týsdagur 13. november 2001síða 4

6 Nr. 219 - 13. november 2001 Nr. 219 - 13. november 2001 7 Ungdómurin er eisini farin a halda seg framat á seyðasýning- unum í Hvalba og hesuferð vóru tað teir, sum fóru við steyp- unum SEYÐAHALD Áki Bertholdsen Jens Pauli Berg og brøð- urnir Hilmar og Allan Sveinbjørnsson eiga vakr- astu veðurlombini í Hvalba. Tað fingu teir prógv uppá leygardagin. Leygardagin var seyða- sýning í Hvalba, har veður- lomb vórðu sýnað. Tað eru nú átta ár síðani, at Hvalbingar fóru undir at sýna seyð og undirtøkan var aftur góð hesuferð. Lombini vórðu býtt sundur í tveir bólkar, haga- lomb fyri seg og traðar- lomb fyri seg. Tilsamans vóru 83 lomb við á sýning- ini, 68 hagalomb og 15 traðarlomb. Hetta var fyrstu ferð, at teir royndu hetta sundurbýtið. Umstøðurnar at sýna seyð í vóru av teimum bestu, tí lombini vórðu skoðað inni í sjálvari Roynhøllini, har steypini eisini vórðu hand- að. Eftir at hava mett um øll lombini, komu dómararnir til tað úrslit, at av teimum 83 lombunum fingu 26 1. virðisløn, tvs, at tey høvdu ongi brek. Tilsamans vóru bara fýra lomb, sum høvdu so nógv brek, at tey onga virðisløn fingu, annars fingu øll hini 53 lombini 2.ella 3. virðis- løn, tvs, at tey vóru góð, men høvdu kortini onkur brek. Dómarnir á sýningini vóru, aftur hesuferð Petur Karl av Rana, Óli í Hjøll- um, Frits Poulsen og Ásm- und Bærendsen. Annars fullu virðisløn- irnar fyri hagalombini so- leiðis, at tað vakrasta av teimum átti Jens Pauli Berg, tað næstvakrasta átti Dánjal Olsen og tað trið- vakrasta átti Hanna Will- umsen. Vakrasta traðarlambið áttu brøðurnir Allan og Hilmar Sveinbjørnsson, næstvakrasta átti Hartvig Hammer og triðvakrasta, Eliesar Poulsen. Allir hesir seks eigararnir fingu steyp til ognar. Men harumframt varð eitt ferðasteyp latið til tað lambið, sum var vakrast av øllum og har mettu dóm- arnir, at Allan og Hilmar Sveinbjørnsson skuldi hava, tí teir meintu, at tað hevði munin á tí hjá Jens Paula Berg. Sýningin í Hvalba leyg- ardagin var tann seinasta bygdarsýningin í Suður- oynni heyst. Men seinni, helst leygardagin 24. nov- ember, er ætlanin at hava eina oyggjarfinalu, har tey, sum hava vunnið á sýning- unum í teimum ymsu bygd- unum, verða við. Tann sýn- ingin verður eisini í Hvalba. Ætlanin er at umsit- ingin hjá Sumbiar Kommunu skal flyta í nýtt hús næsta ár SUMBA Áki Bertholdsen Næsta ár fáa sumbingar nýtt ráðhús. Í fjør keypti Sumbiar Kommuna Fiskahúsið á Mølini fyri góðar 300.000 krónur og ætlanin er, at um- sitingin hjá Kommununi skal flyta í húsið næsta ár. Síðani kommunan keypti húsið, hevur hon arbeitt við at útvega uppskot um, hvussu tey kunnu innrætt- ast til ráðhús. Og tá ið bygdaráðsfundur var seinast, varð eitt upp- skot, sum Landsbyggifel- agið hevði gjørt, lagt fyri bygdaráðslimir. Eftir tí verður helvtin av húsinum goymslurúm, sum ikki skal innrættast,men hin helvtin verður innrætta við fundarhøli, tveimum skriv- stovum, skjalagoymslu og wc. Men harumframt hevur Landsbyggifelagið skotið upp at gera ein útbygning oman ímóti sjónum, har er ætlanin, at undirhús skal vera, har sumbingar kunnu hittast í fríløtum, eins og vit kenna tað frá øðrum undir- húsum kring ymsastaðni í landinum. Í uppskotinum, sum er gjørt til fíggjarlógfyri 2002, eru 300.000 krónur settar av til at innrætta húsið fyri. Men Jacob Vestergaard, borgarstjóri, ivast í, um tað er nóg mikið, so má restin útvegast onkusvegna. Húsið, sum kommunan skal flyta í, er 200 fermetr- ar til støddar. Borgarstjórin