mánadagur 10. august 2009síða 32

32 ÍTRÓTTARBLAÐIÐ Sosialurin 10. august 2009 – Nr. 149 Real Madrid stórsigur í venjingardysti Ikki færri enn fýra debutantar vóru millum leikararnar, tá Real Madrid vann 5-1 á Toronto fríggjakvøldið. Kaká, Xabi Alonso, Alvaro Arbeloa og Raul Bravo vóru allir á vøllinum í stórsigrinum, tá uttan at teljast millum málskjúttarnar. Raul við tveimum málum og so ein annar nógv umrøddur leikari, Ronaldo, syrgdu fyri, at hálvleiksstøðan var 3-0. Eftir steðgin skoraði eisini ein nýggjur leikari, tá Benzema fekk bóltin í netið. Arjen Robben var seinasti leikarin, sum skoraði fyri Real Madrid. Alonso stýrdi miðvøllinum Venjingarlegan hjá Real Madrid í USA heldur áfram, og sunnudagin spældi venjingardyst í móti DC United. Í hesum dysti var tað Xabi Alonso, sum stýrdi miðvøllinum fyrsta góða tíman av dystinum, áðrenn hann varð skiftur út. Málunum tók ein landsmaðurin hansara av, tí áleyparin Higuain gjørdi tvey mál. Tað triðja málið gjørdi Robben, sum eisini skoraði, tá Real Madrid spældi í móti Toronto fríggjakvøldið. B36 tapti aftur og er nú undir trýsti í niður­ flytingarstríðnum. Finnur Justinussen fekk tvey mál leygardagin og er nú greiður toppskjútti í Vodafonedeildini FÓTBÓLTUR Uni Holm Johannesen uni@sosialurin.fo B36 er nú av álvara partur av niður- flytingarstríðnum. Leygardagin noyddust hvítklæddu havnar menn- inir aftur av vøllinum uttan stig. Triðju ferð upp í slag tapti høvuðs- staðarfelagið, og tað eru í løtuni lítið sum bendir á, at støðan verður betri í bræði. Eingin stuðul Festivalur var í Klaksvík um viku- skiftið. Tað er helst ein orsøk til, at fáir B36-fjepparar vóru til dyst leygardagin. Men tað er neyvan øll frágreiðingin. Stuðulin til liðið er ikki serliga stórur í hesum døgum. Nógv meira enn helmingurin av sitiplássunum í B36-húsinum vóru ikki nýtt til leygar dagin. Tað var sjáldan, at áskoðararnir eggjaðu sínum leikarum við herðaklappum og øðrum. Tað er víst, at felagið er í óvandari støðu. Aftur um vikuskiftið kundi B36 við eitt sindur av hepni og neyv- leika fingið stig. Men soleiðis er hvørjaferð. Hóast liðið er við í dystinum leikliga, sæst tað ikki á stigatalvuni. Venjarin Fjeppararnir fegnaðust, tá tað var kunngjørt, at Mikkjal K. Thomassen hevði tikið á seg uppgávuna at standa á odda fyri besta mans lið- num hjá B36 í 2009. Fyrrverandi miðvallarkempan er høgt í metum millum áskoðararnar, og tí varð vónað, at hann fór at standa seg væl. Tað hevur hann ikki higartil. Thomassen hevur ikki havt lættar umstøður. Fleiri yngru leikarar royna seg á fyrsta sinni í bestu deildini, og skaðar hava givið hon- um trupulleikar. Men leikaratilfarið er betri enn at stríðast um niður- flyting. Við Brima Koroma, Odmari Færø, Jákupi á Borg, Klæminti Matras, Herberti í Lon Jacobsen og Dennis Holmberg á liðnum eigur B36 at vera í miðbólkinum á stigatalvuni. Men eftir eina frálíka byrjan, hevur B36 bara vunnið eina ferð síðan 19. apríl. Tað var í 11. umfari á heimavølli móti 07 Vestur. Venjarin er kroystur. Spurning- urin er, hvussu tryggur hann situr í venjarasessinum nú. Hann skal syrgja fyri, at liðið er til reiðar at bjóða av í gullstríðnum í 2010. Men í løtuni ræður fyrst og fremst um at varðveita sætið í deildini. Men tað er ikki verri enn so, at trý stig næstuferð kann geva liðnum luft aftur. Fann aftur málið Finnur Justinussen finnur altíð málið. Tað gjørdi hann aftur leygardagin. Í tveimum reisum. 