fríggjadagur 14. august 2009síða 15

Nr. 153 - 14. august 2009 15 Sunnudagin 16. august fyllir Tommy Petersen á Argjum 60 ár. Tommy er dani, sum hevur búð í Føroyum síðan 1974. Hann hevur helst roynt meira enn tey flestu á síni yrkisleið, bæði í Dan­mark, Føroyum og kring um í heiminum. Eftir at hava lokið stu­ dentsprógv í Næstved í 1968, fekk hann sær leið­ araútbúgving sum sersjant­ur á Hærens Befalings­mands­skole í Sønderborg í 1969 og var í danska her­inum til 1970. Í 1974 tók hann prógv sum sosial­ráðgevi í Esbjerg, og sama ár fekk hann starv sum leiðari av And­veikra­ verndini í Føroyum. Hetta starv røkti hann í fyrsta umfari til 1978, tá hann fór at lesa løgfrøði í Keyp­ mannahavn og arbeiddi í lestrartíðini hálvan dag í danska sosial- og umhvørv­ismála­ráðnum. Frá 1980-81 var hann settur leiðari av Andveikraverndini í Før­oy­um. Eftir at hava lokið løg­frøðiligt kandi­datprógv í Keypmannahavn, fekk hann í 1984 starv sum fulltrúi á Almannastovuni í Havn. Frá 1985-87 var hann skriv­ari í Aliráðnum, og frá 1987-93 var hann stjóri á Almanna­ stovuni. Tommy var ráðgevi í vinnumálum hjá Føroya Landsstýri frá 1993-98, har hann t.d. arbeiddi við fiski­ vinnu og handilssáttmálum við ES, EFTA og eystur­ europeisk lond. Eftir tað var hann stjóri á Føroya Kærustovni frá 1998 til 1999, tá hann fekk starv sum district advisor hjá DANIDA í Nepal, har hann eitt skifti var nevndarlimur í felagnum fyri DANIDA- ráðgevar í Nepal. Frá august 2003 til februar 2004 var hann út­sendur av danska uttan­ríkis­málaráðnum til Irak sum ráðgevi. Eftir tað vóru aftur boð eftir Tommy til eitt starv sum seniorráðgevi hjá DANIDA í um­hvørvismálaráðnum í Kairo í Egyptalandi. Hetta starv røkti hann frá 2004 til 2008, tá hann kom heim aftur og fekk starv sum løg­ frøði­ligur ráðgevi hjá Vinnu­mála­ráðnum. Í dag er Tommy stjóri á Føroya Altjóða Skipaskráseting og Skrá­seting Før­oya. Umframt sítt arbeiði í Føroyum og uttanlands hevur Tommy havt fleiri álitsstørv. Hann var t.d. lim­ur í nevnd­ini í Sosial­ráð­gevarafelagnum í 70-unum og fyrsti formaður í Fe­lag­num fyri Búskapar- og Løgfrøðingar í 80-unum. Hann hevur sitið í nevndini fyri Ráfiskagrunnin og í nevndini fyri Sjúkra­frøð­ ingaskúlan. Eitt skifti var hann formaður í Ráðnum fyri Brekað, sum var ráð­gevandi fyri landsstýris­mannin í almannamálum. Eisini var hann limur í teimum báðum nevnd­unum, sum í nítiárunum skrivaðu bláa og reyða álitið um ES. Tommy er giftur Maju Larsen, sum hann 13. juli í ár kundi halda silvur­brúd­leyp saman við. Børnini eru: Gyðja (16 ár), Liv (23 ár) og Janus (32 ár). -red Tommy Petersen 60 ár Sunnudagin 16. august verð­ur Tommy Petersen 60 ár. Ikki sæst tað á honum, hvørki í sinn ella skinn. Og tá hugsað verður um, hvussu nógv hesin nú aldr­ andi unglingi hevur upp­ livað og roynt, so er tað enn meira óskiljandi, at árini ikki eru enn fleiri. Í mun til okkum deyðiligu hevur hann nú í mong mong ár roynt eydnuna úti í stóru verð, har danskir argjamenn eru sjáldsom sjón. Og sum ein, ið roynir at finna sær ævigt lív ella í hvussu er gerast fleiri hundrað ára gamal eins og tey, sum búgva í Sjangri La í Himma­layafjøllunum, í nepal­esiska umhvørvinum. Hann hevur eisini arbeitt í krígsherjaða Irak og hevur roynt at rætta ríki faroanna, Egyptalandi, eina hjálpandi hond. Jú fáur her á landi man hava upplivað so nógv og verið fyri so mongum spenn­andi og gevandi av­ bjóð­ingum sum tann spelkni Tommy. Hesin frynt­ligi og altíð positivi, men eisini kontanti og krit­ iski argjainnflytarin hevur dugað at liva lívið, meðan vit onnur framvegis damla í og ikki koma upp úr heim­ føðisliga dunnu­hylinum. Tey, sum kenna Tommy, vilja helst nikka játtandi, tá Tommy fær góð og lívs­ játtandi skoðsmál. Hann er ein livimaður, ein, sum ikki letur seg tøla av ger­andis­ stressinum. Altíð miðvísur og vitandi/bevístur um tað hann ger og ikki minst vil. Næstan altíð í góðum lag, smílandi, fyrikomandi og ikki at gloyma ein trúgvur vinur. Eitt sosialt vesin vil onkur kalla hann á gøtu­ donskum. Altíð góður at tosa við og fáa góð ráð frá, ein analytikari sum fáur, ein, sum lurtar og út frá tí hann hoyrir ger sær sínar væl undirbygdu niðurstøður. Hóast hann eisini kann vera rættiliga avgjørdur, so er hann tó altíð opin fyri tí mennandi dialoginum. Men hann hevur sanniliga eisini góða tendring, serstakliga tá hann følir ella heldur, at tingini ikki koyra, sum tey eiga ella um onkur hevur borið seg heilt skeivt