sigur, at tað kann tykjast nakað stórt til kommununa. Men hann vísir á, at talan er um at leggja fleiri og fleiri tænastur út til kommunurn- ar at umsita og tá ið komm- unan fer undir eitt hús, er tað betri at leggja upp fyri, so at tað eisini nøktar tørv- in framyvir. Hann sigur, at verða fleiri øki løgd út til kommunurn- ar at umsita, er hann sann- førdur um, at eisini Sumbi- ar Kommuna er før fyri at umsita tey øki, sum komm- unurnar eftir ætlan, skulu umsita. Sum er húsast kommun- an í eini lítlari skrivstovu í skúlanum men tað liggur eisini í málinum, at skúlin hevur brúk fyri hølunum og tað er eisini ein orsøk til at kommunan ætlar at flyta. Teir ungu vunnu Jens Pauli Berg eigur vakrasta hagalambið í Hvalba. Tað fekk hannsteyp fyri á seyðasýning í Hvalba leygardagin Vakrasta traðarlambið í Hvalba eiga brøðurnir Hilmar, tv við tí stóra ferðasteypinum og Allan Sveinbjørnsson, við ognar- steypinum. Á seyðasýningini í Hvalba leygardagin var teirra lamb eisini mett at vera tað vakrasta av øllum Sumbingar fáa nú nýtt ráðhús Soleiðis hevur Landsbyggifelagið hugsa sær, at Fiskahúsið á Mølini, sum kommunan hevur keypt, fer at síggja út. Útbygningurin er omaneftir ímóti sonum og eftir ætlanini skal undirhús verða í honum til sumbingar at hittast í í fríløtunum Á eykaaðalfundi hjá Sjálvstýrisflokkinum, sum varð hildin í Klaksvík leygardagin, varð Sámal Petur í Grund valdur til politiskan formann í flokkinum FORMANSVAL Edvard Joensen Tað tók eina viku hjá Sjálvstýrisflokkinum at fáa valt Sámal Petur í Grund til formann. Men leygardagin varð formanssessur hansara endaliga staðfestur á eyka- aðalfundi í Klaskvík. Eykaaðalfundurin valdi samstundis Eyðun Elttør, landsstýrinmann, til næst- forman. Landsnevndarval var eisini, og varð lands- nevndin afturvald við tí undantaki, at veteranurin í Klaksvík, Schuman Han- sen, valdi at bíta um sess við tiltakslimin Jan Joen- sen. Schumann Hansen er nú tiltakslimur. Eisini Edvard Hermansen, lands- nevndarformaður, tók við afturvali. Nýggja lands- nevndin hevur tó ikki skipað seg enn. Eykaaðalfundurin valdi eisini tveir limir í starvs- nevndina. Tey eru Petur Oliver í Hoyvík, umboð- andi Eysturoyar Sjálvstýr- isfelag, og Ása Olsen, sum umboðar Suðurstreymoyar Sjálvstýrisfelag. Sámal Petur í Grund, formaður, sigur, at fundurin var væl mannaður. Tvey umboð møttu ikki vegna forfall, sigur hann. Fund- urin gekk væl, og øll mál vórðu virðiliga avgreidd, sigur nýggi politiski for- maðurin í Sjálvstýrisflokk- inum. Sámal Petur á brúnni Samstundis sum nýggja studiið hjá Sjónvarpi Føroya verður tikið í nýtslu, fer SvF at senda Dag og Viku fýra ferðir um vikuna. Fyrsta vikan verður nógv merkt av politisku støðuni upp undir fólkatingsvalið SJÓNVARP Edvard Joensen Sjónvarp Føroya sendir nú Dag og Viku fýra ferðir um vikuna. Fyrsta vikan, Sjón- varp Føroya sendir tíðindi úr nýggjum hølum, verður rættiliga nógv merkt av politikki. Sjónvarp Føroya byrjaði í gjárkvøldið at senda Dag og Viku mánakvøld. Við hesum verða fýra sendingar um vikuna. Hinar tríggjar fara at liggja tær vanligu tíðirnar, týskvøld, hóskvøld og fríggjakvøld klokkan 20.00, sigur Øssur Winth- ereig, tíðindastjóri í Sjón- varpi Føroya. Tað er Tine Rygum, sum er donsk, ið hevur skapt nýggja studiið hjá Sjón- varpi Føroya. Hon hevur millum annað eisini gjørt pallmyndirnar til donsku undirhaldssendingarnar “Den store klassefest” og “Venner for livet” hjá TV2, sum eisini verða vístar í SvF. Dagur og Vika Nýggja studiið hjá