hósdagur 6. august 2009síða 10

10 tíðindi Nr. 147 - 6. august 2009 Norðmenn selja nógvan fisk Í juli útflutti Noreg fisk og fiskavørur fyri 3,3 milliardir norskar krónur, og tað var heili 28 prosent meiri enn í juli í fjør, skrivar NTB. Sagt verður, at góður laksaprísur og tann veika norska krónan eru meginorsøkin til tey stóru tølini. Teir fyrstu sjey mánaðirnar í ár hava norðmenn útflutt fiskavørur fyri tilsamans 23,8 milliardir norskar krónur, sum er 3,7 milliardir meiri enn í sama tíðarskeiði í 2008. Sambært norskum fjølmiðlum hevur útflutningsvirðið á fiskavørum ongantíð verið so stórt fyri. Sarkozy hóttanarbræv Løgreglan í Fraklandi legði í gjár hald á eitt hóttanarbræv, sum var sent landsins forseta, Nicolas Sarkozy. Umframt sjálvt brævið var eitt patrónhylki í brævbjálvanum. Forsetin fekk tó ongantíð brævið, tí tað bleiv avdúkað á einari postskiljistøð í býnum Montpellier har suðuri í landinum. Sambært løgregluni stóð í brævinum, at forsetin fer at verða fyri einari vanlukku um stutta tíð. Hetta er ikki fyrstu ferð, at leiðandi franskir politikarar fáa hóttanarbrøv, og í fjør varð ein maður tikin fyri at hava sent fleiri ráðharrum hóttanarbrøv. Um eitt ár ella so verður eingin M.J.Saltsøla á vestaru bryggju í Havn, men á Toftum í staðin. Um stutta tíð verður farið undir at byggja nýggjan bygning til M.J. Saltsølu á ídnaðarøkinum Inni á Rætt á Toftum, har alt virksemið hjá felagnum síðan verður savnað VinnulíV Vilmund Jacobsen vilmund@sosialurin.fo P/F M.J. Saltsølan skal flyta úr Havn og inn á Toftir. Bygningurin, sum skal byggjast á Toftum til salt­ goymslu og skrivstovu, verður einar 1300­1600 fermetrar stórur. Nýggja goymslan verður í rúmmáti nakað minni enn silo’in, sum M.J.Saltsøla hevur á vestaru bryggju, men samlaða gólvvíddin á Toftum verður nógv størri. Tað er Tórshavnar havn, sum eigur goymsluna á vest­ aru bryggju, ið saltsølan leigar. Saltgoymslan, sum er ein stór silo, er bygd í 1998. Um eitt ár Ímyndin av M.J.Saltsøluni gjøgnum nógvu tey seinastu árini hevur verið Mortan Johannesen, Mortan hjá Hans Paula í Hvannasundi. Mortan er ikki líka virkin í fyritøkuni longur, og nú er tað sonurin, Magni Johanne­ sen, sum er stjóri í felagnum. Mortan er tó framvegis nevndarformaður í P/F M.J. Saltsølan. Magni Johannesen sigur, at gongst sum ætlað, verður farið undir bygging á Toftum um stutta tíð, og ætlanin er, at nýggi bygn­ ingurin skal standa klárur at taka í nýtslu um eitt ár ella so. Tað er Nes kommuna, sum eigur og hevur planerað ídnaðarøkið Inni á Rætt, har goymslan skal byggjast, men tað verður M.J.Saltsøla, sum kemur at eiga og reka bygningin og virksemið, ið har verður. Ein saltgoymsla og søla krevur ikki nógv arbeiðs­ fólk, og í starvi hjá fyritøk­ uni eru stjóri og goymslu­ maður. Hinvegin skapar slíkt virksemi ringvirkningar, sum eitt nú er koyring. ­ Vit bjóða eisini koyring við salti um eitt felag, sum vit hava avtalu við, men hava viðskiftafólk sína egnu loysn, er tað eisini í lagi, sigur Magni Johannesen. Gott samstarv Stjórin í M.J. Saltsøluni letur væl at samstarvinum, sum hevur verið millum fyri­ tøkuna og Nes kommunu. ­ Jú, vit eru sera væl nøgd­ ir við vælvildina hjá komm­ ununi, nú vit hava arbeitt við hesi verkætlan, sigur hann. Á ídnaðarøkinum, har saltgoymslan verður bygd, er eingin bryggjukantur í løtuni. ­ Sjálvandi er tað ein fyrimunur, um bryggju­ kantur kemur, og vit vænta eisini, at hesin fer at koma, sigur Magni. Spurdur, hvørji fyrimunir­ nir eru við at flyta goymsl­ una inn á Toftir, sigur stjór­ in, at felagið sum veitari verður nærri teimum stóru viðskiftafeløgunum, ið virksemið hevur. ­ Millum stóru viðskifta­ feløgini hjá okkum eru eitt nú saltfiskavirkini Faroe Seafood á Toftum, Vaðhorn á Strondum og Fiskavirkið í Gøtu, sum øll liggja í økinum. Hann vísir á, at onnur feløg, ið M.J.Saltsøla eisini er veitari hjá, eru eitt nú Delta Seafood á Tvøroyri. Haraftrat eru onnur feløg, ið keypa salt. ­ Vit selja eini 14.000­ 16.000 tons av salti um árið, og soleiðis eru vit størsti veitari í Føroyum, leggur Magni aftrat. Saltið, sum M.J. Saltsøla selir í Føroyum, kemur eins og áður av Miðjarðarhavs­ oynni, Ibiza. Føroysk Saltsøla Fara vit aftur í tíðina, var tað Hans Pauli Johannesen, sáli, sum í 1956 stovnaði Føroysk Saltsøla, sum í 1994/1994 broytti navn til M.J. Saltsøla. Magni Johannesen, sum soleiðis er abbasonur Hans Paula, hevur í løtuni ikki hug at siga, hvussu stór íløgan hjá M.J. Saltsølu á Toftum verður. Saltgoymsla á Toftum M.J. Saltsøla fer at byggja eina stóra saltgoymslu niðanfyri bygningin hjá Sea Star á nýggja ídnaðarøkinum Inni á Rætt á Toftum Mynd: Vilmund Jacobsen