leygardagur 27. oktober 2001síða 8

Nr. 208 - 27. oktober 2001 15 Flogbóltur: Hvørki TB ella Fram spælir hetta vikuskiftið, og tí eru tað liðini undir teimum, sum nú skulu royna at fylgja við Bæði TB og Fram hjá ávikavist kvinnum og monnum hava frí hetta vikuskifti, og tí verða dystirnir í dag og í morgin fyrst og fremst avgerandi fyri, hvørji lið verða størstu kappingarneytarnir hjá hesum báðum í byrjanini av kappingini. Hjá kvinnunum er tað soleiðis, at TB hevur fingið best hugsandi byrjan og hevur vunnið tveir dystir, meðan øll hini liðini longu hava tapt. Í dag vitja føroyameistar- arnir úr Drátti í Havn, og um alt gongur eftir vild hjá teimum, vinna tær móti Fleyr, sum ikki sær út til at vera so sterkt í ár. Tær taptu 3-0 móti ÍF, meðan Dráttur hevur vunnið 3-1 móti ÍF, so tað skuldi verið løgið, um Dráttur ikki vinnur í dag. Hin dysturin í bestu kvinnudeildini er í Klaks- vík í morgin millum Mjøln- ir og ÍF. Mjølnir tapti í fyrsta umfari móti TB og hava ikki spælt síðani, so tær verða ivaleyst grammar eftir at fáa fyrstu stigini í morgin. ÍF eigur eisini at vera ein yvirkomilig upp- gáva, men hava eysturoyar- kvinnurnar ein góðan dag, kunnu tær hótta Mjølnir, eisini á útivølli. Men Mjølnir er favorittur undan dystinum. Fram fær ein granna Hjá monnunum sleppur oddaliðið Fram undan at spæla hetta vikuskifti. Í Gundadalshøllini verð- ur dystur millum Fleyr og SÍ í dag. Hetta sær út til at kunna gerast ein sera spennandi dystur, tí bæði liðini hava ætlanir um at vera við í oddastríðnum í ár. Bæði Fleyr og SÍ hava longu vunnið móti ÍF, og vinnarin í dag kemur upp á sama stigatal sum Fram, sum sostatt fær ein granna á stigatalvuni. Spurning- urin er bara, um tað verður Fleyr ella SÍ. Fleyr fekk eina góða byrjan uppá kappingina við at vinna 3-0 á Kambsdali, meðan SÍ síðsta leygardag tapti móti Fram og sostatt upplivdi eitt sindur av mótgangi fyri fyrstu ferð í hesum kappingarárinum. Spennandi verður at síggja, um teir so hava rist hetta tapið av sær, ella um Fleyr eins og Fram stendur við fullum stigatali aftaná tveir teir fyrstu dystirnar. Hin dysturin hjá monn- um verður í Klaksvík í morgin, og eins og hjá kvinnunum eru tað Mjølnir og ÍF, sum spæla. Hetta er so tann avgjørdi botndyst- urin í kappingini, tí higartil hevur hvørki av liðunum fingið stig. ÍF hevur tapt tvær ferðir og hevur enn ikki vunnið eitt sett, meðan Mjølnir tapti tepurt 2-3 móti Fram í teirra higartil einasta dysti í kappingini. Tí kundi okkurt bent á, at Mjølnir í løtuni er eitt sindur betur fyri enn ÍF. Hvussu er og ikki, so er tað heilt vist, at taparin av hesum dystinum sum tað einasta liði stendur uttan stig sunnukvøldið, og tað er ein støða, sum hvørki av liðunum ynskir at koma í. Tí kunnu vit rokna við, at tað verður kempað hart um hvønn einasta bólt í Klaksvík í morgin. Dystir og støða – kvinnur: 27/10: Fleyr-Dráttur 13.00 Gundadalshøllin 28/10: Mjølnir-ÍF 17.00 Klaksvík TB 2 2-0 6-0 4 ÍF 2 1-1 4-3 2 Dráttur 2 1-1 3-4 2 Fleyr 1 0-1 0-3 0 Mjølnir 1 0-1 0-3 0 Dystir og støða – menn: 27/10: Fleyr-SÍ 15.00 Gundadalshøllin 28/10: Mjølnir-ÍF 15.00 Klaksvík Fram 2 2-0 5-3 4 Fleyr 1 1-0 3-0 2 SÍ 2 1-1 4-3 2 Mjølnir 1 0-1 2-3 0 ÍF 2 0-2 0-6 0 Oddaliðini hava frí Dráttur vitja um vikuskiftið í Havn, har dystur er ímóti Fleyr. Í Klaksvík spæla Mjølnir og ÍF Hvørki Mjølnir ella ÍF hava fingið stig í sínum dystum higartil í