Sjón- varpi Føroya fer fyrst og fremst at verða nýtt til Dag og Viku, umframt tær kjak- sendingar, sum vanliga plaga at verða sendar úr D&V studiinum. Dagur og Vika fara at verða send fýra ferður um vikuna, mánakvøld, týs- kvøld, hóskvøld og fríggja- kvøld klokkan 20.00, og verður hvør sendingin umleið 20 minuttir. Mikukvøld verður send- ingin “” send klokkan 20.00, og beint eftir hana kemur sendingin “Grannar okkara” sum ein sjálv- støðug sending. Aðrar ískoytissendingar verða eisini fluttar. Eitt nú verður “Breddin” fluttur til mánakvøld, og “Globus” verður send týskvøld, sigur Øssur Winthereig. Politikkurin Sum vera man verður hendan fyrsta tíðindavikan í nýggja studiinum nógv merkt av, at fólkatingsval er um eina viku. Fimm politiskar kjak- sendingar verða sendar beinleiðsi úr nýggja studii- num. Tann fyrsta var í gjár, og vóru luttakaranir har Javnaðarflokkurin og Fólkaflokkurin. Katrin Petersen var vertur. Hon og Øssur Winthereig fara at býta hesar kjaksending- arnar sínámilum. Øssur Winthereigh sigur, at sendingarnar eru skip- aðar soleiðis, at tveir flokk- ar verða settir upp móti hvør øðrum. Býtið er ikki gjørt við lutaskasti, sum annars ofta plagar at vera vanligt, uttan at Sjónvarpið sjálvt hevur sett flokarnar saman. Fyrsta sendingin, sum var í gjár, var millum teir flokkaranar, sum í løtuni hava sess á Fólkatingi, Javnaðarflokkin og Fólka- flokkin. Í kvøld verða luttak- ararnir Sambandsflokkurin og Tjóðveldisflokkurin, sum verða roknaðir sum teir báðir mótpolarnir í føroyskum politikki, tá hugsað verður um støðuna mótvegis Danmark, sigur tíðindastjórin í Sjónvarpi Føroya. Í annaðkvøld verða tað Miðflokurin og Fólkaflokk- urin, sum fara at kjakast, meðan Sjálvstýrisflokkurin og Sambandsflokkurin eiga tørn hóskvøldið. Seinasta kjaksendingin upp undir fólkatingsvalið verður fríggjakvøldið millum Javnaðarflokkin og Tjóð- veldisflokkin. – Býtið er gjørt soleiðis, sigur Øssur Winthereig, at teir fýra stóru flokkarnir sleppa tvær ferðir í part í studiið, meðan teir báðir smáu bara sleppa einaferð hvør. Eisini mánakvøldið verð- ur sent í samband við fólka- tingsvalið. Tá verður sam- sending um fylgisvein við danskt sjónvarp, sigur Øssur Winthereig. So er tað týskvøldið í næstu viku, sum er sjálvt valkvøldið. Tá verður sent úr stóra studiinum í Sjón- varpinum, eins og samband verður við ymisk valstøð í Føroyum og við Christ- iansborg. Katrin Petersen fer at vera studiivertur í SvF, har føroyskir politikarar fara at hittast, meðan Øssur Winthereig fer at taka sær av sambandinum við val- støðini og Christiansborg, har Brynhild Thomsen fer at vera stødd. Sum eitt ískoyti til po- litiksu sendingarnar í Sjón- varpi Føroya nevnir Øssur Winthereig, at “Rangt og Rætt”, sum skuldi verið send leygarkvøldið, verður flutt til hóskvøldið í kom- andi viku. Sostatt verða tvær sendignar við “Rangt og Rætt” í komandi viku. Orsøkin er, at í send- ingini, sum longu er fest á band, luttaka báðir teir núverandi fólkatingsmenn- inir, Jóannes Eidesgaard og Óli Breckmann. Tí verður hildið óheppið at vísa send- ingina nú, og verður tí bíðað, til valið er av, sigur Øssur Winthereig, tíðinda- stjóri í SvF. Sjónvarpið í nýggjum hami Sámal Petur í Grund hevur eftirlit við sjálvstýraranum Mynd: Jan Müller Katrin Petersen og Øssur Winthereig í nýinnrættaðu sjónvarpshølunum. Nýggja studiið líkist teimum, sum eru at síggja í sendingum hjá stóru, útlendsku sjónvarpsstøðunum við livandi myndum á vegginum aftan fyri vertin C M Y K 7 6