sunda Kommunu arbeiðir nú við at samskipa alt skúlaøkið. Endamálið er ikki at niðurleggja skúlar, men at lyfta skúlaskapin upp á hægri støði og at fáa eina betri undir­ vísing, sigur borgar­ stjórin SkúlaSkapur Áki Bertholdsen aki@sosialurin.fo - Endamálið er ikki at leggja skúlar niður. Enda- málið er at fáa eina betri undirvísing. Tað er orsøkin til at tey í Sunda kommunu hava tikið stig til at samskipa allan skúlaskapin í økinum, sigur Kim Durhuus, borgarstjóri. Í løtuni eru seks skúlar í kommununi umframt fram- haldsdeildin í Felagsskúlan- um á Oyrarbakka, har næm- ingar av Eiði eisini ganga. Borgarstjórin sigur, at mentamálaráðið hevur lagt upp til finna eitt royndarøki, har skúlaskapurin verður savnaður í størri eindir fyri at fáa betri skúlar og betri undirvísing. - Í tí sambandi hava vit so havt følara frammi fyri at vita um mentamálaráðið hevur áhuga fyri at gera um at brúka Sunda kommunu sum royndarøki. Og tað hevur mentamála- ráðið áhuga í. - Vit vilja fegin fáa sum mest burtur úr teimum krón- um, vit brúka upp á skúla- skapin í Kommununi og samstundis eru vit sannførd um, at samskipa vit skúla- skapin í størri eindir, fer tað at geva eina betri undir- vísing, sigur Kim Durhuus. Tað er okkara fremsta rað- festing, leggur hann afturat. Hann leggur afturat, at tað snýr seg eisini um at leggja skúlaskapin so til rættis, at tað eggjar lærarum til at søkja og sum støðan er nú, er tað tórført hjá teimum smáu bygdaskúlunum at fáa lærarar. Hann staðfestir eisini, at mentamálaráðið hevur gjørt vart við, at framyvir skulu vit ikki vænta, at játtanin til fólkaskúlan fer at veksa og at tað tí er neyðugt at gagn- nýta játtanina sum best. Eitt skúlaøki Í hesum sambandi verður lagt upp til at gera alla Sunda Kommunu og Eiði til eitt felags skúlaøki og at samskipa skúlaskapin í økinum. Verður Felagsskúlin á Oyrarbakka taldur við, eru útvið 350 skúlanæmngar í økinum. Á Eiði hava tey ikki tikið støðu til málið enn, men tað fara tey væntandi at gera beint eftir summarfrítíðina. - Men verður Eiði ikki við, ætla vit kortini at arbeiða víðari við ætlanini, men so verður tað bara Sunda kommuna, sum verð- ur skipað í eitt felags skúla- øki, sigur Borgarstjórin. Kortini ásannar Kim Dur- huus, at tað skerst ikki burt- ur, at verður skúlaskapurin savnaður í størri eindir, verða tað eisini færri skúlar og sostatt eisini færri skúla- bygningar hjá kommununi at halda. - Men tað skuldi so aftur gjørt kommununa føra fyri at gagnnýtt játtanina til skúl- arnar betri, leggur hann aft- urat. Neystabø fegnast Helena Dam á Neystabø fegnast, at Sunda og Eiðis kommunur leggja upp til samstarv um skúlaøkini. - Eg havi verið á nøkr- um fundum við kommun- urnar, og tað ljóðar posit- ivt hjá teimum. Hinvegin havi eg onki endaligt uppskot hoyrt, men tað er gleðiligt, at arbeitt verður við størri skúla- økjum, sigur landsstýris- kvinnan. Hon leggur afturat, at tað bara verður ein fyri- munur hjá teimum, sum leggja saman í dag, tí skuldu tvungnar saman- leggingar verðið, so verða færri møguleikar hjá hvørjum øki. - Málið er sjálvandi, at hava ein sterkari fólka- skúla, sum klárar seg betri fakliga. Hinvegin kann peningur eisini spar- ast, so tað eru avgjørdir fyrimunir, staðfestir hon. -eij Tom Joensen, for­ maður í trivnaðar­ nevndini hjá Eiðis kommunu, staðfestir, at Eiðis kommuna er opin fyri møguleik­ anum, at skipa Sunda­ lagið og Eiði í eitt skúlaøki Skúli Eirikur í Jákupsstovu eij@sosialurin.fo Eiðis kommuna er opin fyri einum dialogi um skúlarnar í økinum, men tað skal ikki bara vera Sunda kommuna, ið