19 ára gamli Justinussen er í løtuni toppskjútti í Vodafone- deildini. Hann roynir seg í bestu deildini á fyrsta sinni, og framherjin hevur av álvara gjørt vart við seg. Hann luttekur ikki serliga nógv í framrættaða spælinum. Soleiðis var heldur ikki leygardagin, tá hann sjáldan bjóðaði av og setti mót- støðuverjuna undir trýst. Men hann er altíð á rætta staðnum. Og tað er ein eginleiki, sum tey eru sera fegin um í Víkingi. Málini: 0-1: Gestirnir hava lætt spæl í høgru, tá bólturin brádliga endaði fyri føturnar á Zoltán Bukszegi, sum var tryggur. 1-1: Jákup á Borg finnur hegnisliga Berg Midjord, sum hevur funnið sær pláss í brotsteiginum. Midjord er knappur og smekkar til. Umvegis tvørtræið javnar hann fyri B36. 1-2: Bólturin støkkur upp í loft inni í brotsteiginum. B36- verjuleikararnir meta, at bólturin fór av vøllinum, tá leðurkúlan brádliga dalar beint niður til Finn Justinussen. Tætt frá málinum setur framherjin høvdið á. 1-3: Víkingur fer í skjótálop, tá Tróndur Vatnhamar brádliga stendur í ongamannalandi millum málið og bóltin. Finnur Justinussen hevur bæði tíð og pláss, áðrenn hann sendir framvið málverjanum. Botnstríðið er gevandi - Ja, sjálvsagt eru vit vónbrotnir. Jákup á Borg og B36 eru í óvandari støðu í hesum døgum. Tað er fyrstu ferð, at landsliðs- leikarin hevur tikið lut í niður- flytingarstríðnum. - Tað er løgið. Men eg vil siga, at tað somuleiðis er gevandi. Vit vistu undan kappingarárinum, at tað fór at verða trupult. Vit læra í løtuni, hvussu vit skulu takkla ógvusliga mótgongd. Og tað er serliga gevandi, um eg einaferð verði venjari. Men vit vóna og vænta, at tað fer at venda, sigur Jákup á Borg. Hvat tosa tit um í hálvleik- inum, tá tit eru aftanfyri 2-1? - Vit ætlaðu at leggja meira fyri í framrættaða spælinum, men megna ongantíð at leggja Víking undir trýst. Vit tosa ikki við stórum orðum í hesum døgum. Vit stríðast framvegis og tað fer at bragda hjá okkum fyrr ella seinni, sigur landsliðs- leikarin, sum var bilsin um, at tað ikki vóru fleiri fólk og stuðl- aðu liðnum leygardagin. Men hann leggur dent á, at liðið fegnast um tey, sum stuðlaðu. - uni Als ikki undir­ haldandi - Eg segði við Niclas Niclasen undir dystinum, at eg var glaður fyri, at eg ikki hevði goldið 100 krónur fyri at sæð hendan dystin. Soleiðis sigur Atli Gregersen, verjuleikari hjá Víkingi, sum sjálvsagt var fegin um stigini, sum liðið vann í Gundadali leygardagin. - Odmar Færø spældi bóltin til Róald Jacobsen, og síðan fekk Odmar Færø hann aftur. Ímeðan stóðu vit og hugdu. Soleiðis var tað í stórum løtum. Men vit hava fult tamarhald á og sigurin var uppiborin. B36 er ein “sleeping giant”, sum ong- lend ingar siga, og vit høvdu væntað okkum ein torføran dyst. Tað royndu teir eisini, men vit stóðu ímóti, sigur Atli Greg- er sen, sum er fegin um mongu rennitúrarnar við venj aranum í vetur. - Jógvan Martin Olsen legði stóran dent á kropsligu venj- ing ina í vetur. Tað kemur okk- um av álvara til góðar nú, tá vit hava fleiri dystir eftir fáum døgum, sigur Atli Gregersen. - uni B36 – Víkingur 1­3 (1­2): Nú sansar at hjá B36 Víkingur B36 Eftir eina frálíka byrjan, hevur B36 bara vunnið eina ferð síðan 19. apríl. Tað var í 11. umfari á heimavølli móti 07 Vestur Mynd: Hilmar Jan Hansen/Einslistir