ár, og tí ræður um at vinna, tá liðini hittast í Klaksvík sunnudagin 15 14 Nr. 208 - 27. oktober 2001 Seinastu tíggju árini er tað bara eina ferð komið fyri, at besti málskjúttin í landskappingini hevur verið á liðnum, sum hevur vunnið FM FÓTBÓLTUR Jóannes Hansen Besti málskjúttin í farna kappingarárinum var Helgi Lamhauge Petersen. Helgi skoraði nítjan mál fyri silvurvinnararnar í GÍ. Í kvøld – tá gylti skógvurin verður handaður honum – verður tað síðsta ferðin, at Helgi fer at umboða GÍ – í hesum umfarinum í hvussu so er. Komandi kappingarár fer hann at spæla við NSÍ. Árið í ár var tíggjunda kappingarárið, síðani før- oysk feløg fyrstu ferð spældu við í Europa Cup. Tá føroysk feløg fóru at taka lut í europeisku kapp- ingunum, varð alt meiri gjørt fyri at hava skil á hagtølunum, m. a. hvør skoraði málini í einstøku dystunum og harvið eisini hvussu máltindurin sá út. Á onkrum av fótbólts- heimasíðunum eru yvirlit yvir dystir og úrslit nógv longri aftur, og t. d. á heimasíðuni hjá B68 sæst hvør hevur skorað málini. Sjáldan meistari Í fótbóltsárbókunum, sum eru komnar síðani 1992, eru fullfíggjað yvirlit, sum vísa allar málskorarnar í øllum dystunum, og harvið er máltindurin eisini full- fíggjaður. Merkisvert er tað, at hesi seinastu tíggju árini er tað bara eina ferð komið fyri, at besti málskjúttin hevur umboðað tað liðið, sum vann FM heitið. Tað var í 1994. Gí var meistari annað árið á rað, og fyrsta árið, hann spældi við GÍ, var John Petersen toppskjútti. Øll hini árini hevur besti málskjúttin spælt við øðrum liðum enn meistara- liðnum. Drúgvir Sjey ymiskir spælarar hava verið toppskjúttar tey sein- astu tíggju árini. Tríggir hava verið toppskjúttar tvær ferðir – Uni Arge, Jákup á Borg, og Súni Fríði Johannesen – og bara Jákup á Borg hevur verið topp- skjútti tvey ár á rað. Tað er stórur munur á, hvussu mong mál topp- skjúttarnir hava skorað tey ymisku árini. Lægsta talið var í 1993, tá Uni Arge var besti málskjúttin við ellivu málum. Men Uni Arge var so nógv bestur, tí Torbjørn Jensen hjá B71 skoraði næstflest – átta mál! Uni Arge er eisini annar av tveimum, sum hevur skorað flest mál í hesum tíggju ára skeiðnum. HB álopsmaðurin skoraði 24 ferðir í 1997, tá HB fekk silvurmerkini, og B36 vann gull. Hetta var sama talið, sum Súni Fríði Johannesen rakk í 1995, tá B68 fekk bronsukrónurnar, og HB fekk silvur – hesa ferð aftanfyri GÍ. Tað ber ikki til at siga annað, enn at toppskjúttarnir tíggju tey seinastu árini hava verið rættuliga drúgvir í fremstu røð. Símun Petur Justinus- sen, sum var toppskjútti í 1992, er tann einasti av teimum, sum ikki hevur verið í 1. deild í ár, men hann tænti fyri seg í bestu deildini. Frá tí at GÍ kom í 1. deild í 1980 og fram til 1999, tá hann spældi við í fimm landskappingardyst- um, var Símun Petur Justin- ussen við í fremstu røð. Klaksvíkar Róðrar- felag hevur fingið eitt 5–mannafar afturat, og fyrst í komandi ári fáa teir eitt nýtt 10–mannafar KAPPRÓÐUR Jóannes Hansen Í summar kom Klaks- víkin aftur á føroyska kappróðrarkortið, og tað var ikki við mýkindum. Teir vunnu trý meistara- heiti – 5–mannafør gent- ur, 6–mannafør kvinnur og 8–mannafør. Og nú arbeiðir Klaks- víkar Róðrarfelag fyri at skapa møguleikar fyri uppaftur fleiri sigrum og meistaraskapum. Sambært heimasíðuna hjá felagnum – krf.fo – fáa klaksvíkingar tveir nýggjar bátar afturat. Tað er Sámal Hansen