er á fundunum. - Sunda kommuna hevur eitt uppskot at hava tveir skúlar í øllum økinum. Soleiðis at skúlarnir á Oyr- arbakka og Eiðis skúli eru teir, ið verða nýttir. Somu- leiðis hugsa tey at hava barnaskúlan har suðuri og eldru børnini her norðuri. Hetta vilja vit síggja burtur frá, tí tá veruligu fundirnir byrja, skal pappírið vera blankt, sigur Tom Joensen, formaður í trivnaðarnevnd- ini í Eiðis kommunu. Rólant Poulsen, borgar- stjóri í Eiðis kommunu, tek- ur undir við hesum. - Tekur tú børnini úr eini bygd, so avtoftar tú hana. Og tað vilja vit sjálvandi ikki, sigur hann. Kim Durhuus, borgarstjóri í Sunda kommunu, greiðir somuleiðis frá, at pappírið skal vera tømt, tá fyrsti fundurin í nevndini fyri skúlaøkið verður. Smáu børnini Limirnir í Sunda- og Eiðis kommunu, eru eisini rør- andi samdir um, at tað verða smæstu børnini, sum verða økið, ið er størsta avbjóðingin í tilgongdini til eitt skúlaøki á Eiði og í Sundalagnum. - Vit kunnu koma í støð- una, at børnini frá fyrsta flokki fara av bygdini í skúla, og tað vilja vit treyð- ugt, sigur Rólant Poulsen. Kim Durhuus dugir eisini at síggja hendan trupulleik- an. - Tað verður torført við smæstu børnunum. Tað verður ein spurningur, hvat foreldur og so framvegis vilja gera við smæstu børn- unum, sigur borgarstjórin í Sunda kommunu. Hini mangla pláss Kommunustýrislimirnir í Eiðis kommunu, leggja eis- ini stóran dent á, at Eiðis kommuna ikki hevur nakran trupulleika við verandi skúlaskipan, men at tað er Sunda kommuna, sum ikki hevur nóg mikið av plássi í teirra størru skúlum. - Vit hava eitt frálíkt sam- starv við felagsskúlanum, og hava nóg mikið av plássi í Eiðis skúla. Men sjálvandi vilja vit vera við, um tað hjálpir teimum og gevur okkum ein betri skúla, sigur Tom Joensen. Enn er tó onki avgjørt, hvussu skúlarnir skulu skip- ast, og frá augustmánaði verða eftir øllum at døma fundir, um hvussu verður við ætlanini við víðkaða samstarvinum um skúlar í Sundalagnum og Eiði. Tillaga barnaskúlar í Sundalagnum Eiði er við Í løtuni eru útlit fyri, at Eiðis og Sunda kommunur fara at víðka samstarvið, sum hevur verið um framhaldsdeildir frá 70árunum, til eisini at umfata barnaskúlar Tilgjørd mynd 3,75 milliónir í handskarúminum Í seks vikur vistu eini hjún á Norðursælandi als ikki av, at tey vóru ein av fýra lotto-vinnarum. Tá lotto-tølini vórðu drigin 9. mai, vóru fýra seðlar, sum vunnu 3.750.000 krónur hvør. Tríggir vinnarar vendu sær alt fyri eitt til Danske Spil, men ikki fyrr enn nú er fjórði vinnarin komin undan kavi. Talan var um eini hjún á Norðursælandi, sum als ikki vistu av, at tey høvdu vunnið. - Eg hevði lagt kvittanirnar í handskarúmið í bilinum. Eg sá tær aftur ein dagin, tá eg skuldi keypa inn, og so helt eg, at eg líka skuldi kanna eftir, um tær høvdu vunnið, sigur kvinnan, sum ikki vil hava sítt navn fram í miðlunum, við Danske Spil. Hon upplýsir tó, at hon og maðurin eru í 30’unum og hava tvey børn. Kreppan er av í heyst Greinarar hjá Danske Bank meta, at seinna hálvár í ár verður búskaparvøkstur í Danmark.Tað skrivar heimasíðan, epn.dk. - Fallið í nýtstluni og útflutninginum er at kalla burtur, og spakuliga hóma vit positivar tendensir verður sagt í frágreiðing, sum heimasíðan hevur fingið hendur á. Samanlagt verður talan helst um eina búskaparminking upp á 3,5% í ár í mun til 2008, men hetta stavar fyrst og fremst frá búskaparfallinum í fjør heyst og í vár. Víðari skriva greinararnir, at búskaparvøksturin í 2010 helst verður um 0,8%, og at árinini av fíggjarligu átøkunum veruliga koma til sjóndar í 2011.