at. Tá kunnu koma banniorð á varrarnar, tí hann er altíð fult engageraður í tí, sum fer fram rundan um hann, upp á gott og ilt. Hvør kennir ikki ella hevur ikki sæð henda lætt­ gongda mann, sum hvønn dag snimma á morgni legg­ ur leiðina av Argjum og heim til Havnar, ein, sum tekur CO2 hóttanina í størsta álvara. Altíð væl­ upplagdur á ferð og við tí fryntliga og sjarmerandi smílinum, tó av og á fjalt av tjúkkum sigarroyki. Hóast arbeiðsgrev so er hann eis­ ini lívsnjótari av fyrstu skuffu, og til hesa njóting hoyra ikki bert ein góð kona, evnarík børn og góðir vinir og starvsfelagar men eisini ein góð sigar og ein góður whisky, tá um­støð­ urnar tala fyri tí. Tosar tú við hann ella hoyrir hann í loftmiðlunum, so fær tú eina kenslu av, at hann eis­ ini á hesum øki er nærlagdur. Hevur lært seg føroyska málið og dugir væl at hand­ fara tað, hóast hann kom vaksin úr Danmark til Før­ oya og hevur brúkt nógva tíð í útlondum. Onkur man nokk undrast á, hvussu tað ber til, at ein maður sum Tommy skal hava fingið loyvi til at fara av landinum so oftani við farloyvi frá tí almenna. Ja, út í verðina at dusa sær, meðan vit onnur deyðiligu skulu stríðast og strevast her heima vil onkur ill tunga siga. Men hví ikki heldur síggja tað positiva og skilagóða í hesum. Er tað ikki gott, at fólk í al­ mennum størvum hava vilja og dirvi til at seta gummi­ skógvarnar frá sær og eina løtu leita út í stóru verð at fáa sær nýggjar avbjóðingar og síðani kunnu koma heim­aftur við eldhuga og uppladaðum battaríum, ja við nýggjari barlast, sum so aftur kann koma landi og fólki her heima til góða! Ja, er hetta ikki ein góð íløga fyri allar partar, tað at nøkur okkara kunnu fara út í heim­in og fáa sær royndir og vitan og koma heimaftur við teimum at brúka í sínum arbeiði og privata lívi! Tað er so heldur ikki ein og hvør, sum er so heppin at verða góðkendur sum ráð­ gevi og hjálparmedarbeið­ ari í øðrum londum. Til tess krevst ikki bert eitt fakligt innlit, her hava persónligir og menniskjansligir egin­ leikar alstóran týdning, og eingin ivi er um, at tey trý árini í Nepal, mangan undir sera torførum umstøðum, hava verið við til at lata port­ur upp, tá Tommy seinni fór til Irak og Egyptaland. Her hava hansara ábyrgd­ arkensla og evnini til at samstarva og samskifta utt­ an iva talt nógv. Tommy hevur eina góða og dugnaliga konu í Maju. Tá boð eru eftir Tommy í Nepal ella Egyptalandi, so er Maja við hansara lið. Frá byrjan til enda. Í juli høvdu tey bæði silvurbrúd­leyps­ dag, og hann var hildin í Himmalayafjøllunum sam­ an við vinfólki og fyrr­ver­ andi starvsfeløgum har. Tommy byrjaði lívsleið sína í Føroyum á almanna­ økinum. Seinni hevur hann fingist við bæði ali- og oljuvinnu fyri síðani at royna seg í eini heilt nýggj­ ari vinnu. Við dyggum altjóða royndum er hann nú farin at halga sítt lív til at menna nýggju føroysku vinnugreinina, føroysku altjóða skipaskrásetingina. Eingin ivi um at her hevur landsstýrið valt tann rætta mannin. Her koma hansara royndir sum ráðgevi í fjar­ skotnum londum væl við, tí nettupp dialogurin og hetta at kunna skilja menniskju við øðrum mentanum og við øðrum máli hevur nógv at siga, fyri at henda nýggja vinna kann fáa fótin fyri seg her heima. Og úrslitini hava longu víst seg, tó at hetta er ein long tilgongd. Tommy Petersen er eitt dømi um ein persón, sum kemur uttanífrá tó úr øðrum parti av ríkisfelags­skap­in­ um, til Føroya og við at ger­ast ein av okkara, før­ oyingur, hevur hann tilført hesum lítla samfelagnum nógv gott og nýtt, sum vit so sanniliga eisini hava brúk fyri. Í mongum eru vit tíverri eitt alt ov afturlatið og samangrógvið samfelag, tí er gott við fremmandum blóði. Og kanska tað eisini er ein fyrimunur fyri okkara samfelag, at útlendskir inn­ flytarar júst hava tað við sær fram um okkum inn­ føddu, at teir tora ella hava lættari við at fara út í stóru verð at taka við avbjóðing­ um og menna seg og harvið verða enn betur førir fyri at byggja land her heima. Gott í teg Tommy! Vónandi fær tú mong góð ár aftrat her, ikki minst saman við Maju, og vónandi sleppa vit fram­ haldandi at fáa nógvar góð­ ar løtur saman við tær. Jan Altjóðaligur danskur argjamaður 60 ár Dagurin 14. august. Eusebius. Fleiri halgimenni at navni Eusebius eru knýtt at degnum 14. august. (Axel Tórgarð: Dagar og nøvn í álmanakkanum, 2. broytta útgáva 2008) Tel. 34 18 00 lysing@sosialurin.fo Vit seta lýsingina upp fyri teg ókeypis. Ring og fá ein prís!