í Runavík, sum smíðar. Hann er longu liðugur við 5–mannafarið, sum er komið til Klaksvíkar, og hann er farin undir 10–mannafarið, sum teir rokna við verður liðugt frá bátasmiðinum ikki so langt eftir ársskiftið. Norðoya Sparikassi, sum er høvuðsstuðul hjá Róðrarfelagnum, hevur goldið fyri 5–manna- farið. Einki stendur á heimasíðuni um, hvør skal rinda fyri 10– mannafarið. Tá manningarnar í summar komu aftur av vestanstevnuni við trim- um FM sigrum, var sera nógv fólk komið saman í góðveðrinum. Tá helt onkur fyri, at um teir høvdu farið runt við bússuni tað kvøldið, so hevði ikki verið langt frá, at teir høvdu fingið fyri eitt 10–mannafar! Rúm fyri tólv manningum Klaksvíkar Róðrarfelag eigur eitt stórt og rúm- ligt neyst á Tingstøðni á Biskupsstøð, men nú fer so smátt at fyllast í neystinum. Í fjør og í ár fekk fe- lagið eina nýggja Fípuna Føgru, ein nýggjan Páll Fanga og eitt nýtt Nevið Reyða. Umframt hesar bátarnar vóru farmman- undan eitt 5–mannafar, sum nú eitur Snípan, og so 8–mannafarið Hav- renningur. Nú fara átta kappróðrarbátar at standa í neystinum. Um allir átta bátarnir fara at verða flotaðir og nýttir til kappróður komandi kappingarár (tað er rúm fyri ikki færri enn tólv manning- um!) er ikki avgjørt enn. Gamli Klaksvíkingur luttók ikki í kappingini í ár. Tá tað royndist væl hjá hinum manningun- um, varð nógv tosað um, at tað hevði verið prikk- urin yvir i–num, um tað hevði eydnast at tikið lut í kappingini millum 10–mannaførini og at staðið seg væl. Nú letur til, at teir hava ítøkiliga ætlanir um at gera dreymin til veruleika. Tveir kappróðrarbátar afturat til Klaksvíkar Toppskjúttar 1992–2001 Ár FM Spælari Felag Mál 1992 B68 Símun P. Justinussen GÍ 14 1993 GÍ Uni Arge HB 11 1994 GÍ John Petersen GÍ 21 1995 GÍ Súni Fríði Johannesen B68 24 1996 GÍ Kurt Mørkøre KÍ 20 1997 B36 Uni Arge HB 24 1998 HB Jákup á Borg B36 20 1999 KÍ Jákup á Borg B36 17 2000 VB Súni Fríði Johannesen B68 16 2001 B36 Helgi L. Petersen GÍ 19 Máltindurin 2001 Helgi L. Petersen GÍ 19 John Petersen B36 16 Fróði Benjaminsen B68 13 Heðin á Lakjuni B36 12 Birgir Jørgensen VB 12 Súni Fríði Johannesen B68 11 Kurt Mørkøre KÍ 9 Krzystof Popczynski VB 9 Jákup á Borg B36 8 Sorin Anghel EB/Str. 8 Óli Hansen GÍ 8 Allan Mørkøre HB 7 Marek Wierzbicki VB 7 Eli Hentze B71 6 Jón Sigurd Gleðisheygg EB/Str. 6 Tór–Ingar Akselsen FS Vágar 6 Henning Jarnskor GÍ 6 Sámal Joensen GÍ 6 Alexander Djordjevic KÍ 6 Magni á Lakjuni B36 5 Marcello Marcellino B68 5 Jón Rói Jacobsen HB 5 Gunnar Mohr HB 5 Sjúrður Jacobsen NSÍ 5 Sonni L. Petersen NSÍ 5 Robert Cieslewicz VB 5 Jón Pauli Olsen VB 5 Kenneth Jacobsen B36 4 Rógvi Jacobsen HB 4 Arnold Joensen B68 3 Kári Reynheim B71 3 Birgir Joensen FS Vágar 3 Hannus Olsen FS Vágar 3 Bartal Eliassen GÍ 3 Zdzislaw Janik GÍ 3 Uni Arge HB 3 Bárður Mortansson HB 3 Fríðin Ziskason KÍ 3 Ken Nónklett NSÍ 3 Jens Kristian Hansen B36 2 Klæmint Matras B36 2 Mortan Hansen B68 2 Øssur Hansen B68 2 Jógvan Jón Petersen B71 2 Ronnie Samuelsen EB/Str. 2 Sonni Johansen FS Vágar 2 Poul Ennigarð GÍ 2 Áslakur R. Petersen GÍ 2 Harley Bertholdsen KÍ 2 Ove Nysted KÍ 2 Djóni N. Joensen NSÍ 2 Gert Langgaard NSÍ 2 Eddie Mikkelsen NSÍ 2 Marner Richardt VB 2 Toppskjúttin hevur sjáldan verið á meistaraliðnum Helgi L. Petersen var besti máskjúttin í landskappingini í fótbólti. Leygarkvøldið verður hann heiðraður fyr hetta C M Y K 14